Gàletìyà 5:10 - Mokpwe: Bakwery (New Testament)

¹⁰ Ndi imba na e ohvani kumba nanù mɛnɛ ema, Lohwɛ̀ a gbeyà nanù ema e rza nɔŋgɔ hwèyòkòlèlì hwe hwahvɛhvɛ hwatò ndi e nɔŋgɔ ndi e hwe ami. Lohwɛ̀ a o kɔ̀kìrzɛ̀ tɔ̀ ima mòtò ema a emirzɛ tɔ̀ a hwɛ ndi njɛnɛ.

Gàletìyà 5:10 Mawu Ofanana

Hwègbèèlì 15:24

Irzɔ i ma hweyà nanù ema lòŋgò la hwatò ema hwa uwɛ̀lɛ̀lɛ̀yi ò mba arzu lì e jèeya, wɔ hwa e emirzɛyi na hweyà ema hwa òhwa. Ndi inyɔ e hwɛni lì hwiya nanù ema i rzi hwa ŋgbelì tɔ wònjà ò lì gbeyà nanù.

1 Kɔ̀rintìyà 5:5

È ŋgbe rzɔ òŋgo mòtò o ma Mòkarzɛ̀, oma èŋge nyo ya eni ya wòhwe e ma hvàŋgahwà o lì mo rzuŋga èlìŋgɛ̀ ya eni o wùnyà ema Rzàŋgo Yerzù a jà.

2 Kɔ̀rintìyà 1:15

Nà omà na mà lòkɛ̀ ema ene eyà e hwèlì e jɔ̀kɛ̀, nà mà kàkɛ̀nɛ̀ o lì loma lì e jèeyà, aŋga nanù, e lɔ̀yìrzɛ̀ e ŋgèlì ema e ùkirzɛ̀ ihwàkɛ.

2 Kɔ̀rintìyà 10:2

Nà e rzorzomelì ema e rzi gbeyà na oma hwaŋga hwatò hwa gbeyà aŋga nanù na e jɛlɛlɛ tɛ, na e ohwirzɛnɛ e rzi hwɛ tɔ̀ wɔ̀ŋgɔ̀ tɔ̀ wɔ̀kɔ. Hwatò ema na o òhwirzɛnɛ, wɔ̀ ndi hwa hwèlì hwaŋga hwatò ema hwa ohwa nanù ema irzɔ i gbeyà ndi èwòlò nàa hwatò hwa ene rze hwa e gbeyà.

2 Kɔ̀rintìyà 10:6

È hvonda ema e o gbeyɛ na oma Krirztò a arza nanù ema e gbeye na mèèmà me anyu me arzɛ, o eŋge hvonda ɔ̀ndi irzɔ jo ò rzekeya o lì kɔ̀kìrzɛ̀ tɔ̀ ima mòtò ema awuŋmɛ̀lɛ̀ nanù ema mɔ̀ à rza o gbeyà na oma Krirztò a arza nanù ema a gbeye.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 2:6

È kɔ̀kìrzɛ̀ ema rzayì-rzayì ja hwatò hwa ŋgba ene nyayi ya mòtò e mo loŋgamɛnɛyi.

2 Kɔ̀rintìyà 5:16

Li wòteya nàŋgɛ, inyɛ i rza wowa hwatò na oma hwa ɛneya. Tɔ̀ nɛ o ma hwɛ lìrzako ema i ma hwɛ lì ɛnɛ Yerzù na mìirzɔ ma hwatò hwa hwènàmà i rza mo ɛnɛ nanù hvɛ.

2 Kɔ̀rintìyà 7:16

Nà oki mɔ̀nyɛ̀ŋgì nàŋgɛ èhwanja na ikayi lìhvìtà la ami la arzɛ na ohwa.

2 Kɔ̀rintìyà 8:22

O èŋgànɛ̀lɛ̀ rzɔ, je omelì ŋmanyàŋgo wa arzu wa Krirztò na hwa Tàyìtùrzì à mà jo uŋmɛ̀lɛ̀yi nanù ema a hwɛnì nyɔ̀ŋgi ya lì e òŋgòwàna. Tɔ̀ nàŋgɛ nanù à mà ika ŋmèma mo eni na inyɔ, ndèŋganɛlɛ e nyɔ̀ŋgi ya eni ya lì e oŋgòwànà e ma nyàla.

