Gàletìyà 6:3 - Mokpwe: Bakwery (New Testament)

³ Tɔ̀ ima mòtò ema a lùtèyà nanù ema mɔ̀ ndi à hveti, a à lukɛlɛ ndi mɔ̀ ŋmìti. Èŋge tumba mòtò e rza enje tɔ̀ mòtò.

Gàletìyà 6:3 Mawu Ofanana

Lukàrzɛ̀ 18:11

“È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Hwègbèèlì 5:36

O ŋmanà hvòka hvònda ema e ma aka, Tèwùdàrzì à mà jà, rzìi a ekirzɛ ò lì hwɛ yumɛ. Eyà ya hwègbe hweni hwe hwatò hwà mà mò òŋgama. A ma òŋwahwa, hwànɔ̀ŋgèlì hwe eni hwa arzɛ hwà mà kuwa lì bùweyà, ndèŋgànɛ̀lɛ̀ ehvehva ya eni yɔ hvɛ e ma ŋwa.

Ròmànì 12:16

È awòhwànɛ̀ wàna hvɔ̀kɔ mɔ̀kɔ na ɔ̀nɛyi. È rzi ayèkirzɛ̀. È hwɛ mbunda na hwatò ema hwa rza òhvɛ hwetɛmelì ema hwe kàrzamì. Inyɛ̀ tɔ̀ mòtò a rzi ɔ̀ŋgɛ̀lɛ̀ nanù ema mɔ̀ à hwɛni lìhwiyè rzayi-rzayi.

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

1 Kɔ̀rintìyà 3:18

È hwɛmɛ lì alukɛlɛnɛ la inyɔ hwiti. È hwèlì tɛ ema mɔ̀kɔ wa anyu, a ɔ̀ŋgɛ̀lɛ̀ nanù ema a hwɛnì lìhwiyè o ene rze, inyɛ a àtimbirzɛ mɔ̀ ŋmìti èèti ya mòtò, oma à mà lùwa lìhwiyè.

1 Kɔ̀rintìyà 8:2

Tɔ̀ ima mòtò ema a ɔ̀ŋgɛ̀lɛ̀ ema a hwi eyà, nanù oma mɔ̀ à rza hwi tɔ̀ eyà na oma a àŋgàmɛ̀nɛyi lì hwiya.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 3:5

Irzɔ hwiti i rza tànɛyi lì ohwa nanù ema i tànɛyi o lì gbeyà ene èwòlò irzɔ hwiti i rza tànɛyi lì e gbeyà. Lohwɛ̀ ndi à gbèyi ndèŋgàtɛ̀ na tànɛyi lì e gbeyà.

Gàletìyà 2:6

Ndeŋga hvɛ hwatò ema hwa mà hwɛ aŋga nàa hwatimbelì hwa ŋmèmba hwa rzi ohve hvɛ tɔ̀ eyà ò lì lata ò ŋmanyu yà mamɛ ema imba nà okolɛ. Tɔ̀ nɛ wɔ̀ hwa mà hwɛ ndi hwàtìmbèlì è rzi hwɛnɛ tɔ̀ eyà yà lì nò gbeyàna èhwanja hwatò hwa arzɛ hwa hwèlì ndi nyayi hvɔ̀kɔ ò worzo wò ama Lohwɛ̀.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

Jèmìrzì 1:22

È gbeye ndi na oma eyà ya Lohwà e ohwa. È rza a ɔnjɛ inyɔ hwiti o lì okànèyà eyà ya Lohwà mɛnɛ.

Jèmìrzì 1:26

Tɔ̀ ima mòtò ema a ɔ̀ŋgɛ̀lɛ̀ nanù ema mɔ̀ à gbeyà ndi nà oma Lohwɛ̀ a àrzeyà, rzìi a rzi kànèyà jɛ̀ɛ̀mɛ̀ ja eni, eŋge tumba mòtò a alukɛ̀lɛ̀ ndi mɔ̀ ŋmìti, ndèŋganɛlɛ èwòlò ya eni ema mɔ̀ à gbèeyà Lohwɛ̀ e hwèlì ndi ŋgundu.

1 Yòwanìrzɛ̀ 1:8

Jo òhwi tɛ ema i rza ohvi tɔ̀ wòhwe, nanù oma ja alukɛlɛ ndi irzɔ hwiti ndèŋgànɛlɛ o ma e jɔ̀kɛ̀ e rza enje na irzɔ.