Gàletìyà 4:15 - Mokpwe: Bakwery (New Testament)

¹⁵ O eŋge hvonda e ma onda na mɔ̀nyɛ̀ŋgì. Mamɛ e gbèyɛ̀nɛ o moŋgo mɔ̀nyɛ̀ŋgì ema e ma hwɛnɛ e? Imba mbiti na hwèlì ndi e mboŋgi ya anyu nanù ema, o eŋge hvonda e ma no lìŋgàna màlìŋgo ema e ma hwɛ tɛ nanù ema mòtò a tuma lìirzɔ̀ la eni o lì li ŋgba mbunda eni nanù ema a lì gbeyàne oma e ma tuma mìirzɔ̀ ma anyu rzi e no ŋgba e mɔ̀.

Gàletìyà 4:15 Mawu Ofanana

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Ròmànì 10:2

Nà hwa tɛ̀mèlì mbòŋgi nanù ema wɔ̀ hwa hwɛni ekɔ̀njì ò ma Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ nɛ wɔ̀ hwa hwɛni lì hwɛnɛ èkɔ̀njì na mɔ̀.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Ròmànì 9:3

ò wònyànyàŋgò hwa ami, hwa màyija. O nyòla awu, ò mà nà àhvìtɛ̀ nanù ema, Lohwɛ̀ à mà nò ŋgba mòjèmà, na lì nò akakòwɛ ò ma Krirztò.

2 Kɔ̀rintìyà 8:3

Nà hwèlì ndi mboŋgi nanù ema hwà mà ŋgbà mamɛ hwà mà ohve. Hwà mà ŋgba lì aka mamɛ hwà mà hwɛnɛ lì ŋgba. Hwà mà ŋgbà na mèèmà me awu me arzɛ.

Gàletìyà 3:14

Krirztò à mà gbeyà ndi nanù ò lì arza nanù ema mònàmɛ̀ ema Lohwɛ̀ à mà kàkɛ̀nɛ̀ Abràhamù mò ŋgbahwe hvɛ hwaŋga ema hwa rza enje wònyà Yudà. Èŋge è ma gbeyà ema lìlòkɛ̀ ema ì mò lòkɛ̀ lì mà gbeyà ema irzɔhvɛ ì lùwe Èlìŋgɛ̀ yà Wòtani ema à mà kàkɛ̀nɛ̀ nanù ema à jò ŋgba.

Gàletìyà 4:14

Ndi tɔ̀ nɛ e nyàmbɛ̀ ya ami e ma hwɛ ndi ema e ma hwɛnɛ lì no rzɔ̀rzɔ̀, ndi inyɔ e rzi no rzɔ̀rzɔ̀ ndeŋgànɛ̀lɛ̀ e rzi no hvaye. È ma no karzɛ ndi o a ɛnɛ ema na hwèlì ndi aŋgèlì yà ama Lohwɛ̀ tɔ̀ nàa nà mà hwɛ ndi Yerzù Krirztò.

Gàletìyà 4:16

Èhwanja na e ohweyà e jɔ̀kɛ̀ lì hvomɛ̀nɛ̀ ŋmɛ̀ndì mò gbamù o eŋgànɛ̀lɛ̀ nàŋgɛ nanù nà mà timba ndi e mɔ̀kɔ̀yèlì hwa anyu e?

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Gàletìyà 6:4

Tɔ̀ ima mɔ̀ wa anyu àkàyìrzɛ̀ hwègbèèlì hwe eni mɛnɛ. Mòtò a gbèyi tɛ eyà ema e lɔ̀wu, mɔ̀ ŋmìti a oka mɔ̀nyɛ̀ŋgì. Ndèŋgana a rza a kitirzɛnɛ mɔ̀ ŋmìti na hwahvɛhvɛ hwàtò.

Kòlòrzìyà 4:13

Imba mbiti na tɛmi mboŋgi nanù ema mɔ̀ à mà e gbèeyà èwòlò rzàyi-rzàyi na o hwatò hwa ama Krirztò ema hwa hwèlì o mambowà mà Làwòdèrzìyà na Hilàpolìrzi.

1 Tɛ̀rzàlonìyà 2:8

Je e lìŋgàni rzàyi-rzàyi, rzeketɛ o lì e ohwa Ŋmɛ̀ndì mò Gbamù mo ama Lohwɛ̀ mɛnɛ, ndi o lì arza hvɛ hveyo ò lì e oŋgowàna ehwànja je e lìŋgàni rzayi-rzayi.

1 Tɛ̀rzàlonìyà 5:13

È hwa wòŋgohwàne na èluhwe ndɛnɛ ndèŋgànɛ̀lɛ̀ e hwa uŋmɛ̀lɛ̀ e ndìŋgɛ o nyòla èwòlò ema hwa e gbèeyà. È lìya na ɛ̀yɔ̀lɛ̀ mɔ̀kɔ na ɔ̀nɛyi.