Hibrù 10:26 - Mokpwe: Bakwery (New Testament)

²⁶ È hwèlì tɛ nanù ema i lìmelì ndi o lì gbeyà hweyà hwe wòhwe, ema irzɔ i ma màa lì hwiya e jɔ̀kɛ̀, tɔ̀ làhweyà tɔ̀ lɔ̀kɔ hvɛ lì rza tànɛyi lì ulɛ wòŋgo wòhwe.

Hibrù 10:26 Mawu Ofanana

Lukàrzɛ̀ 12:47

Òŋgò mògbèèlì ema à hwi hwètɛ̀yìrzèlì hwe èwòlò ya ama e rzàŋgò ya eni ya èwòlò, rzìi à rzì àwòŋgìrzɛ̀nɛ̀, tɔ̀ à rzì òŋgàme hwèŋge hwèkàyìrzèlì, à gbiyɛ̀hwɛ̀ hvònji yà jɔ̀kɛ̀.

Yòwanìrzɛ̀ 13:17

Nàŋgɛ ema è hwi hwenè hweyà, è hwe gbèyi tɛ è nàmìrzɛ̀hwɛ.

Yòwanìrzɛ̀ 9:41

Yerzù rzìi a alàhwɛ̀ nanù ema, “È ma hwɛ tɛ ndima, òma e rza òhva wòhwe, ndi na òma e alɛ̀ŋgɛ ema e ɛnɛ, e uŋmɛ̀lɛ̀ ndi nanù ema e òhvi wòhwe nanù mɛnɛ.”

2 Tɛ̀rzàlonìyà 2:10

A gbeyàna nyayi na nyayi ja meyano me wòhwe o hwatò ema mòŋgɛ ma awu mo ò hvàŋgahwɛ̀. Mòŋgɛ ma awu ma o hvàŋgahwà ehwànja wɔ̀ hwa rzɔ̀rzì o lì lìŋgàna e jɔ̀kɛ̀ ema e o hwa kɔ̀tɛ.

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

Jèmìrzì 4:17

O eŋgànɛ̀lɛ rzɔ̀, tɔ̀ njɛnɛ ema a hwi eyà ya gbamù ema àŋgàmɛ̀nɛ̀yi lì gbeyà, rzìi a rzi e gbeye, nanù oma a gbèyi wòhwe o worzo wo ama Lohwɛ̀.

1 Yòwanìrzɛ̀ 5:16

Tɔ̀ ima mòtò ema a ɛni ŋmanyàŋgò wa eni a undi o wòhwe ema wo rza mo lìyɛlɛ o kpelì, mɔ̀ à mo kànɛ̀lɛlɛ aŋga nanù Lohwɛ̀ a mo ŋgba lòŋgɛ. Hwàto ema na ohwa nanù ema inyɔ e kànɛlɛlɛ, hwa hwèlì ndi hwatò ema wòhwe wo awu wo rza oŋwa èlìŋgɛ̀ ya awu. O hwèlì wòhwe ema wo òŋwa èlìŋgɛ̀. È hwèlì tɛ nanù ema mòtò a undi tɛ o tenì ya woŋgo wòhwe, na rza ohwa nanù ema e kànɛlɛlɛ oŋgo mòtò.