Gàletìyà 3:10 - Mokpwe: Bakwery (New Testament)

¹⁰ Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Gàletìyà 3:10 Mawu Ofanana

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Ròmànì 4:15

Èya ema e mbenda è gbeyà e hwèlì ndi ò lì jàneyà hwatò hwètàtò hwe ama Lohwɛ̀. Ndi ò rzà ènje tɛ mbenda, ò rzà enje lì unda la mbenda.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

Ròmànì 8:7

È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

2 Kɔ̀rintìyà 3:7

O nàŋgɛ Morzè mɔ̀ à mà okolɛ hwatò nanù ema wɔ̀ hwa ika imbenda ja yòòmbò ya koohwa. Lohwɛ̀ à mà tìla ini mbenda o màŋyàyi ema mà nàŋgayi tàlìi rzìi à mà ŋgba Morzè o lì okolɛ hwatò. Nà oma Lohwɛ̀ à mà ŋgbe Morzè ini mbenda à mà gbeyà worzo wa ama Morzè o lì ɛneya kɛyi-kɛyi o lì uŋmɛ̀lɛ̀ nanù ema iŋgi mbenda i hwèlì ndi mbenda ja ama Lohwɛ̀. Worzo wa ama Morzè wo ma ɛneya ndi kɛyi-kɛyi ema tɔ̀ hwatò hwa Irzàyɛ̀lì hwa rzi tànɛyi o lì ɔ̀ŋgɔ worzo wa ama Morzè. Tɔ̀ nɛ wà mà ɛneya ndi kɛyi-kɛyi rzayi-rzayi, moŋgo ŋmàye wo ma wòteyà lì ɔ̀ndɔ̀ tenyi-tenyi. Hwatò ema hwà mà oŋgama yòòmbò ya koohwa hwà ma ŋwa ndèŋgànɛlɛ hvɛ hwa rzi hwɛ na Lohwɛ̀.

Gàletìyà 2:16

Ndi tɔ̀ nɛ irzɔ i hwi nanù ema Lohwɛ̀ a rza emeyà mòtò ema a hwèlì wòtani èhwanja a nɔ̀ŋgɔ e mbenda. Ndi lì lòkɛ̀ ema mòtò a lòkɛ̀ Yerzù Krirztò lɔ ndi lì gbeyà Lohwɛ̀ a emeyà mòtò ema a tɛmi ehve-ehve. O eŋgànɛ̀lɛ̀ rzɔ irzɔ hvɛ i lòkɛ̀yi Yerzù Krirztò aŋga nanù Lohwɛ̀ a jo emeyà èhwanja i lòkɛ̀yi Yerzù ndi rzeketɛ ema èhwanja ji ikayi e mbenda. Lohwɛ̀ a rza emeyà e mòtò èhwanja a nɔ̀ŋgɔ e mbenda.