Gàletìyà 3:23 - Mokpwe: Bakwery (New Testament)

²³ Ndèŋgàna Krirztò à è jà, è mbenda è mà jò kaka ndèŋgàna ì mà hwɛ ò rze yà eŋge mbenda natɛ̀ɛ nà è hvonda ema Lohwɛ̀ à mà wuluwe nanù ema hwatò hwa ika mèèmà mè awu oma Krirztò.

Gàletìyà 3:23 Mawu Ofanana

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Ròmànì 11:32

Lohwɛ̀ à mà gbeyà maniyà mà hwatò ò lì hwa gbeyà ò a ɛnɛ ò ma hwa hwèlì ndi ò hwèwòwà, aŋga nanù a hwa hwɛneya wɔ̀ hwa arzɛ ììlì.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

Gàletìyà 3:19

Mamɛ rzɔ è mà hwɛ lìtiŋga ema Lohwɛ̀ à mà ŋgbe è mbenda e? À mà hwa ŋgba è mbenda ò lì uŋmɛ̀lɛ̀ hwatò mamɛ wòhwe wò hwèlì, eŋge mbenda è mà àŋgàmɛ̀nɛ̀yi lì hwɛ natɛ̀ɛ nà ò è hvonda ema è ŋmanà wà è nyɔ̀ŋgɔ̀nì yà ama Abràhamù ema Lohwɛ̀ à mà kàkɛ̀nɛ̀ à mà hwɛni lì jà. Lohwɛ̀ à mà ŋgba ì aŋgèlì è mbenda ò lì ŋgba Morzè. Morzè ndi à mà hwɛ è mòtò wà ìtììtènì ema à mà tɛ̀meyà è mòtò wà hwènàmà nà Lohwɛ̀.

Gàletìyà 4:21

Inyɛ̀ na e ijowe hwaŋga ema hwa arza o lì hwɛ o rze ya mbenda: e rza hweyà mamɛ e mbenda e ohwa e?

Gàletìyà 5:18

Èlìŋgɛ̀ ya ama Lohwɛ̀ ye e timbi tɛ, nanù oma e rza enje o rze ya e mbenda hvɛ.

Hibrù 11:13

Hwàŋga hwatò hwa koohwa hwà ma hwɛnɛ lì lòkɛ̀ natɛ̀ɛ na o kpelì. Tɔ̀ nɛ wɔ̀ hwa rzi luwe hweŋge hwèèmà ema Lohwɛ̀ à mà hwa kàkɛ̀nɛ̀ nanù ema a hwa ŋgba, ndi wɔ̀ hwà mà ɛnɛ hwèŋge hwèèmà hvoohvo hwe ma hwa òkìrzɛ̀ mɔ̀nyɛ̀ŋgì. Wɔ̀ hwa rzìi hwaŋge o lì ohwa nanù ema, hwa hwèlì ndi hwàyɛ̀nì ema hwa rza ohvɛ èki ya lì lìya anu rze ya mɔ̀nyɛ̀.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.