Hibrù 10:29 - Mokpwe: Bakwery (New Testament)

²⁹ Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 10:29 Mawu Ofanana

Matiyò 26:28

Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì ja hwatò. Manù màyija mà hwèlì ndi màyija mà hweyi hvènya, nanù ema Lohwɛ̀ à hwa làkìrzɛ̀ wòhwe wò awu.

Matiyò 7:6

O rzi wòwà hwèèmà hwe ama Lohwɛ̀ rzi ò ji ŋgbà iŋgba, èhwanja jò ò àyiŋgòwɛ̀lɛ̀lɛ̀ lì ò urzuweyà. O rzi hvimbeya hvɛ iŋgòwa ŋmɛ̀ɛ̀ŋgu mò aŋgɔ̀, èhwanja i jì làalà nà matàŋga mà awu.”

Makòrzì 7:2

Hwa mà ayèmbɛ nanù ema hwà-òkòwèlì hwà mà Yerzù hwà mà làa mòlelì na màà mà mbìndò ema mà rzi rzòrzahwɛ̀, e nyayi ema Ihvalìrzàyì hwà mà arze ema nàa ɛ̀ɛ̀mɛ̀ ya awu ma rzòrzahwe.

Lukàrzɛ̀ 12:10

Tɔ̀ ima mòtò ema à òhwi eyà ya wòhwe lì teŋgɛ̀nɛ̀ è Ŋmanà wà è Mòtò wà Hwènàmà, à ò làkìrzɛ̀hwɛ̀. Ndi è mɔ̀ ema à òhwi eyà ya wòhwe lì teŋgɛ̀nɛ̀ Èlìŋgɛ̀ yà Wòtani à rza làkìrzɛ̀hwɛ̀.

Yòwanìrzɛ̀ 10:36

Imba ndì na hwèlì e mɔ̀ ema Lohwɛ̀ à nàmìrzɛ̀yi rzi a nò òmi ò rze, nɛ rzɔ inyɔ e tànɛ̀yi lì òhwa nanù ema imba na hwɛnyɛ Lohwɛ̀ e? Èhwanja imba na òhwi nanù ema imba ndì nà hwèlì è Ŋmanà wà ama Lohwɛ̀ e?

Yòwanìrzɛ̀ 17:19

Wɔ̀ hwa èŋgànɛ̀lɛ̀ nà mà aŋgbɛ imba mbiti ò lì ò gbèeyà ò lì arza nanù ema wɔ̀ hvɛ hwa aŋgbɛ wɔ̀ hwiti ò lì ò gbèeyà.

Hwègbèèlì 7:51

Rzìtehvànɛ rzìi a hwatɛ hvɛ ò lì òhwa nanù ema, “Inyɔ hwatò hwa maniya, mèèmà me anyu ma eti. È ma umba matò ma anyu ò lì hweyà ŋmɛ̀ndì mò ama Lohwɛ̀. È gbèyi ndi nàa imbamba ja anyu, e teŋgɛ̀nɛ̀yi Èlìŋgɛ̀ yà Wòtani.

Ròmànì 16:20

Lohwɛ̀ la ɛ̀yɔ̀lɛ̀ ŋmanà mbɔ à hwɛni lì rzììkà Mòkarzɛ̀ ò rze yà matàŋga mà anyu. Inyɛ̀ è ndèli yà ama è Rzàŋgò hwa arzu Yerzù Krirztò è hwɛ nà inyɔ hwa arzɛ.

1 Kɔ̀rintìyà 11:27

Tɔ̀ ima mɔ̀ ema a lelì ene ehvòòto rzìi a nyɔ hvɛ manù mimba, ma ama Rzàŋgo, na mèèmà ema mo rza rzaŋgɛ. Nànù o ma a gbèyi wòhwe o nyo na màyija ma ama Rzàŋgo.

1 Kɔ̀rintìyà 11:29

O èŋgànɛ̀lɛ̀ mòtò a rza embi tɛ jànda ja nyo ya ama e Rzàŋgo ò èŋge hvonda ema hwa làa èŋge ehvòòto rzìi hwa nyɔ̀ɔ maŋga mimba, hwa jànà ndi hwèkɔ̀kìrzèlì o nyo ja awu. Nà oma wɔ̀ hwa làa èŋge ehvòòto na lì nyɔ maŋga mimba.

