Gàletìyà 4:8 - Mokpwe: Bakwery (New Testament)

⁸ O marzalɛ ema e rzi hwiyɛ Lohwɛ̀, e ma hwɛ ndi hwàkòmì o moohwa ema mà rzi hwɛ̀ɛ tɔ̀ eyà.

Gàletìyà 4:8 Mawu Ofanana

Yòwanìrzɛ̀ 1:10

À mà hwɛ ò ène rze ya mɔ̀nyɛ̀ tɔ̀ nɛ Lohwɛ̀ à mà wèkè ene rze ya mɔ̀nyɛ̀ na mɔ̀ ndi è rze ya mɔ̀nyɛ̀ e rzi mò embè.

Hwègbèèlì 14:12

Hwa mà kpɛ̀ Bànàbàrzì lìinà nanù ema mɔ̀ ndi à hwèlì lòòhwà ema hwa hwɛlɛ nanù ema Rzɛ̀yùrzì rzìi hwa hwɛlɛ Pàwolò nanù ema mɔ̀ ndi à hwèlì lòòhwà ema hwa hwɛlɛ nanù ema Hɛ̀mɛ̀rzì èhwanja mɔ̀ ndi à mà hwɛ e mòòhwèlì wa awu.

Hwègbèèlì 17:23

Nà òhwa ndi nanù ehwànja ò hweyàkèlì hwe ami ò tenì ya e mbòwa ndɛnɛ ya anyu, na ɛnɛ meyòka me anyu ema e kànɛlɛlɛ mòohwà. Nà mà ɛnɛ èki yɔ̀kɔ ema e tilì nanù ema, ‘Èki ya ama Lohwɛ̀ ema lì rza hwiyahwɛ.’ Lìŋgi lohwà ema inyɔ e kànɛlɛlɛ, tɔ̀ nɛ inyɔ e rza lì hwiyɛ, lɔ ndi imba na e òhweyà naŋgɛ.

Ròmànì 1:23

Hwa hwɛmi ò lì ŋgba Lòohwà ema lì hwèlì lòŋgɛ èluhwe rzìi hwa ŋgba ndi hwèrzìrzà ema hwatò hwa wòndɛyi nà màà mà awu èluhwe. Hwene hwèmà hwe ayèkɛnɛ̀ hwema ema hwe ŋwa, ema hwe hwèlì nàa è mòtò wà hwènàmà, hwenɔ̀ni, inyàmà nà mààhwà.

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Kɔ̀rintìyà 12:2

Inyɔ e hwi ema e hvonda inyɔ e ma hwɛ ema e rzi hwiyɛ Lohwà, e ma eŋgìrzɛ̀hwɛ̀ o molawo, o lì kànɛ̀lɛlɛ hwèrzìrzà ema hwe rza tɔ̀ɔ.

1 Kɔ̀rintìyà 8:4

O èŋgànɛ̀lɛ̀, inyɛ na ohwe lì hvomɛ̀nɛ̀ lì làa la mòlelì ema mo ŋgbàahwì nàa jàhwèyà o hwèrzùmbu. Irzɔ hwa arzɛ i hwi nà è jɔ̀kɛ̀ nanù ema, hweŋge hwèrzùmbu hwe rza enje ndi Lohwɛ̀, ndeŋga nanù hvɛ ema, ò rza enje lìhvɛ̀hvɛ̀ Lohwà lì aka tɛ Lohwà lɔ̀kɔ lìti mɛnɛ.

Gàletìyà 4:3

Nyayi hvɔ̀kɔ hvɛ mɛnɛ nanù ndi irzɔhvɛ i ma hwɛ nàa hwàanà e hvonda ema Krirztò a rzi jɛ̀ɛ̀. O eŋge hvonda, Iŋginyà ja ene rze i ma jo wowa ndi nàa hwàkòmì.

Ɛ̀hvìrzìyà 4:18

Èhwanja màlùtèyà ma awu ma hwèlì ndi màlùtèyà ma wòhwe wɔ̀ hwa rza oŋgama hweyà hwa ama Lohwɛ̀. Hwa rza ohvi lòŋgɛ ema Lohwɛ̀ a ŋgbà èhwanja hwa ohvi maniya ndeŋgànɛ̀lɛ̀ hwa rza hwi e njiya ya ama Lohwɛ̀.

1 Tɛ̀rzàlonìyà 1:9

Hwàŋga hwatò wɔ̀ hwiti ndi hwa ohwa nɛ inyɔ è mà jò kàrzɛ̀ è hvonda ema irzɔ ì mà è jèeyà. Ndeŋgànɛlɛ wɔ̀ hwa ohwa nà oma inyɔ è mà tìmbeyà Lohwɛ̀, ndèŋgànɛ̀lɛ̀ nɛ inyɔ è mà rzɔnjɛ̀lɛ̀ lì kanɛ̀ là mòòhwà mà mòlàŋga ndi inyɔ è gbèeyà Lohwɛ̀ ŋmitɛ-ŋmitɛ ema à hwèlì lòŋgɛ.

1 Tɛ̀rzàlonìyà 4:5

Inyɛ̀ inyo ja anyu i rzi hwɛnɛ ilema ja rzayi-rzayi o hweyàrzèlì hwe ŋgundu hwe e nyàma nyo nàa hwatò ema hwa rza hwiyɛ Lohwɛ̀ hwa hwɛni.

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

1 Pètrò 4:3

Inyɔ e ma hvaŋga hvonda rzayi-rzayi o hvonda ema e ma aka, o lì gbeyà mamɛ ema hwatò ema hwa rza lòkɛ̀ Lohwɛ̀ hwa hvɔ̀rzì o lì gbeyà. Èŋge hvonda e ma aka. È mà lìya mòŋgɛ ma anyu o mòrzònje, e ma hwɛnɛ nyɔ̀ŋgi o mèèmà o lì gbeyà hweyà hwe wòhwe, e ma hwɛ lì nyɔ mììmbà o lì woma, e ma hwɛ lì aŋga indèma ema hwatò hwà mà hwɛ lì nyɔ mììmbà na lì woma rzìi hwa a gbeyà hweyà hwe wòhwe, ndèŋgànɛ̀lɛ̀ e ma hwɛ hvɛ lì kànɛlɛ̀lɛ̀ mahvɛhvɛ màlohwà.

1 Yòwanìrzɛ̀ 3:1

È ɔŋgɔ tɛ e ndìŋgɛ ndɛnɛ ema Tatɛ̀ a jo lìŋgàni. Èŋge ndìŋgɛ e olo natɛ̀ɛ irzɔ i hwɛ̀lɛ̀hwɛ̀ hwàanà hwa ama Lohwɛ̀, ndèŋgànɛ̀lɛ̀ nanù ndi irzɔ i hwèlì. Lìtiŋga ndeŋgatɛ ene rze e rza jo hwi lì hwèlì ndi ehwànja hwa rzi lome lì hwiya e Tatɛ̀.