Hibrù 1:14 - Mokpwe: Bakwery (New Testament)

¹⁴ Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

Hibrù 1:14 Mawu Ofanana

Matiyò 1:20

Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.

Matiyò 13:41

È Ŋmanà wà è Mòtò wà Hwènàmà a ò òma i aŋgèlì je eni, ò lì ulɛ hwatò ema hwa gbeyà hwahvɛhvɛ ò lì gbeyà wòhwe, na hwanɛ̀yi hwatò hwa arzɛ hvɛ ema hwa gbeyà wòhwe.

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Matiyò 24:31

Lìyɔ̀mi lì ndɛnɛ lì ò tòŋga, ndèŋgànà mɔ̀ à ò òma i aŋgèlì ja eni ò marzuku ma aniyɛ ma ene rze ò lì rzàŋga hwatò hwa eni ema Lohwɛ̀ à mà hvɔ̀rzɛ̀ lì wòteyà njuka hvɔ̀kɔ na enɛyi ja ene rze ya arzɛ.”

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 4:11

O èŋgànɛ̀lɛ̀ Mòkarzɛ̀ à mà hwɛmɛ Yerzù rzìi à ɛndɛ è yà eni. Aŋga ndi i aŋgèlì ì mà jè lì òŋgòwàna Yerzù.

Makòrzì 10:17

Nà òmà Yerzù à mà wòteyà lì ɛ̀ndɛ, mòtò mɔ̀kɔ à mà hwaŋga, à mò ùŋmanɛlɛ rzìi à mò rzùmeya màwɔ̀ŋgɔ̀ŋgɔ̀ ò wòrzò wò eni, rzi à mò ijòwa nanù ema, “Ìi Mòòkòlèlì wà gbamù mamɛ nà tànɛyi lì gbeyà ò lì lùwa lòŋgɛ là gbìndèyà e?”

Lukàrzɛ̀ 1:19

È aŋgèlì è mà mò alàhwɛ̀ nanù ema, “Ìmba ndi nà hwèlì Gàbìleyà, e rzùhwɛlɛ ema e gbèeyà Lohwɛ̀. Mɔ̀ ndi à nò òmi ò lì ò hwilɛ̀ ene eyà ya gbamù.

Lukàrzɛ̀ 1:23

È hvònda ema Rzàkàriyà a mà kulɛ èwòlò ya eni ò Ndawò yà Lohwà à mà tìmba ò ndawò yà èni.

Lukàrzɛ̀ 16:22

“È hvònda ema mòŋgò mòlìrza mò mòtò mò mà ŋwe, i aŋgèlì ì mà mò wòwa, ì mò ɛ̀ndɛnɛ ò tòŋgòŋgò yà àma Abràhamù. Èŋge èhwàŋgì ya mòtò yɔ hvɛ rzìi e ŋwa, rzìi e imawɛ̀lɛ̀hwɛ̀.

Lukàrzɛ̀ 2:13

O wòtɛmɛ̀tɛmɛ̀, ò mà uhweyà mòndèŋge mò ndɛnɛ̀, mò aŋgèlì ò ŋmanyu ema mò ma wurza lì ùŋma èŋge aŋgèlì, rzìi hwa wòteya ò lì eka Lohwɛ̀ nanù ema,

Lukàrzɛ̀ 2:9

Lìwòkìmɛnɛ, è aŋgèlì yà ama Rzàŋgò è hwa wurzeyà, rzìi ŋmɛ̀ɛ̀nɛ̀nì mò ama Rzàŋgò mo hwa lìŋgà. Hwa mà tumeya nà mòkambiya.

Hwègbèèlì 11:22

Mòŋgò mòndeŋga mò ma hweyàhwà ò ŋmèmba mò hwatò hwa Jèrurzalɛ̀mù. O eŋgànɛ̀lɛ̀ hwà mà òma Bànàbàrzì ò mbòwà ya Antìyɔ̀kì ò lì ɛndɛ lì hwa ɛnɛ.

Hwègbèèlì 12:23

O lìwòkimɛnɛ, e aŋgèlì ya ama Rzàŋgò a mò ɛrzɛ na mòrziyò. Èhwanja mɔ̀ à rzìi ŋgbe Lohwɛ̀ èluhwe. O èŋgànɛ̀lɛ̀ melɔmbi me ma mò laa ò tenì natɛ̀ɛ a ŋwa.

