Gàletìyà 3:12 - Mokpwe: Bakwery (New Testament)

¹² Ndi è mbenda è rza hwɛni tɔ̀ eyà ò lì gbeyàna lìlòkɛ̀. È tìlahwì ò è kààtì yà Lohwà nanù ema, “È hwèlì tɛ nanù ema mòtò à ika tɛ è mbenda ò lì hwɛ lòŋgɛ, eŋge ŋgàna è hwèlì ndi nanù ema mɔ̀ à hwɛni ndi lì ika imbenda ja arzɛ.”

Gàletìyà 3:12 Mawu Ofanana

Matiyò 19:17

Yerzù rzìi a mò alàhwɛ̀ nanù ema, “Mamɛ ònò ijòwàna lì hvòmɛ̀nɛ̀ hweyà hwe lɔ̀wu e? O hwèlì ndi mòtò mɔ̀kɔ mɛnɛ ema a hwèlì e mòtò wa gbamù. O arza tɛ lòŋgɛ la gbìndèyà, ika imbenda.”

Ròmànì 11:6

Mɔ̀ à mà hwa hvɔ̀rzɔ̀ ò nyòla e ndèli ya eni ndi rzeketɛ ò nyòla hweyà ema wɔ̀ hwà mà gbeyɛ. È ma hwɛ tɛ nanù ema Lohwɛ̀ a hvɔ̀rzɔ̀ ndi hwatò ò nyòla hweyà ema hwa gbeyà, nanù ò ma e ndèli ya eni ndi à gbeyànì ò lì hwa hvɔ̀rzɔ̀.

Ròmànì 4:14

È ma hwɛ tɛ ndi nanù ema hwatò ema hwa ika e mbenda wɔ̀ ndi hwa luwa yòòma ema Lohwɛ̀ a kàkɛ̀nɛ̀yi nanù ema a ŋgba nanù òma lì lòkɛ̀ ema hwatò hwa lòkɛ̀yi Lohwɛ̀ lì hwèlì ndi ŋgundu, nanù òma tɔ̀ yòòma ema Lohwɛ̀ a kàkɛ̀nɛ̀ nanù ema a ŋgba e hwèlì ndi ŋgundu.

Ròmànì 4:16

Ɔ̀ndeŋgàtɛ̀ Lohwɛ̀ a òhweyà ndi hwaŋga hwatò ema hwa mò lòkɛ̀yi nanù ema a gbeyà eyà ema a kàkɛ̀nɛ̀ nanù ema a gbeyà. Mɔ̀ a gbèyi ndi nanù aŋga nanù e ɛnɛhwɛ nanù ema e ndèli ya eni yɔ ndi e ma gbeyà mɔ̀ à mà òhweyà e nyɔ̀ŋgɔ̀nì ya ama Abràhamù ŋgèlì hvɔ̀kɔ ò i ŋgelì ja arzɛ nanù ema mɔ̀ à hwa gbèeyà eyà ema à mà òhwe nanù ema a gbeyà. Rzeketɛ hwatò ema hwa ika eŋge mbenda mɛnɛ ndi mɔ̀ à mà ŋgbe lìŋgi lì kàkɛ̀nɛ̀. A ma ŋgba hvɛ hwatò hwa arzɛ ema hwà mà lòkɛ̀ Lohwɛ̀ na òma Abràhamù à mà mò lòkɛ̀. Abràhamù ndi à hwèlì e tatɛ̀ ya irzɔ hwa arzɛ.

Ròmànì 7:10

Nà ma ayembɛ nanù ema, e mbenda ema Lohwɛ̀ à mà ŋgbe ema e ma kanɛ̀ lì jànà lòŋgɛ, eŋge mbenda yɔ ndi e ma nò òŋwa.