Hibrù 10:19 - Mokpwe: Bakwery (New Testament)

¹⁹ Ò eŋgànɛ̀lɛ̀ ìi wònyamòwè, jo òhvi e wònja o lì kpèeyà o eŋge Èki ema e Rzàŋgi lì Akà na Lìmɛ̀nì la Wòrzàŋgì.

Hibrù 10:19 Mawu Ofanana

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Ɛ̀hvìrzìyà 2:18

Èhwanja ò mamɛ ema Krirztò à mà jò gbèeyà, irzɔ hwa arzɛ i hweni è njiya ò lì ɛndɛ ò mà Tatɛ̀. Èŋge Èlìŋgɛ̀ yà awɔ̀kɛ mɛnɛ yɔ̀ ndi è jò oŋgòhwànà ò lì gbeyà nanù.

Ɛ̀hvìrzìyà 3:12

Èhwanja i lòkɛ̀yì Krirztò nà lì hwɛ mɔ̀kɔ nà mɔ̀, eŋge ndi è jò lìhvòwèlì è njiya ò lì ɛndɛ lì kombɛ̀nɛ̀ Lohwɛ̀ nà lìhvìta là arzɛ è rzì hwɛ irzɔ lì oka tɔ̀ wɔ̀ŋgɔ̀.

2 Tìmotì 1:7

Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.

Hibrù 10:18

Lohwɛ̀ mɔ̀ à mà màa lì làkìrzɛ̀ wòhwe wò hwatò. Ò rza enje hvɛ tɔ̀ màhwèyà ema hwatò hwa hwɛni lì ŋgbà ò lì luwa lìlàkìrzɛ̀nɛ̀ ò wòhwe.

Hibrù 10:35

O èŋgànɛ̀lɛ̀ e kakè mèèmà me anyu nanù mɛnɛ èhwanja eŋge ndi e gbeyà ema Lohwɛ̀ a e ŋgbà etàŋgì ya ŋginyà.

Hibrù 12:28

Kanatɛ irzɔ ima ŋgbàhwe lìkànèyà ema lì rza nyiŋgirzɛhwɛ. Inyɛ̀ irzɔ i ŋgbe Lohwɛ̀ jeka na lì mo kanɛ̀ nyayi ema e mo lìŋgirzɛ. Inyɛ̀ je e gbeye na wɔ̀ŋgɔ̀ na èluhwe ya arzɛ.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hibrù 4:16

Ò eŋgànɛ̀lɛ̀ rzɔ̀, inyɛ ì hwɛnɛ lìhvìtà, inyɛ je ɛndɛ o e konda ya lìkànèyà la ama Lohwɛ̀, ema e ŋgbàà e ndelì. Inyɛ̀ je ɛndɛ aŋga e rzi hwɛ tɔ̀ wɔ̀ŋgɔ̀. Inyɛ̀ i gbeye nanù aŋga nanù Lohwɛ̀ a jo uŋmɛ̀lɛ̀ ììlì, rzìi a jo ŋgbà e ndèli ya eni ema e jo oŋgowàna tɔ̀ ima hvonda ema ja arza lì oŋgowanɛ.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

Hibrù 9:12

Nà oma Yerzù à mà kpèeyà o lìŋgi lìwondo, à mà kpèeyà ndi o Èki ema e akayi Wòtani Rzayi-rzayi o ŋgelì hvɔ̀kɔ o iŋgèlì ja arzɛ. A rzi wòwe màyija ma mbolì tɔ̀ e màa nyàkà o lì ŋgbà màahweyà, à mà wowa ndi màyija ma eni mɛnɛ. A ma mà gbeyàna o lì jo kɔ̀tɔ̀ o wòhwe wo arzu aŋga nanù jo o hwɛ o lòŋgɛ la gbìndèyà.

Hibrù 9:3

O ma hwɛ lìhwatù ema lì mà kahwa e tùu ya worzo na e ya mburza. Èŋge tùu ema e ma hwɛ o mburza ya lìŋgi lìhwatù e ma hwɛ̀lɛ̀hwɛ̀ ndi nanù ema Èki ema e akayi Wòtani Rzayi-rzayi.

1 Yòwanìrzɛ̀ 4:17

È ndìŋgɛ ema è hwèlì ò tenì yà arzu è òndìrzɛ̀hwɛ̀yi nyayi ema mèèmà mè arzu mè eta ò wùnyà wò hwèkàyìrzèlì. È ò ondìrzɛ̀hwɛ̀ nyàyi ema mèèmà mè arzu mè eta ò tenì ò wùnyà wò hwèkàyìrzèlì, ehwànja anu rze ì hwèlì ndi mòtò nà Lohwɛ̀ nyayi hvɔ̀kɔ nà oma Krirztò hvɛ à mà hwɛ nà mɔ̀.