Hibrù 10:27 - Mokpwe: Bakwery (New Testament)

²⁷ Ndi mòtò a lìmelì tɛ o lì gbeyà wòhwe, nanù oma wɔ̀ɔŋgɔ̀ ndi wo mo hwɛ o tenì nanù ema Lohwɛ̀ a mo tùulɛ̀ màaŋgo ò Wùnyà wo Hwèkàyìrzèlì. Hwa mo rzɛlɛ o tenì ya mùùnya mondɛnɛ ema mo rzɛlɛ hwaŋga ema hwa teŋgɛ̀nɛ Lohwɛ̀.

Hibrù 10:27 Mawu Ofanana

Matiyò 13:42

Rzìi hwa ò hwa hvimba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.

Matiyò 13:50

Rzìi hwà hwa aŋgba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.”

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Matiyò 3:10

Naŋgɛ yòòndò è mà màà lì naŋga ò mèyaŋga mè màyi. O èŋgànɛ̀lɛ̀ tɔ̀ ima gbèe ema wò rza ŋyàayi hwehvùma hwe gbamù, wò hwɛnì lì kɛ̀ɛ̀hwɛ̀ lì hvimbahwa ò mùnya.

Matiyò 3:12

Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛ̀ŋgbɛnɛ hwèyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hwèyàrzà, à hwe rzòwà ò mùnya ema mò rza lìma.”

Matiyò 8:29

Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Lukàrzɛ̀ 16:24

Èŋge èhwàŋgì ya mòtò rzìi e tɛɛ nanù èma, ‘Ìi tatà Abràhamù, ò nò òkeya ììlì. Oma Làrzàlɔ̀tì ema a tɔ̀tè wòrzò wò jɔ̀nɔ ja eni ò màlìhwa a nò tɔ̀lɛ è mɔ̀ ò jɛ̀ɛ̀mɛ̀ ja amì ò lì nò yɔlɛ̀, èhwanja nà hweyà wɔ̀ɔ̀kì rzayì-rzayì ò tènì yà mònò mùnya.’

Lukàrzɛ̀ 19:27

Ò nàŋgɛ nanù, hwaŋga hwa arzɛ ema hwa nò kɔ̀wu, ema hwa rza àrza ema nà hwɛ è kiŋgɛ̀ yà àwu, è hwa jànè anù. È hwa òŋwe ò wòrzò wò amì.’”

Lukàrzɛ̀ 21:26

Hwatò hwa ò ɔ̀tɔ̀ na wɔ̀ŋgɔ̀ nà òmà hwa ambɛ̀lɛ̀lɛ mamɛ e ò gbèyɛ̀nɛ e rze ya àrzɛ. Èhwanja ì ŋginyà ja ŋmanyu jò nyiŋgà ò hwèki hwe awu.

Lukàrzɛ̀ 23:30

Èŋge hvònda ndi hwatò hwa wòteyà lì òhweyà ihvàko, nanù ema, ‘È jò undeya,’ Rzìi hwa òhweyà hvɛ meyòlì nanù ema, ‘È jò hwande.’

Yòwanìrzɛ̀ 5:29

Rzìi hwa wurza ò irzɔ̀ŋgɔ̀ ja awu. Hwàŋga ema hwà mà gbeyà gbamù, hwa hvùmùwà ò lì lùwa lòŋgɛ, rzìi hwaŋga ema hwà mà gbeyà wòhwe hwa hvùmùwà ò lì kɔkìrzɛhwɛ̀.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 12:29

Nà e jɔ̀kɛ̀ Lohwà la arzu a hwèlì ndi nàa mùnya ema mo rzɛlɛ hweemà hwe arzɛ.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hibrù 9:27

Mòtò tɛ a àŋgàmɛ̀nɛ̀yi lì ŋwa ŋgelì hvɔ̀kɔ, ndèŋgànɛ̀lɛ̀ o mburzà nanù a o kàyìrzɛ̀hwɛ.

Jèmìrzì 5:3

Màŋgàaŋgo ma mà lɛmbɛ e gòòlù na e rzìlìhwà ya anyu ema e imelì o mɔ̀nyɛ̀. Maŋga màŋgaaŋgo ema mà lɛmbɛ hweŋge hwema mɔ̀ ndi ma gbèeyà Lohwɛ̀ à è kɔ̀kìrzɛ̀, ndèŋgànɛ̀lɛ̀ maŋga maŋgaaŋgo me e laa inyo ja anyu nàa mùnya. O mene mèenyà ema lìrzùkù lì ma kombɛ̀nɛ̀, inyɔ e ma àwɔ̀rzɔ̀nɛ̀ mònàmɛ̀.

Hwèwulùwèlì 20:15

Tɔ̀ njɛnɛ ema lìinà là eni lì rzi tìlahwɛ ò tenì yà è kààtì yà lòŋgɛ, à ò hvìmbàhwà ò tenì yà yùlu yà mùnya.