Hwègbèèlì 12:7

O lìwòkimɛnɛ e aŋgèlì ya ama e Rzàŋgò e ma mò wurzeya rzìi ŋmàye mò ònda ò èŋge tùu ya hwèwòwà ema à mà hwɛ. Èŋge aŋgèlì rzìi e nyìŋgìrzɛ̀nɛ̀ Pètrò ò etulì ya eni, ò lì mò imòlɛ ò ijɔ. Rzìi e aŋgèlì e òhwa nanù ema, “Tɛmɛ̀ karzi.” Iŋgi ŋgɔ̀kɔ̀hwi rzìi i rzòlòhweya jò unda ò meyɔ mo eni.

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 16:26

O wòtɛmɛ̀tɛmɛ̀ mònyìŋgìrzɛ̀nɛ̀ mò ŋginyà mò ma wòteya, rzìi mò nyìŋgìrzɛ̀nɛ̀ mòŋgò mɔ̀nɔ̀ŋgɔ̀ mò arzɛ mò èŋge ndawò ya hwèwòwà. O lìwòkimɛnɛ mawòhvà mà arzɛ ma mà kùwa lì lìhvòweya, iŋgɔ̀kɔ̀hwi ema hwà mà kɔ̀wɔ̀nè hwatò hwa hwèwòwà ja arzɛ i ma kùwa lì tumeya.

Hwègbèèlì 27:23

Nà òhwa ndi nanù ehwànja ò tenì ya wònò wuu ema wò akayi nanù, aŋgèlì ya ama Lohwɛ̀, Lòohwà ema lì nò hwɛni, ndèŋgànà imba na gbèeyà e nò jèeyayi. Èŋge aŋgèlì e nò òhweyàyi nanù ema,

Hwègbèèlì 5:19

Ndi ò wòŋgò wuu mɛnɛ, e aŋgèlì ya ama e Rzàŋgò e ma hwa lìhvòweya mawòhvà mà e ndawò ya hwèwòwà rzi e hwa wurzirzɛ. È aŋgèlì e ma hwa òhweyà nanù ema,

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

Ròmànì 13:6

Litiŋga lìini, ɔ̀ndeŋgàtɛ̀ e rzàawà e njaŋge yà lìkànèyà, ehwànja hwaŋga hwatò ema hwa rzàŋgìrzɛ̀ è njàŋge yà lìkànèyà wɔ̀ hvɛ hwa gbèeyà ndi Lohwɛ̀.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

Ròmànì 15:27

Wɔ̀ hwà mà ɛnɛ nanù ema ò lɔ̀wu nanù ema hwa gbeye nanù ò lì hwa òŋgòwàna. Kanatɛ e hwèlì nanù ema mònàmɛ̀ ema Lohwɛ̀ a ŋgbelì wònyà Yudà wɔ̀ hwa hwèlì lì mò gbeyàna na hwatò ema hwa rza enje wònyà Yudà, ò lɔ̀wu nanù ema hwatò ema hwa rza enje wònyà Yudà, wɔ̀ hvɛ hwa òŋgòwane wònyà Yudà ò lì hwa ŋgba hwèèmà nàa mòlelì, wòlì na mààtu.

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

2 Kɔ̀rintìyà 9:12

Ène èwòlò ema e gbeyà e rza òŋgòwàna ndi hwatò hwa Lohwà mɛnɛ, ndi e hwèlì hvɛ ndi o lì uŋmɛ̀lɛ̀ nanù ema hwatò hwa eka Lohwɛ̀ rzayi-rzayi.

Gàletìyà 3:29

Nà oma è hwèlì ndi hwatò hwa ama Krirztò, è hwèlì ndi hwàanà hwa ama Abràhamù, ndèŋgàna inyɔ è luwa mònàmɛ̀ ema Lohwɛ̀ à mà kàkɛ̀nɛ nanù ema à ŋgba Abràhamù.

Gàletìyà 3:7

Hwatò hwa arzɛ ema hwa lòkɛ̀ Lohwɛ̀ nà oma Abràhamù à mà mò lòkɛ̀, wɔ̀ ndi hwa hwèlì hwàànà hwa jɔ̀kɛ̀ hwa ama Abràhamù.

