Hibrù 10:31 - Mokpwe: Bakwery (New Testament)

³¹ È o hwɛ wòhwe na tɔ̀ ima mòtò ema a o kpèeyà o màà mà ama Lohwɛ̀ ema lì hwèlì lòŋgɛ o lì luwa kɔ̀kìrzɛ̀.

Hibrù 10:31 Mawu Ofanana

Matiyò 10:28

È rzi òka tɔ̀ mòtò wa hwènàmà ema a tànɛyi lì òŋwa e nyàmà nyò wɔ̀ŋgɔ̀, ndi à rza tànɛyi lì òŋwa èlìŋgɛ̀. Ndi e òke Lohwɛ̀ wɔ̀ŋgɔ̀ ema a tànɛyi lì hvàŋga e nyò na èlìŋgɛ̀ ò tenì ya èhvɔ̀ndì ya mùnya.

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Lukàrzɛ̀ 12:5

Ndi inyɛ na è òhweyà njɛnɛ e hwɛnì lì òkà wɔ̀ŋgɔ̀. È mòtò ema ya àŋgàmɛ̀nɛ̀yi lì òka wɔ̀ŋgɔ̀, a hwèlì ndì e mɔ̀ ema a e kɛɛ̀ni tɛ muulù, a hwɛnì hvɛ ŋginyà ò lì è àŋgba ò èhvɔ̀ndi ya mùnya ema mò rza lìma. Ò jɔ̀kɛ̀ nà è òhweyà ndi nanù ema mɔ̀ ndì ya àŋgàmɛ̀nɛ̀yi lì òkà wɔ̀ŋgɔ̀.

Lukàrzɛ̀ 21:11

O ò hwɛ mònyìŋgìrzɛ̀nɛ̀ mò ndɛnɛ̀ è rze ya mɔ̀nyɛ̀ ya àrzɛ. Njàwò ndɛnɛ̀, nà nyàmbɛ ja wòhwe rzayì-rzayì, èki tɛ. Hweyà ema hwe òkìrzɛ̀nɛ wɔ̀ŋgɔ̀ nà hwèmbànèlì hwe ndɛnɛ̀ ema hwe uhweyà ò ŋmanyu.

Hwègbèèlì 13:11

Nàŋgɛ rzɔ, Rzàŋgò Lohwɛ̀ a ò kɔ̀kìrzɛ̀. O kpa ndima, ò rza ò ɛnɛ hvɛ ò ŋmanà hvòka hvònda.” O lìwòkimɛnɛ, Èlìmàrzì a hweyà ndi ò a ɛnɛ òma lìmbaki lì ma mò hwanda mìirzɔ̀, rzìi mɔ̀ a à ŋmàrzɛ̀lɛ ò lì luwa mòtò ema a lɛmbɛ lìya la eni ò lì mò timba.

2 Kɔ̀rintìyà 5:11

Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.

Hibrù 10:27

Ndi mòtò a lìmelì tɛ o lì gbeyà wòhwe, nanù oma wɔ̀ɔŋgɔ̀ ndi wo mo hwɛ o tenì nanù ema Lohwɛ̀ a mo tùulɛ̀ màaŋgo ò Wùnyà wo Hwèkàyìrzèlì. Hwa mo rzɛlɛ o tenì ya mùùnya mondɛnɛ ema mo rzɛlɛ hwaŋga ema hwa teŋgɛ̀nɛ Lohwɛ̀.

Hibrù 12:29

Nà e jɔ̀kɛ̀ Lohwà la arzu a hwèlì ndi nàa mùnya ema mo rzɛlɛ hweemà hwe arzɛ.

Hibrù 3:12

È wòwè hvonda ìi wònyanyàŋgò hwa ami hwa Krirztò ema tɔ̀ mɔ̀kɔ wà anyu à rza ohva ŋmèma mò wòhwe ema mò rza lòkɛ̀, aŋga nanù è rza hwɛmɛ Lohwɛ̀ ema à hwèlì lòŋgɛ.