Gàletìyà 4:6 - Mokpwe: Bakwery (New Testament)

⁶ Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

Gàletìyà 4:6 Mawu Ofanana

Makòrzì 14:36

Yerzù rzìi à òhwa nanù ema, “Ìi Tàà, Tatà ò tànɛyi lì gbeyà tɔ̀ mamɛ ema ò arza lì gbeyà. Ò nò wòwanè menè mètàkà. Ndi rzeketɛ nà òmà nà àrza ndi nà òma ò arza.”

Lukàrzɛ̀ 11:13

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”

Lukàrzɛ̀ 11:2

Yerzù à mà hwa òhweyà nanù ema, “È àrzà tɛ lì kanɛ̀ e òhwe nanù èma, ‘Ìi Tatɛ̀, inyɛ lìinà la aŋgɔ̀ lì lòkɛ̀hwɛ̀. Inyɛ̀ lìkànèyà la aŋgɔ̀ lì jèe.

Yòwanìrzɛ̀ 14:16

Nà òhweyà Tatɛ̀, ndèŋgànɛ̀lɛ̀ mɔ̀ à e ò ŋgbà ò hvɛhvɛ Moòŋgòwànèlì ema a ò hwɛ na inyɔ ihvònda ja arzɛ.

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Yòwanìrzɛ̀ 16:7

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Hwègbèèlì 16:7

Nà òma hwà mà jèe lì uka ŋmeyò mò erzòòkà ya Mìrzìyà, wɔ̀ hwà mà keka ò lì kpèeyà ò erzòòkà ya Bìtìnìyà. Ndi tɔ̀ nanù Èlìŋgɛ̀ ya ama Yerzù e rzi imanɛlɛ nanù ema hwa kpèeyà aŋga.

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

1 Kɔ̀rintìyà 15:45

È tìlahwì o kààtì ya Lohwà nanù ema, “È mòtò wa worzò, Adàmu, Lohwɛ̀ à mà mo weka rzi a mo ŋgbaà lòŋgɛ.” Ndi e Adàmu ya lìrzukù e hwèlì ndi èlìŋgɛ̀ ema e ŋgba lòŋgɛ.

2 Kɔ̀rintìyà 1:22

Lohwɛ̀ à mà jo ika embànèlì ya eni o lì uŋmɛ̀lɛ̀ nanù ema i hwèlì ndi hwatò hwa eni. A ika hvɛ Èlìŋgɛ̀ yà Wòtani o mèèmà me arzu, o lì uŋmɛ̀lɛ̀ ema i lùwa mamɛ ya arzɛ ema a jo kàkɛ̀nɛ̀yi.

2 Kɔ̀rintìyà 3:17

Ndi o nàŋgɛ e Rzàŋgo e hwèlì ndi Èlìŋgɛ̀. Tɔ̀ ima èki ema Èlìŋgɛ̀ ya ama e Rzàŋgo e hwèlì hwatò hwa hwɛnɛ lì wɔ̀wìrzɛ̀ la nyo.

Ɛ̀hvìrzìyà 1:13

Inyɔ hvɛ è mà hweyà ŋmɛ̀ndì mò jɔ̀kɛ̀. Mòŋgo ŋmɛ̀ndì mò jɔ̀kɛ̀ mɔ̀ ndi mò hwèlì Ŋmɛ̀ndì mò Gbamù ema mò è jànelì lì kɔ̀tɔ̀wɔ̀. Inyɔ è lòkɛ̀ Yerzù ndèŋgànà è ma hwɛ ndi mòtò mɔ̀kɔ nà mɔ̀. Ène eyà è mà gbeyà Lohwɛ̀ à mà è ŋgbà Èlìŋgɛ̀ yà Wòtani ema à mà ohwe nanù ema à ŋgba hwatò hwa eni. Èŋge Èlìŋgɛ̀ yà Wòtani è hwèlì ndi nàa embànèlì ema è uŋmɛ̀lɛ̀ nanù ema inyɔ è hwèlì ndi hwatò hwa ama Lohwɛ̀.

Ɛ̀hvìrzìyà 2:18

Èhwanja ò mamɛ ema Krirztò à mà jò gbèeyà, irzɔ hwa arzɛ i hweni è njiya ò lì ɛndɛ ò mà Tatɛ̀. Èŋge Èlìŋgɛ̀ yà awɔ̀kɛ mɛnɛ yɔ̀ ndi è jò oŋgòhwànà ò lì gbeyà nanù.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Hvìlipìyà 1:19

Nà oka ndi mɔ̀nyɛ̀ŋgì nanù mɛnɛ ehwànja na hwi nanù ema lì kànɛ ema e no kànɛlɛlɛ ndèŋgànɛ̀lɛ̀ lì oŋgowàna ema Èlìŋgɛ̀ ya ama Yerzù Krirztò e o no ŋgba, hwe o no gbeyà imba o lì luwa lì rzuŋgàhwa.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

Judɛ 1:20

Ndi imbùnda jà ami kòkò, inyɛ lìlòkɛ̀ là wòtani ema è hwɛni lì hwɛ ndi ò lì ɔŋgɔ ò tenì yà anyu lì ɛndɛ ò worzo. È kànɛ nanù ema è ŋginyà yà Èlìŋgɛ̀ yà Wòtani yè è timbe.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.