1 Kɔ̀rintìyà 15:25

Krirztò A hwɛnì lì kànèyà natɛ̀ɛ na e hvonda ema Lohwɛ̀ à ò aka hwakɔ̀èlì hwa eni rzìi a hwa ika hwa arzɛ o rze ya lìkànèyà la eni.

1 Kɔ̀rintìyà 15:27

È tìlàhwì ò kààtì yà Lohwà nanù ema, “Lohwɛ̀ à ikayi hwèèmà hwe arzɛ ò rze yà màtàŋgà mà eni.” Ndi nà è jɔ̀kɛ̀ è òhwàhwì nanù ema, hweyà hwe arzɛ ema Lohwɛ̀ à ohwi ema à ika ò rze yà ama Krirztò, Mɔ̀ ŋmìti à rza enje aŋga.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

Hibrù 10:10

Nà oma Yerzù Krirztò à mà emeyà o lì gbeyà na oma Lohwɛ̀ a àrzeyà, o lì aŋgbɛ mɔ̀ ŋmìti nàa màahweyà, e ma jo gbeyà irzɔ hwa arzɛ o lì rzaŋga o worzo wo ama Lohwɛ̀ ŋgèlì hvɔ̀kɔ, o iŋgèlì ja arzɛ.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Hibrù 2:11

Yerzù ema mɔ̀ ndi mɔ̀ à gbèyi ndèŋgànà hwatò hwa e jà wòtani, ndèŋgànɛ̀lɛ̀ hwatò ema hwa hwèlì wòtani, hwa arzɛ hwa hwèlì ndi hwàanà hwa Tatɛ̀ hvɔ̀kɔ. Ndeŋgànɛ̀lɛ̀ yɔ̀ ndi e gbèyi ndeŋgatɛ Yerzù a rza oka irzɔ̀ni o lì hwa hwɛlɛ nanù ema wònyànyàŋgo wa ami.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 6:4

Nà ohwa ndi nanù ehwànja hwatò hwa rzɔnjɛ̀lɛ̀ tɛ lìlòkɛ̀ la awu, tɔ̀ mòtò a rza tanɛyi o lì hwa tìmbìrzɛ hvɛ o lì hwɛmɛ wòhwe wò awu o lì timbeya Lohwɛ̀. Nà ohwa ndi hwatò ema hwà mà luwɛ ŋmàye, hwa kèkìrzɛ mònàmɛ̀ mo ama Lohwɛ̀, ndèŋgànɛ̀lɛ̀ hwà mà luwa èlìŋgɛ̀ yà wòtani nàa hwahvɛhvɛ hwatò.

Hibrù 6:6

È hwèlì tɛ nanù ema hwaŋga hwatò hwà mà màa lì ɛnɛ hweŋge hweyà, rzìi hwa kìnyɛ̀lɛ̀ màlòkɛ̀ ma awu, tɔ̀ mòtò a rza tanɛ lì hwa tìmbìrzɛ hvɛ o lì àyèŋgowɛ̀ o wòhwe o lì nɔ̀ŋgɔ̀ Lohwɛ̀. Nà oma hwa rzɔ̀njɛlɛ è Ŋmanà wà Mùnyanà wa ama Lohwɛ̀, e hwèlì ndi o a ɛnɛ oma hwà mà mo wòmeyà hvɛ o mbàrza. Ndeŋgànɛ̀lɛ̀ hwà mà mo gbeyà o lì oka irzɔ̀ni o worzo wo hwatò.

Hibrù 9:13

O mòlòmɛ̀, hwà mà wowa ndi màyija ma imbolì na inyàkà, rzìi hwa wowa hvɛ lìwu la e ŋguma ya nyàkà ema hwà mà rzɛlɛ, rzìi hwa lì hvahva o inyo ja hwatò ema hwa rza rzàŋgɛ o worzo wo ama Lohwɛ̀ aŋga nanù hwa rzàŋga.

Hibrù 9:20

Nà oma Morzè à mà hwɛ lì hvahva maŋga màyija rzìi a wòteya lì ohwa nanù ema, “Manù màyija ndi ma uŋmɛ̀lɛ̀ nanù ema yòombò ya ama Lohwɛ̀ e rza àyeŋgowɛ.”

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.