Gàletìyà 6:16 - Mokpwe: Bakwery (New Testament)

¹⁶ Ò nàŋgɛ rzɔ, inyɛ ɛ̀yɔ̀lɛ̀ nà ììlì jà ama Lohwɛ̀ ì hwɛ nà hwaŋga hwatò hwa arzɛ ema hwa nɔ̀ŋgɔ hwène hwèyòkòlèlì. Hwàŋga hwatò ndi hwa hwèlì hwatò ema hwa hvɔ̀rzɔ̀hwì nà Lohwɛ̀.

Gàletìyà 6:16 Mawu Ofanana

Yòwanìrzɛ̀ 1:47

Nà òma Yerzù à mà ɛnɛ Nàtànìyɛ̀lì à jà rzìi à òhwa lì mò hvòmɛ̀nɛ̀ nanù ema, “Ɔ̀ŋgɔ tɛ, è timɛtìmɛ yà ŋmanà wà mùnyanà hwa Irzàyɛ̀lì ònò mòtò ema à rza òhvɛ̀yi tɔ̀ njɔ̀mi!”

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 4:12

Èŋge e ma gbèyɛ̀nɛ hvɛ ndi nanù aŋga nanù Abràhamù à hwɛ hvɛ ndi è tatɛ̀ yà hwaŋga ema hwà mà endàhwɛ̀, ema wɔ̀ hvɛ hwa lòkɛ̀ Lohwɛ̀ na òma Abràhamù e tatɛ̀ ya arzu mɔ̀ hvɛ à mà lòkɛ̀ Lohwɛ̀ e hvònda ema a rza endàhwɛ̀.

Gàletìyà 1:3

Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è Tatɛ̀ hwa arzu nà è Rzàŋgo yà arzu Yerzù Krirztò è hwɛ nà inyɔ.

Gàletìyà 3:29

Nà oma è hwèlì ndi hwatò hwa ama Krirztò, è hwèlì ndi hwàanà hwa ama Abràhamù, ndèŋgàna inyɔ è luwa mònàmɛ̀ ema Lohwɛ̀ à mà kàkɛ̀nɛ nanù ema à ŋgba Abràhamù.

Gàletìyà 5:16

Mamɛ ema na ohwa e hwèlì ndi ema, inyɛ Èlìŋgɛ̀ ya ama Lohwɛ̀ e kànèyà mòŋgɛ ma anyu. Ène ye e gbeyà ema e rza gbeyà hweyà hwe wòhwe na oma e nyàmà nyo e arza.

Gàletìyà 5:25

Nà oma Èlìŋgɛ̀ ya ama Lohwɛ̀ e ma jo ŋgbɛ lòŋgɛ lìhvènya, inyɛ i hwɛmɛ eŋge Èlìŋgɛ̀ o lì jo kànèyà o lì gbeyà tɔ̀ mamɛ ema i hwɛni lì gbeyà.

Ɛ̀hvìrzìyà 6:23

Inyɛ̀ ɛ̀yɔ̀lɛ̀ yà ama Lohwɛ̀ è Tatɛ̀ yà arzu nà Rzàŋgo wà arzu Yerzù Krirztò è hwɛ nà inyɔ hwàlòkèlì. Wɔ̀ hwa ò è gbèeyà ò lì lìŋgana mɔ̀kɔ nà ɔ̀nɛyi nanù mɛnɛ nà ò lì lòkɛ̀ hvɛ Krirztò nanù mɛnɛ.

Hvìlipìyà 3:16

Tɔ̀ e hwɛ ndi mamɛ, i hwɛni lì oŋgama hweyà ema i ma màa lì hwiya.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

Hvìlipìyà 4:7

È gbèyi tɛ nanù, Lohwɛ̀ a gbeyà e hwɛnɛ ɛ̀yɔ̀lɛ̀. Ène ɛ̀yɔ̀lɛ̀ e olo lì aka mamɛ hwatò hwa tanɛyi lì rzɔ̀ŋgìtɛ̀nɛ̀. Ène ɛ̀yɔ̀lɛ̀ ye e oŋgòhwànà aŋga nanù e rza oka wɔ̀ŋgɔ̀ na lì ohva màlùtèyà ema mà e tàkirzɛ, ehwànja e hwèlì ndi mòtò mɔ̀kɔ na Yerzù Krirztò.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

Judɛ 1:2

Inyɛ̀ ììlì jà ama Lohwɛ̀, ɛ̀yɔ̀lɛ̀ yà ama Lohwɛ̀ nà è ndìŋgɛ yà ama Lohwɛ̀ hwe onde nà inyɔ.