Hibrù 1:1 - Mokpwe: Bakwery (New Testament)

¹ Ò màrzalɛ Lohwɛ̀ à mà òhwìrzɛ̀nɛ̀ ì mbamba jà arzu jà kòhwà nyayi nà nyayi jà ŋgelì nà rzayì-rzayì jà mà njiya lì akeyà nà hwà-òhwèlì hwa hwèlìŋgɛ̀.

Hibrù 1:1 Mawu Ofanana

Lukàrzɛ̀ 1:55

À mà ɔ̀ŋgɛlɛ ò lì uŋmɛ̀lɛ̀ Abràhamù ììlì ja eni nà è nyɔ̀ŋgɔ̀nì yà èni ya àrzɛ natɛ̀ɛ nà ò mòlìkɛ̀.”

Lukàrzɛ̀ 1:72

Lohwɛ̀ à mà uŋmɛ̀lɛ̀ irzàŋgo ja arzu ììlì ema a mà hwa kàkɛ̀nɛ̀. Nànu hvɛ ndi à ɔ̀ŋgɛlɛ è hweyì yà eni yà wòtani,

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Yòwanìrzɛ̀ 7:22

Mòrzè à mà e ŋgba mbenda à mà e endà hwàanà hwa anyu (Tɔ̀ nɛ e rza enje nanù ema Mòrzè mɔ̀ ndi à mà e wòteyà. Imbamba ja anyu jɔ ndi i ma e wòteyà). O èŋgànɛ̀lɛ̀ e ende hwatò ò Wùnya wò lì Arzìyòlɛ̀.

Yòwanìrzɛ̀ 9:29

I hwi nanù ema Lohwɛ̀ à mà òhwìrzɛ̀nɛ̀ Mòrzè, ndi i rza hwi òne ònò mòtò a uwɛ̀lɛ̀lɛ̀yi.”

Hwègbèèlì 13:32

Nàŋgɛ rzɔ̀ mòŋgò Ŋmɛ̀ndì mò Gbamù mɔ̀ ndi ì mà è jàneyà. Mòŋgò ŋmɛ̀ndì mò hwèlì ndi nanù ema eyà ema Lohwɛ̀ à mà òhwe nanù ema à ŋgba irzàŋgo jà arzu mɔ̀ à mà è òndìrzɛ̀ lì akeyà nà irzɔ.

Hwègbèèlì 2:30

Dàhwitì à mà hwɛ ndi mòòhwèlì wà èlìŋgɛ̀ ndèŋgànà mɔ̀ à mà hwiya yòòma ema Lohwɛ̀ à mà òhwe nanù ema a mò ŋgba. Lohwɛ̀ à mà aàtɛ yòmbò nanù ema, a ò wòwa ŋmanà ò mòtende mò ama Dàhwitì a ò mò lìirzɛ kiŋgɛ nyayi hvɔ̀kɔ na òma Dàhwitì hvɛ à mà hwɛ kiŋgɛ.

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 3:21

Yerzù a lòma lì lìya hvɔni ò ŋmanyu yà lohwà natɛ̀ɛ e hvònda e ɔlɛ ema Lohwɛ̀ a tikòwa hweyà hwe arzɛ rzi hwe timba hwe hvènya. Nànù ndi Lohwɛ̀ à mà gbeye natɛ̀ɛ na e kòhwa nanù ema hwà-òhwèlì hwa hwèlìŋgɛ̀ hwa Wòtani hwa òhweyà hwatò.

Hibrù 11:18

O lì akeyà na Irzàkì ndi Lohwɛ̀ à mà ohweyà Abràhamù nanù ema, “Lì akeyà na e ŋmanà wa aŋgɔ̀ Irzàkì ndi o ò lùwa e nyɔ̀ŋgɔ̀nì ema nà mà o kàkɛ̀nɛ̀.”

Hibrù 11:2

Lìlòkɛ̀ ema hwatò hwa kòhwàa, hwà mà lòkɛ̀ Lohwɛ̀ lɔ ndi lì ma gbeyà nanù ema Lohwɛ̀ à mà ohve mɔ̀nyɛ̀ŋgì na wɔ̀.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 2:2

Hweyà ema Lohwɛ̀ à mà ohweyà i aŋgèlì nanù ema hwa ohweyà imbamba ja arzu hwe ma hwɛnɛ màyìmbi. Hwàto hwa arzɛ ema hwa rzi oŋgamɛ hweŋge hweyà, ndèŋgànɛ̀lɛ̀ ema hwa rzi gbeyɛ na oma hweŋge hweyà hwe ma ohwahwɛlɛ, hwa o luwa e kɔ̀kìrzɛ̀ ema hwa àŋgàmɛ̀nɛ̀yi lì luwa.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hibrù 3:5

Morzè à mà hwɛ ndi e mògbèèlì o e ndawò yà Lohwà ema à mà hwɛ lì gbèeyà Lohwɛ̀ na ŋmèma mɔ̀kɔ. A ma uŋmɛ̀lɛ̀ mamɛ ema Lohwɛ̀ a o gbèeyɛ o e hvonda ema e o jɛ̀ɛ̀.

Hibrù 4:8

È mà hwɛ tɛ ema Jorzuwà à mà hwa ŋgbà tɛ lì arzìyolɛ ema Lohwɛ̀ à mà hwa kàkɛ̀nɛ̀, oma Lohwɛ̀ à rza ohwe hvɛ lì hvomɛ̀nɛ̀ wòhvɛhvɛ wùnyà wò lì arzìyolɛ.

Hibrù 5:5

Ɔ̀ndeŋgàtɛ̀ Krirztò mɔ̀ ŋmìti à rzi awòwɛ̀ ò ene èluhwe ò lì hwɛ è Pìlìrzì è Kàrzàmi. Mɔ̀ à mà hvɔ̀rzɔ̀wɔ̀ ndi nà Lohwɛ̀. Lohwɛ̀ à mà mò òhweyà nanù ema, “Ò hwèlì ndi è Ŋmanà wà ami wà munyanà. O lì wòteya yàwono na hwèlì ndi e Tatɛ̀ ya aŋgɔ.”

Hibrù 9:19

Morzè à mà loma lì ohweyà hwatò imbenda ja arzɛ ema Lohwɛ̀ à mà ohwe nanù ema hwatò hwa ika. O e mbenda ya ama Lohwɛ̀ o mburzà nanù à mà wowa màyija ma mbolì na e ma nyàkà à mà hvuŋguwanɛlɛ na malìhwa. A ma gbeyàna ekɔ̀kɔ̀ ya gbee wo hìrzɔ̀pì na majumbu ma mbolì ema e teya, rzìi a hvahva màŋga màyija o tenì ya e kààti ema iŋgi mbenda i ma tilàhwe na o inyo ja hwatò.