Gàletìyà 4:5 - Mokpwe: Bakwery (New Testament)

⁵ Lohwɛ̀ à mà mo òma o lì jo kɔ̀tɔ̀ o rze ya e mbenda aŋga nanù irzɔ i timba o lì hwɛ hwàanà hwa ama Lohwɛ̀.

Gàletìyà 4:5 Mawu Ofanana

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Lukàrzɛ̀ 1:68

“Jèka ì hwɛ nà è Rzàŋgò, Lohwà la hwatò hwa Irzàyɛ̀lì. Jèka ì hwɛ nà Lohwɛ̀ èhwanja mɔ̀ à jelì ò lì òŋgòwànà hwatò wa eni, nà lì hwa rzùŋgà.

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Ròmànì 10:4

Krirztò mɔ̀ à mà gbeyà èwòlò ema e mbenda e ma àŋgàmɛ̀nɛ̀ lì gbeyà, ò èŋgànɛ̀lɛ̀ rzɔ, tɔ̀ njɛnɛ ema a mò lòkɛ̀, a hwɛ ehve-ehve ò wòrzò wò ama Lohwɛ̀.

Ròmànì 8:14

Eyà ema e hwèlì e hwèlì ndi nanù ema hwatò hwa arzɛ ema Èlìŋgɛ̀ ya ama Lohwɛ̀ e timba, hwa hwèlì ndi hwàanà hwa ama Lohwɛ̀.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Ròmànì 8:19

Hweema hwe arzɛ ema Lohwɛ̀ a wèki ò rze ya mɔ̀nyɛ̀ hwe hwèlì lì ambɛ̀lɛ̀ na nyɔ̀ŋgi ndɛnɛ ò lì ɛnɛ na òma Lohwɛ̀ a ò uŋmɛ̀lɛ̀ hwàna hwa eni, a ò gbeyà eŋge na èluhwe ya eni ya arzɛ.

Ròmànì 8:23

Rzeketɛ ewèkèlì yiti mɛnɛ ndi e ɔnyɔ. Irzɔ hvɛ ema jò òhvi Èlìŋgɛ̀ ema Lohwɛ̀ à mà lòma lì jò ŋgba nàa jàhwèyà ja wòrzò, irzɔ hvɛ i hwèlì jò ɔnyɔ ò mèèmà me arzu. I ma ika mèèmà me arzu me arzɛ ò lì ambɛ̀lɛ̀ eŋge hvònda ema Lohwɛ̀ a ò jò gbèèyɛ̀ hwàanà hwa eni, ò lì jò rzòlòwà inyò ja arzu ja arzɛ ò ŋgɔkɔhwi rzi a jò ŋgba nyò hvènya.

Ròmànì 9:4

Hwàtò hwa ami hwa hwèlì ndi hwatò hwa Irzàyɛ̀lì. Lohwɛ̀ à mà òhwa nanù ema mɔ̀ à mà hwa wòwa nàa hwàanà hwa eni, rzi a hwa wuluweya hvɛ ŋmàye mò eni. Lohwɛ̀ à mà gbeyà hwèyòmbò hwe eni na wɔ̀, rzi a hwa ŋgba e mbenda. A ma hwa uŋmɛ̀lɛ̀ nɛ hwa hwɛni lì mò ŋgba èluhwe, ndèŋgànɛ̀lɛ̀ à mà hwa òhweyà nanù ema a gbeyà mamɛ ema à mà òhwe nanù ema a gbeyà.

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Gàletìyà 4:21

Inyɛ̀ na e ijowe hwaŋga ema hwa arza o lì hwɛ o rze ya mbenda: e rza hweyà mamɛ e mbenda e ohwa e?

Gàletìyà 4:7

O nàŋgɛ rzɔ, inyɔ e rza enje hvɛ ndi hwàkòmì. È hwèlì ndi hwaanà hwa ama Lohwɛ̀. Nà oma e hwèlì hwàanà hwa ama Lohwɛ̀, Lohwɛ̀ a e ŋgba tɔ̀ mamɛ ema a àŋgàmɛ̀nɛ̀yi lì ŋgba hwàanà hwa eni.

Ɛ̀hvìrzìyà 1:5

mɔ̀ à mà lòma lì ika nà è kòòhwà, à mà irzɔ jò ò hwɛ ndi hwàànà hwa eni, lì akeyà nà èwòlò ema Yerzù Krirztò à mà jò gbèeyà. Lohwɛ̀ à mà gbeyà ndi ene eyà nanù, èhwanja nanù ndi à mà tɛ̀yirzɛ̀ nà oma è mò lɔ̀ɔ̀nì.

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 9:12

Nà oma Yerzù à mà kpèeyà o lìŋgi lìwondo, à mà kpèeyà ndi o Èki ema e akayi Wòtani Rzayi-rzayi o ŋgelì hvɔ̀kɔ o iŋgèlì ja arzɛ. A rzi wòwe màyija ma mbolì tɔ̀ e màa nyàkà o lì ŋgbà màahweyà, à mà wowa ndi màyija ma eni mɛnɛ. A ma mà gbeyàna o lì jo kɔ̀tɔ̀ o wòhwe wo arzu aŋga nanù jo o hwɛ o lòŋgɛ la gbìndèyà.

Hibrù 9:15

Lìtìŋga lìiŋgi ema lì gbèyi Krirztò o lì hwɛ e mòtò wa ìtììtènì wa yòombò hvènya aŋga nanù hwatò ema Lohwɛ̀ mɔ̀ à hvɔ̀rzì hwa o luwa mònàmɛ̀ ema mo o hwɛ natɛ̀ɛ na o gbìndèyà. Moŋgo mònàmɛ̀ ndi Lohwɛ̀ a ohwi nanù ema a o ŋgba hwatò hwa eni. È kpelì ema Krirztò a ŋwelì, yɔ ndi e gbèyi ndeŋgatɛ ene eyà e gbèyɛ̀nɛ nanù. È kpelì ya eni e ma kɔ̀tɔ̀ hwatò o wòhwe ema hwà mà hwɛ lì gbeyà e hvonda ema yòombò ya mòlòmɛ̀ e ma hwɛ lì hwa kànèyà.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

Hwèwulùwèlì 14:3

Èŋge egbe yɔ̀kɔ na mènìmènì me hwekolì hwe hwatò hwe ma emba mɔ̀rzɔ̀kɔ̀ mohvènya o worzò wo e konda ya lìkànèyà ya ama Lohwɛ̀, ndèŋgànɛ̀lɛ̀ o worzo wo hweŋge hwèembè hwe aniyɛ ema hwe hwèlì lòŋgɛ, na o worzo wo hwàmbaki. Tɔ̀ mòtò a rzi tànɛ lì okowa moŋgo mɔ̀rzɔ̀kɔ̀ lì aka tɛ eŋge egbe yɔ̀kɔ na mènìmènì me hwekolì hwe hwatò ema Lohwɛ̀ à mà kɔ̀te o e rze ya mɔ̀nyɛ̀.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.