Gàletìyà 3:8 - Mokpwe: Bakwery (New Testament)

⁸ Eyà yà Lohwà è mà lòma lì ohwa nanù ema, Lohwɛ̀ à ò wòwà hwaŋga hwatò ema hwa rza enje wònyà Yudà nàa hwatò hwa eni èhwanja hwa mò lòkɛ̀yì. Ène eyà è mà hwiyɛnɛ lì wòteyà lìrzako ema Lohwɛ̀ à mà òhweyà Abràhamù nanù ema, “Lì akeyà nà ò wà, imba nà à ò nàmìrzɛ̀ hwèkòmè hwa arzɛ hwe è rze yà mɔ̀nyɛ̀.”

Gàletìyà 3:8 Mawu Ofanana

Yòwanìrzɛ̀ 19:37

Ndèŋgana è tìlahwì ò Kaàti yà Lohwà nanù ema, “Hwa ɔ̀ŋgɔ è mɔ̀ ema à uŋmahwi lìyɔ̀ŋgɔ̀.”

Yòwanìrzɛ̀ 7:38

È mɔ̀ ema a nò lòkɛ̀ è Kààtì ya Lohwà e òhwi nanù ema, ‘Merzò me malìhwà mà lòŋgɛ me ò mò wurza ò tenì ya eni.’”

Yòwanìrzɛ̀ 7:42

È tìlahwì ò Kaàti ya Lohwà ema, è Mɔ̀ ema à Ɔ̀kirzɛ̀hwɛ̀yi a hwɛnì ndi lì ŋyaahwɛlɛ ò mòtende mò òma Dàhwitì, ò mbòwa ya Bɛtlɛ̀hɛmù ema Dàhwitì a mà uwɛ̀lɛ̀lɛ̀yi.”

Hwègbèèlì 2:35

natɛ̀ɛ nà lìrzakò ema nà ò gbeyà ema ò làalè hwàkɔ̀yèlì hwa aŋgɔ̀ nà màtàŋgà ma aŋgɔ̀.’”

Ròmànì 9:17

È tìlahwì ò e kààtì ya Lohwà nanù ema Lohwɛ̀ a òhwèlì Hvèro nanù ema, “Nà ma ò hvɔ̀rzɔ̀ ò lì hwɛ kiŋgɛ̀, aŋga nanù nà ò gbeyàna ò lì uŋmɛ̀lɛ̀ e ŋginyà ya ami na ò lì nyàlìrzɛ̀ lìinà là ami, ò e rze ya arzɛ.”

Ròmànì 9:30

Mamɛ rzɔ irzɔ i tànɛyi lì òhwa e? Èma hwatò ema hwa rza enje wònyà Yudà, hwa hwèlì ehve-ehve ò wòrzò wò ama Lohwɛ̀ lì akeyà na lì lòkɛ̀ la awu ema hwa òhvi na Krirztò, tɔ̀ nɛ hwa rzi keke ò lì hwɛ ehve-ehve ò wòrzò wò ama Lohwɛ̀.

Gàletìyà 3:16

Nàŋgɛ rzɔ, Lohwɛ̀ à mà gbeyà lì kàkɛnɛ là eni nà Abràhamù, nà ŋmanà eni. Èya yà Lohwà è rza ohwi nanù ema, “Hwàna,” ò à ɛnɛ oma hwatò hwa koki. Ndi Eyà yà Lohwà è ohwi nanù ema, “Ŋmanà.” Krirztò ndi à hwèlì oŋgo Ŋmanà.

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Gàletìyà 4:30

Ndi mamɛ e Kaàti ya Lohwà e ohwa lì hvomɛ̀nɛ̀ ene eyà e? È kààtì ya Lohwà e ohwa ndi nanù ema, “Hvaya e molanà wa mokome na e ŋmanà wa eni, èhwanja e ŋmanà wa e molanà wa mokome a rza tànɛyi a laa erzàŋgo ya ama rzaŋgɛ na e ŋmanà wa ama e jòjìyɛ̀.”

Hibrù 4:2

Ŋmɛ̀ndì mò gbamù mò ama Lohwɛ̀ hvɛ ema mò jò òhwahwɛlɛyi, ì mà mò hweyà ŋgana hvɔ̀kɔ nà oma wɔ̀ hvɛ hwa mà mò hwèye. Ndi moŋgo ŋmɛ̀ndì mò gbamù ema hwa mà hwèye, mò rzi ohve tɔ̀ màanda nà wɔ̀, èhwanja wɔ̀ hwa rzi lòkɛ̀ mamɛ ema hwa mà hwèye.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”