Gàletìyà 3:9

O eŋgànɛ̀lɛ̀ Lohwɛ̀ à mà nàmìrzɛ̀ hwatò hwa arzɛ ema hwa mà mò lòkɛ̀ nà oma mɔ̀ à mà nàmìrzɛ̀ Abràhamù.

Ɛ̀hvìrzìyà 3:6

Hwene hweyà ema è mòtò wà hwènàmà à rzi hwiyɛ hwe hwèlì ndi ema: hwatò ema hwa rza enje wònyà Yudà wɔ̀ hvɛ hwa lu molemilemi mò mònàmɛ̀ ema Lohwɛ̀ à mà ohwa ema à ŋgba hwatò ema hwa hwèlì wònyà Yudà. Wònyà Yudà nà è wɔ̀ ema hwa rza enje wònyà Yudà hwa hwèlì ndi mòtò mɔ̀kɔ. Èya ema Lohwɛ̀ à ohwi ema à gbèeyà wònyà Yudà, è wɔ̀ ema hwa rza enje wònyà Yudà wɔ̀ hvɛ hwa è luwàna mɔ̀rzɛ̀ŋgi èhwanja hwa hwèlì ndi mòtò mɔ̀kɔ nà Krirztò. Ŋmɛ̀ndì mò Gbamù ndi mò gbèyi hwene hweyà hwe arzɛ ema hwe gbèyɛ̀nɛ.

Hvìlipìyà 2:17

Nà o hwɛ ndi nàa mohvo mo mimba emà mà rzɔ̀lɛhwɛ o nyòla èwòlò ema inyɔ e gbeyà, nàa jàhwèyà o nyòla lìlòkɛ̀ ema inyɔ e hwɛni. Nà tànɛyi lì taka tɔ lì ŋwa ehwànja na ohwa ŋmɛ̀ndì mò gbamù ŋgànà hvɔ̀kɔ na oma inyɔ hvɛ e hwèlì e tàkàà ehwànja e mo lòkɛ̀. Ndi na hwèlì na lìŋgà na lì e okana inyɔ hwa arzɛ mɔ̀nyɛ̀ŋgi.

Hvìlipìyà 2:25

Ndi nà mà kulɛ nanù ema o lɔ̀wu nanù ema imba na e omeya ŋmanyàŋgò wa arzu Èpàhvrɔ̀dìtùrzì. A mà gbeyà èwòlò ya ama Krirztò na imba, ndèŋgànɛ̀lɛ̀ à mà oŋgowàna o lì teŋgɛ̀nɛ̀ hwatò ema hwa anana ŋmɛ̀ndì mò gbamù. Ndeŋgànɛ̀lɛ̀ mɔ̀ ndi à hwèlì nàa e rzùwɛlɛ̀ ema inyɔ e ma òme o lì no oŋgowàna.

2 Tɛ̀rzàlonìyà 1:7

Lohwɛ̀ à gbeyà nanù ema è rza lùwa mètàkà hvɛ, ndèŋgànɛlɛ à gbeyà hvɛ nanù ema irzɔ hvɛ ì rza lùwa mètàkà hvɛ. Ène eyà è ò gbèèyɛ̀nɛ̀ è hvonda ema Rzàŋgo Yerzù à uwɛ̀lɛ̀lɛ̀yi ò ŋmanyu yà lohwà lì jà nà i aŋgèlì ja eni jà ŋginyà, ndèŋgànɛ̀lɛ̀ hwa ò toŋgàhwa nà mùùnya ema mò òŋwa.

Tàyìtùrzì 3:7

Lohwɛ̀ à mà gbeyà nanù, aŋga nanù e ndèli ya eni e gbeyà jo o emeyàhwa o worzo wo eni, rzìi irzɔ hvɛ jo o hwɛnɛ lìhvìtà nanù ema jo ò luwa lòŋgɛ la gbìndèyà.

