Gàletìyà 6:2 - Mokpwe: Bakwery (New Testament)

² È a oŋgowanɛ mɔ̀kɔ na ɔnɛ̀yi o lì anjiya o tenì ya ndùtù. È gbèyi tɛ nanù, o ma e ma ika imbenda ja ama Krirztò.

Gàletìyà 6:2 Mawu Ofanana

Matiyò 8:17

Yerzù à mà gbeyà ndi hwene hweyà hwe arzɛ nanù, ò lì òndìrzɛ̀ ŋmɛ̀ndì ema Lohwɛ̀ à mà òme lì akeyà nà è mòòhwèlì wà èlìŋgɛ̀ Àyìrzayà nanù ema, “À mà jò wòwàna inyambɛ ja arzu ja arzɛ. À mà wòwà hvɛ mètàkà mè arzu mè arzɛ.”

Lukàrzɛ̀ 11:46

Yerzù rzìi a mò tìmbirzɛlɛlɛ nanù ema, “Èwòma na inyɔ hvɛ hwà-òkòlèlì hwa mbenda! È ihwàlɛ̀ hwatò miyuuna ema me lìti lì hwa aka, ndi tɔ̀ inyɔ hwìti è rza tòmbirzɛ tɔ̀ lìya lɔ̀kɔ, ò lì hwa òŋgòwànà.

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

Yòwanìrzɛ̀ 15:12

È mbenda ya ami e hwèlì ndi nanù ema, e alìŋgànɛ mɔ̀kɔ na ɔ̀nɛyi na òma imba hvɛ na e lìŋgàni.

Ròmànì 15:1

Irzɔ ema jò imbami ò lìlòkɛ̀ inyɛ jò òŋgòwane e wɔ̀ ema hwa rza imbamɛ ò màlòkɛ̀ ma awu. I rza alìŋgìrzɛ irzɔ hwiti.

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

1 Kɔ̀rintìyà 9:21

È hvonda ema na hwèlì na hwaŋga hwatò ema hwa rza ènje o rze ya e mbenda ya ama Morzè, imba hvɛ na gbeyà hweyà hwe ami nàa wɔ̀, o lì arza nanù ema hwa lòkɛ̀ Krirztò. Ndi ene e rzi hwɛ nanù ema na rzi ika imbenda ja ama Lohwɛ̀. Ò jɔ̀kɛ̀ na hwèlì ndi o rze ya e mbenda ya ama Krirztò.

Gàletìyà 6:5

Nà ohwa ndi nanù èhwanja hwègbèèlì hwe tɔ̀ ima mòtò, hwe mo ɔ̀ŋgɔ̀ ndi mɔ̀.

1 Tɛ̀rzàlonìyà 5:14

Ìi wònyàmòwe kòkò, nà je e ohweyà hvɛ nanù ema e kòkòwɛ̀lɛ̀ hwatò ema hwa hwèlì rzìŋgà nanù ema hwa àŋgàmɛ̀nɛ̀yi lì gbeyà èwòlò, e embɛ̀ hwaŋga ema hwa oka wɔ̀ŋgɔ̀, e oŋgowane hwaŋga ema hwa rza ohvɛɛ ŋginyà, e a àjùlɛ̀nɛ̀ mɔ̀kɔ na ɔ̀nɛyi.

Jèmìrzì 1:25

Ndi tɔ̀ njɛnɛ ema a ɔ̀ŋgɔ kɔ̀yi-kɔ̀yi e mbenda ya jɔ̀kɛ̀ ema e rzuŋga hwatò, ema a hwɛ ndi o lì e aŋgoweya, ema a rza hwɛ ndi o lì hweyà e mbenda mɛnɛ rzi a hvoŋga, ndi à hwɛ ndi mòtò ema a gbeyà mamɛ ema e mbenda e ohwa, oŋgo moto a o nàmìrzɛ̀hwɛ̀ na Lohwɛ̀ o mamɛ ya arzɛ ema mɔ̀ à gbeyà.

Jèmìrzì 2:12

È ohwe ndèŋgànɛ̀lɛ̀ e gbeye hweyà o a ɛnɛ oma e hwi nanù ema Lohwɛ̀ a o hwa kàyìrzɛ, na e mbenda ema e rzuulɛ hwatò.

Jèmìrzì 2:8

Inyɔ yo ò gbeyà ndi eyà ya gbamù e hwèlì tɛ nanù ema e ikayi e mbenda ya lìkànèyà ema e hwèlì o tenì ya e kààti ya Lohwà ema e ohwa nanù ema, “O lìŋgàne ŋmànyɔ̀ŋgɔ̀ wa aŋgɔ̀ na oma o alìŋgànɛ̀yi o wà witi.”

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

2 Pètrò 2:21

È ma kanɛ̀ ndi o lì hwɛ gbamù nanù ema wɔ̀ hwa rzi lome lì hwiya e njiya ya jɔ̀kɛ̀, lì aka lì e hwiya rzìi hwa rzi ika e mbenda ja wòtani ja ama Lohwɛ̀. Wɔ̀ hwà mà rzàŋgohwa ndi eŋge mbenda.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

1 Yòwanìrzɛ̀ 4:21

Ò eŋgànɛ̀lɛ̀ è mbenda yà ene ema e ŋgbàahwì tɔ̀ njɛnɛ ema à lìŋgàni Lohwɛ̀, à aŋgàmɛ̀nɛ̀yi hvɛ lKì lìŋgàna ŋmanyàŋgò wà eni.