Hibrù 1:9 - Mokpwe: Bakwery (New Testament)

⁹ O wa o lìŋgàni mamɛ ema e hvomɛ̀nɛ̀yi, ndèŋgàna o kɔwu hvɛ mamɛ ema e rza hvomɛ̀nɛ̀. Ɔ̀ndeŋgàtɛ̀ Lohwɛ̀, Lòohwà là aŋgɔ̀, à o hvɔ̀rzì o lì hwɛ wòlìto lì aka hwatò hwa arzɛ ema inyɔ na wɔ̀ e hwèlì, ndèŋgànɛlɛ a o hvɔ̀rzì o wa o lì oka mɔ̀nyɛ̀ŋgì lì aka hwatò hwa arzɛ ema inyɔ na wɔ̀ e hwèlì.”

Hibrù 1:9 Mawu Ofanana

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Yòwanìrzɛ̀ 1:41

Eyà yà wòrzò Àndèlè à mà gbèye ema hwɛ ndi ò lì ɛ̀ndɛ lì arza ŋmanyàŋgò wà eni Rzimɔ̀nì. Nà òma à mà mò ɛnɛ rzìi à mò òhweyà nanù ema, “Ì mà ɛnɛ è Mɔ̀ ema à Ɔ̀kirzɛ̀hwɛ̀yi” (Èŋge ŋgàna è hwèlì ndi Krirztò).

Yòwanìrzɛ̀ 10:17

Tatɛ̀ a nò lìŋgàni èhwanja na wòŋgìrzɛ̀nɛ̀yi ò lì ŋwa aŋga nanù na luwa lòŋgɛ lì ami hvɛ.

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 4:26

Ì Kìŋgɛ jà anu rze ì wòŋgirzɛnɛ, ndèŋgànɛ̀lɛ̀ hwàkànèlì hwa arzɛ wɔ̀ hvɛ hwa hwà arzaŋganɛ ò hwèlìyelì ò lì teŋgɛ̀nɛ̀ Rzàŋgò Lohwɛ̀ nà ò lì teŋgɛ̀nɛ̀ è Mɔ̀ ema à Ɔ̀kirzɛ̀hwɛ̀yi.’

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.

Ròmànì 12:9

Tɔ̀ ima mòtò a hwɛni lì hwɛnɛ e ndìŋgɛ na hwatò na e jɔ̀kɛ̀. È kɔ̀ mamɛ ema e hwèlì wòhwe. È akakumɛnɛ ò lì gbeyà mamɛ ema e hwèlì gbamù.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

1 Kɔ̀rintìyà 1:9

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

2 Kɔ̀rintìyà 11:31

Lohwɛ̀, e Tatɛ̀ ya ama Rzàŋgo Yerzù Krirztò a hwi nanù ema na rza kɔ hweyà. Jèka i hwɛ na mɔ̀ o gbìndèyà nà ò gbìndèyà.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Ɛ̀hvìrzìyà 1:3

Inyɛ̀ je eke Lohwɛ̀. Mɔ̀ ndi à hwèlì Lòohwà la ama Rzàŋgo wa arzu Yerzù Krirztò na Tatɛ̀ ya eni. Lohwɛ̀ ndi à hwèlì e mɔ̀ ema à mà jo nàmìrzɛ̀ na menàmirzelì me arzɛ ema me uwɛ̀lɛ̀lɛ̀yi o ŋmanyu yà lohwà. A gbèyi ndi nanù èhwanja irzɔ ima hwɛ ndi mɔ̀kɔ na Krirztò.

Hvìlipìyà 2:9

Ène ŋgànà o eŋgànɛ̀lɛ̀ Lohwɛ̀ à mà mo ŋgba ehvolò ema e kàrzàmi natɛ̀ɛ na o ŋmanyu, ndèŋgànɛ̀lɛ̀ à mà mo ŋgba hvɛ lìnà ema lì aka mìinà mà arzɛ.

Hibrù 2:11

Yerzù ema mɔ̀ ndi mɔ̀ à gbèyi ndèŋgànà hwatò hwa e jà wòtani, ndèŋgànɛ̀lɛ̀ hwatò ema hwa hwèlì wòtani, hwa arzɛ hwa hwèlì ndi hwàanà hwa Tatɛ̀ hvɔ̀kɔ. Ndeŋgànɛ̀lɛ̀ yɔ̀ ndi e gbèyi ndeŋgatɛ Yerzù a rza oka irzɔ̀ni o lì hwa hwɛlɛ nanù ema wònyànyàŋgo wa ami.

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Hibrù 7:26

Yerzù mɔ̀ ndi à hwèlì èŋge tumba ya Pìlìrzì e Kàrzàmi ema a jo lɔ̀ɔ̀nì, èhwanja mɔ̀ à ondi na wòtani, a rza ohvi hvɛ tɔ̀ mehwɛlɛ, tɔ̀ wòhwe tɔ̀ wɔ̀kɔ wo rzi mo rzɔ̀ki. Mɔ̀ à mà akakowɛ o hwatò ema hwa gbeyà wòhwe, ndèŋgànɛ̀lɛ̀ a ikahwi o ŋmanyu ya e konda ndɛnɛ ya lìkànèyà o ŋmanyu yà lohwà.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

Hwèwulùwèlì 2:15

Ò ŋgànà hvɔ̀kɔ hvɛ mɛnɛ, ò hwèlì lòŋgo là hwatò ò ìtììtènì jà anyu ema hwa oŋgama lìlòkɛ̀ ema Nìkòlàwùrzì à okòlɛ.