Hibrù 10:11

Èwòlò ya ama e pìlìrzì ya wònyà Yudà, e hwèlì ndi o lì tɛ̀mɛ̀ lì ŋgbà Lohwɛ̀ nyayi hvɔ̀kɔ ya làhweyà wùnyà tɛ. Ini tumba ja màahweyà i rza tànɛyi lì ulɛ wòhwe wo hwatò.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

Hibrù 6:12

Irzɔ i rza arza nanù ema inyɔ e hwɛ rzìŋgà, ndi inyɔ e hwɛ nàa hwaŋga ema hwa lòkɛ̀yi rzìi hwa ohvi la àjùlɛ̀, ndi e hwɛ nàa hwaŋga ema hwa wowa yòma ema Lohwɛ̀ à mà kàkɛ̀nɛ.

Hibrù 6:17

O eŋgànɛ̀lɛ̀ rzɔ na oma Lohwɛ̀ à mà arze lì uŋmɛ̀lɛ̀ na e jɔ̀kɛ̀ o hwaŋga hwatò ema hwà mà hwɛnɛ lì luwa mamɛ ema à mà hwa kàkɛ̀nɛ, nanù ema mɔ̀ à rza àyèŋgowɛ̀ o lì kàkɛ̀nɛ la eni, o eŋgànɛ̀lɛ̀ à mà aàtɛ yòombò o lì hwàtɛ o lì kàkɛ̀nɛ la eni.

Hibrù 8:6

Ndi o nàŋgɛ rzɔ Lohwɛ̀ a ŋgbelì Yerzù èwòlò ya Pìlìrzì ema e akayi hwèwòlò hwe i pìlìrzì ja kòohwa. Ŋgana hvɔ̀kɔ hvɛ na lì ahvìyànɛ̀ ema Yerzù a jànelì Lohwɛ̀ na hwatò hwa eni, lì akayi lì ahvìyànɛ̀ la worzo ema hwà mà lome lì hwɛnɛ ehwànja Lohwɛ̀ mɔ̀ à mà maà lì kàkɛ̀nɛ hwatò nanù ema a o hwa ŋgbà hwema hwe gbamù.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

1 Pètrò 3:7

Mèjòmɛ̀ kòkò, ŋgànà hvɔ̀kɔ hvɛ mɛnɛ, inyɔ hvɛ e wowe hvonda na oma e lìyana ijòjìyɛ̀ ja anyu. È uŋmɛ̀lɛ̀ ijòjìyɛ̀ ja anyu èluhwe o hwèlìyelì hwe anyu, ijòjìyɛ̀ i rzi imbami lì uka inyɔ, ndi inyɔ na wɔ̀ e o luwa nyayi hvɔ̀kɔ ya lòŋgɛ. Lìŋgi lòŋgɛ lɔ̀ ndi lì hwèlì e ndèli ema Lohwɛ̀ à mà e ŋgbɛ. Inyɔ e rza hwa ohvi tɛ na oma inyɔ e àŋgàmɛ̀nɛ̀yi lì hwa ohva nanù oma Lohwɛ̀ a rza e hweyàna màkanɛ̀ ma anyu.

Judɛ 1:14

Ènɔ̀kù è mɔ̀ ema à mà ùkirzɛ̀ è nyɔ̀ŋgɔ̀nì lìrzamba ò mòtende mò ama Adàmu, à mà hwɛ à mà ohwa nà è kòòwà lì hvomɛ̀nɛ̀ mamɛ ema è ò gbèèyɛnɛ hwanù hwatò. À mà ohwa nanù ema, “È okànèyà tɛ! È Rzàŋgo è hwèlì è jà nà hwèkòlì nà hwèkòlì hwe aŋgèlì jà eni jà wòtani.

Hwèwulùwèlì 5:6

Nà mà ɔ̀ŋgɔ rzìi na ɛnɛ e Ŋguma ya Mɔ̀lɛ̀ŋgù, e tɛmi o ìtììtènì ja e konda ya lìkànèyà ema e tòŋgahwi na hweŋge hwèembè hwe àniiyɛ na hwàmbaki. Èŋge Ŋguma ya Mɔ̀lɛ̀ŋgù e ma ɛneya ndi nàa e mɔ̀ ema hwà mà oŋwe. È ma ohva lìrzamba la merzehwa na lìrzamba la mìirzɔ̀. Lìŋgi lìrzàmba la mirzɔ̀ lɔ ndi lì hwèlì lìrzàmba la hwèlìŋgɛ̀ la ama Lohwɛ̀ ema Lohwɛ̀ à mà ome o tenì ya e rze ya mɔ̀nyɛ̀ ya arzɛ.