Gàletìyà 2:21 - Mokpwe: Bakwery (New Testament)

²¹ Nà rza enje mòtò ema na tànɛyi lì ohwa nanù ema e ndèli ya ama Lohwɛ̀ e rza enje tɔ̀ eyà. O nyòla ene e hwɛ̀ɛyayi tɛ ema Lohwɛ̀ a tànɛyi a emeyà mòtò èhwanja a ikayi imbenda, eŋge ŋgàna e hwèlì rzɔ ndi nanù ema Yerzù Krirztò à mà ŋwèeyà o ndi mbarza ŋgundu.

Gàletìyà 2:21 Mawu Ofanana

Makòrzì 7:9

Yerzù à mà tìmba lì hwa òhweyà hvɛ nanù ema, “È hwɛnì meyànò me makpana lì tindà e mbenda yà amà Lohwɛ̀ rzìi è kakumɛnɛyi ndi e hwe anyu hwèyòkòlèlì.

Ròmànì 10:3

Hwa rza rzɔ̀ŋgìtɛ̀nɛ̀ nɛ Lohwɛ̀ a tɛ̀yìrzɛ̀ hwatò ehve-ehve na mɔ̀. Wɔ̀ hwa arza ndi e ya awu njiya aŋga nanù ò ma hwà mà tɛ̀mɛ̀ ehve-ehve ò wòrzò wò ama Lohwɛ̀. O èŋgànɛ̀lɛ̀ rzɔ hwa rzi arzìirzɛ̀ wɔ hwiti ò lì òŋgama e njiya ema Lohwɛ̀ à mà rzekeya aŋga nanù hwatò hwa hwɛ ehve-ehve.

Ròmànì 11:6

Mɔ̀ à mà hwa hvɔ̀rzɔ̀ ò nyòla e ndèli ya eni ndi rzeketɛ ò nyòla hweyà ema wɔ̀ hwà mà gbeyɛ. È ma hwɛ tɛ nanù ema Lohwɛ̀ a hvɔ̀rzɔ̀ ndi hwatò ò nyòla hweyà ema hwa gbeyà, nanù ò ma e ndèli ya eni ndi à gbeyànì ò lì hwa hvɔ̀rzɔ̀.

Ròmànì 4:25

O nyòla wòhwe wò arzu ɔ̀ndeŋgàtɛ̀ Lohwɛ̀ à mà ŋgba Krirztò ema a jò ŋwèeyà. A ma hvùmùlɛhwɛ ò kpelì, aŋga nanù a jò tɛmìrzɛ ehve-ehve na Lohwɛ̀.

Ròmànì 8:31

Jò ɔ̀ŋgɔ tɛ hwenè hweyà hwe arzɛ ò tenì, mamɛ i tànɛyi ò lì òhwa e? È hwèlì tɛ ema Lohwɛ̀ a hwèlì na irzɔ, njɛ̀nɛ a tànɛyi lì jò teŋgɛ̀nɛ̀ e?

1 Kɔ̀rintìyà 15:14

Krirztò a rzìi hvùmùwàyɛ̀lɛ̀hwɛ̀ tɛ o kpelì, nanù oma eyà ya Lohwà ema jo ohwa e hwèlì ndi ŋgundu, nanù hvɛ mɛnɛ na lìlòkɛ̀ la anyu.

1 Kɔ̀rintìyà 15:17

Lohwɛ̀ a rzi hvùmùlɛ̀hwɛ̀ tɛ Krirztò o kpelì, nanù oma lìlòkɛ̀ la anyu lì hwèlì ndi ŋgundu. Rzìi oma e hwèlì ndi o wòhwe wo anyu nanù mɛnɛ.

1 Kɔ̀rintìyà 15:2

È o rzùŋgàhwà nà ŋmɛ̀ndì mò gbamù, e hwèlì tɛ ema, e mo lɛmbi kɔ̀yi-kɔ̀yi, e rza enje tɛ nanù oma lìlòkɛ̀ la anyu na Krirztò lì hwèlì ndi ŋgundu.

Gàletìyà 2:16

Ndi tɔ̀ nɛ irzɔ i hwi nanù ema Lohwɛ̀ a rza emeyà mòtò ema a hwèlì wòtani èhwanja a nɔ̀ŋgɔ e mbenda. Ndi lì lòkɛ̀ ema mòtò a lòkɛ̀ Yerzù Krirztò lɔ ndi lì gbeyà Lohwɛ̀ a emeyà mòtò ema a tɛmi ehve-ehve. O eŋgànɛ̀lɛ̀ rzɔ irzɔ hvɛ i lòkɛ̀yi Yerzù Krirztò aŋga nanù Lohwɛ̀ a jo emeyà èhwanja i lòkɛ̀yi Yerzù ndi rzeketɛ ema èhwanja ji ikayi e mbenda. Lohwɛ̀ a rza emeyà e mòtò èhwanja a nɔ̀ŋgɔ e mbenda.

Gàletìyà 2:18

Ndi na timbi tɛ o mburza nàŋgɛ o lì nɔ̀ŋgɔ iŋgi mbenda ema imba nà mà hwɛmɛ, nanù oma na undi e mbenda.

Gàletìyà 3:21

Ène ŋgàna è hwèlì rzɔ ndi nanù ema è mbenda è teŋgɛ̀nɛ lì kàkɛ̀nɛ là ama Lohwɛ̀ e? Jàyɛ̀, rzeketɛ nanù! Ò mà hwɛ tɛ mbenda ema è ŋgba lòŋgɛ là gbìndèyà, ò mà ì tɛmi ndi ehve-ehve ò worzo wò ama Lohwɛ̀ èhwanja ì ji ika.

Hibrù 7:11

È hvonda ema hwatò hwa mòtende mò ama Lɛ̀hvì hwa mà hwɛ ipìlìrzì ò èkòmè ya Irzàyɛ̀lì ɔ̀ndi imbenda ì mà ŋgbàahwe wònyà Irzàyɛ̀lì. È hwèlì tɛ ema èwòlò yà Ipìlìrzì jà wònyà Lɛ̀hvì è mà tɛ̀mɛ̀ tɛ ehve-ehve oma ò rzi hwɛ hvɛ tɔ̀ jànda ema ehvɛhvɛ Pìlìrzì è wurza nàa Mɛ̀lkirzɛ̀dɛ̀ki ema à rzi hwɛ ò mòtèndè mò ama Arɔ̀nì.