Gàletìyà 1:7

O tɛ̀ɛ̀tɛ̀ɛ o rza enje mohvɛhvɛ ŋmɛ̀ndì mò gbamù. Ndi imba na ohwa ndi nanù èhwanja o hwèlì lòŋgo la hwatò ema hwa e emirzɛ. Hwa arza lì keka o lì tikowa Ŋmɛ̀ndì mò Gbamù mò ama Yerzù Krirztò.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

Gàletìyà 2:6

Ndeŋga hvɛ hwatò ema hwa mà hwɛ aŋga nàa hwatimbelì hwa ŋmèmba hwa rzi ohve hvɛ tɔ̀ eyà ò lì lata ò ŋmanyu yà mamɛ ema imba nà okolɛ. Tɔ̀ nɛ wɔ̀ hwa mà hwɛ ndi hwàtìmbèlì è rzi hwɛnɛ tɔ̀ eyà yà lì nò gbeyàna èhwanja hwatò hwa arzɛ hwa hwèlì ndi nyayi hvɔ̀kɔ ò worzo wò ama Lohwɛ̀.

Gàletìyà 3:1

Bɔ̀ɔ, inyɔ hwatò hwa èèti hwa Gàletìyà! Njɛnɛ à è jɔ̀ki nanù e? È rza ɔ̀ŋgɛ̀lɛ̀ nà oma nà ma e wuluhweyà nanù ema Yerzù Krirztò à mà ŋwa ndi ò mbarza ò nyòla à anyu e?

Gàletìyà 4:11

Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

Gàletìyà 4:17

Hwanɛyi hwà-òkòlèlì hwa mòlàŋgà hwa ohvi o mèèmà me awu nanù ema e hwa nɔŋge, ndi mɔ̀ŋgɛ̀lɛ̀ ma awu ma rza lɔ̀wu. Wɔ̀ hwa arza ndi nanù ema e rza hwɛ na imba aŋga nanù e hwɛnɛ ndi e nyɔ̀ŋgi o lì hwɛ na wɔ̀.

Gàletìyà 4:20

Nà lìŋgàneyayi lì hwɛ na inyɔ nàŋgɛ, o ma na hwi mamɛ ema na e ohwirzɛnɛ. Èhwanja na àkàyìrzɛ̀ rzayi-rzayi o lì e hvomɛ̀nɛ̀.

Gàletìyà 5:12

Nà àhvìtɛ̀ nanù ema hwaŋga hwatò ema hwa e emirzɛ hwa ɛndɛ ndi o worzo, inyɛ hwa ɛndɛ o worzo hwa a agbɛɛ wɔ̀ hwiti.

Gàletìyà 5:7

O hwewotelì inyɔ e ma hwɛ lì gbeyà hweyà gbamù. Njɛnɛ rzɔ a e tiko mèèmà nanù ema e rza oŋgama e jɔ̀kɛ̀ ema e hwèlì o tenì ya ŋmɛ̀ndì mò gbamù e?

Gàletìyà 6:17

O lì umba ene kààtì, na e ohweyà nanù ema, tɔ̀ mòtò a rzi no tàkìrzɛ̀nɛ hwene hweyà, èhwanja na ohvi hwetɛndɛ anu nyo ya ami, ema hwe uŋmɛ̀lɛ̀ nanù ema imba na gbèeyà ndi Yerzù.

Hvìlipìyà 3:15

O eŋgànɛlɛ rzɔ, inyɛ irzɔ hwa arzɛ ema i ma màa lì òŋgeyà o lìlòkɛ̀, inyɛ ja alɛ̀mbɛ̀nɛ ndi ene nyayi ya màlùtèyà o hwene hweyà. Ndi e hwèlì tɛ nanù ema inyɔ e ohvi tɛ ma hvɛhvɛ màlùtèyà o lì hvomɛ̀nɛ̀ hwene hweyà, aŋga nanù Lohwɛ̀ a o e oŋgòhwànà o lì hwe rzɔ̀ŋgìtɛ̀nɛ̀ gbamù.

2 Tɛ̀rzàlonìyà 3:4

I ma ika mèèmà me arzu nanù ema Rzàŋgo à è gbèeyà o lì gbeyà tɔ̀ ima eyà ema je e ohwèlì nanù ema e gbeye, ndèŋgànɛlɛ e hwɛ ndi o lì e gbeyà.

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.

Hvìlɛ̀mɔ̀nì 1:21

Nà lòkɛ̀ nanù ema, nà oma nà tìlì ini ìtìtà nanù, ò gbeyà tɔ̀ mamɛ ema imba nà ohwi nanù ema ò nò gbèeyà. Ndèŋgànɛlɛ nà hwi nanù ema ò wà ò è gbeyà lì aka mamɛ ema imba nà ohwi nanù ema ò gbèye.