Gàletìyà 2:2 - Mokpwe: Bakwery (New Testament)

² Nà mà ɛndɛ ndi èhwanja Lohwɛ̀ à mà nò wuluhweyà nanù ema nà ɛndɛ aŋga. Nà oma nà mà hwɛ aŋga, ì mà tàneyà wùndɛ̀ nà hwàtìmbèlì hwa ŋmèmba, nà mà hwa telɛlɛ ŋmɛ̀ndì mò gbamù ema nà mà ohweyà hwaŋga ema hwa rza enje wònyà Yudà. Nà mà gbeyà ndi nanù ò lì oka wɔ̀ŋgɔ̀ nanù ema èwòlò ema nà mà gbèyi nà è yɔ̀ ema nà hwèlì nà gbeyà è rzi hwɛ ŋgundu.

Gàletìyà 2:2 Mawu Ofanana

Matiyò 10:16

Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Hwègbèèlì 15:12

Èŋge ŋgindi ya arzɛ e ma hwɛ ndi lì òkànèyà ŋmɛ̀ɛ, na òma Bànàbàrzì na Pàwolò hwà mà hwɛ lì hwa òhweyà hwèèmbanelì na mànyàka ema Lohwɛ̀ à mà gbeye lì akeyà na wɔ ò ìtììtènì ja hwaŋga hwatò ema hwa rzi hwɛ wònyà Yudà.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:4

Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 18:9

Wu wɔ̀kɔ e Rzàŋgò e ma òhwirzɛnɛ Pàwolò ò jɛ̀nɛni, à mà mò òhweyà nanù ema, “O rza òka tɔ̀ wɔ̀ŋgɔ̀, hwɛ ndi ò lì òhwa nanù mɛnɛ, ò rzi lìya ŋmɛɛ.

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 5:34

Ndi mɔ̀kɔ wà awu wà Hvàlìrzàyì ema à mà hwɛ̀lɛ̀hwɛ̀ Gàmàlìyɛ̀lì ema à mà hwɛ ndi Mòòkòlèlì wà è mbenda ema hwatò hwa mà ŋgbe èluhwe ndɛnɛ à mà tɛ̀mɛ̀nɛ ò ŋmanyu rzi à òhweyà wòlìya nanù ema inyɛ hwa lòme lì wurzirzɛ I àpɔ̀rzìtòlò ò èwòka.

Ròmànì 9:16

O eŋgànɛ̀lɛ̀ rzɔ, mamɛ ema Lohwɛ̀ a hvɔ̀rzì e rza hwɛni tɔ̀ eyà ò lì gbeyà na eyà ema hwatò hwa arza nanù ema e gbèyɛ̀nɛ tɔ̀ mamɛ ema hwa gbeyà. Lohwɛ̀ ndi à gbeyàna ŋmèma mò eni mò gbamù ò lì gbeyà tɔ̀ mamɛ ema mɔ̀ à arza lì gbeyà.

1 Kɔ̀rintìyà 1:23

Ndi irzɔ ì ohwa ndi nanù ema Yerzù à mà wòmàhwɛlɛ ò mbarza. Wonyà Yudà hwa rza arza lì hweyà monò ŋmɛ̀ndì, hwaŋga hvɛ ema hwa rza enje wònyà Yudà, monò ŋmɛ̀ndì mò hwèlì ndi èèti nà wɔ̀.

1 Kɔ̀rintìyà 2:2

Nà omà nà mà hwɛ na inyɔ, nà mà àwòhwànɛ̀lɛ̀ na imba mbiti nanù ema na rza gbeyà hvɛ tɔ̀ eyà lì aka tɛ o lì ohwa lì hvomɛ̀nɛ̀ Yerzù Krirztò na e kpelì ema à mà ŋwèeyà o mbarza.

1 Kɔ̀rintìyà 9:24

È rza hwi nanù ema o lìhwaŋgi tɔ̀ ima mòtò a hwaŋga, ndi mòtò mɔ̀kɔ mɛnɛ ndi à rzuwa rzi a lùwa morzawelì e? O èŋgànɛ̀lɛ̀ e hwaŋge lìhwaŋgi e luwe morzawelì.

1 Kɔ̀rintìyà 9:26

Ɔ̀ndeŋgàtɛ̀ na rza hwaŋga tɔ̀nɛtɔ̀nɛ. Nà rza enje ndi nàa mò uŋma hwerzilawo ema à ùŋma mùulù mo ŋgundu.

2 Kɔ̀rintìyà 12:1

Nà hwɛ ndi o lì kumba lìya la ami o kòkò nanù mɛnɛ. Tɔ̀ nɛ eŋge e rza oŋgòwànà. Nà hwɛni ndi lì ɛndɛ o worzo ò lì ohwà jɛ̀nɛ̀nì nà mà ɛnɛ, na hweyà ema Rzàŋgo à ma no uŋmɛ̀lɛ̀.

Gàletìyà 1:12

Nà rzì luwe ŋmɛ̀ndì mo ami lì akeyà na tɔ̀ mòtò mɔ̀kɔ wa hwènàmà, ndèŋgàna tɔ̀ mòtò tɔ̀ mɔ̀kɔ a rzi no òkolɛ e mɔ̀. Yerzù Krirztò mɔ̀ ŋmìti ndi à mà no wuluweya e mɔ̀.

Gàletìyà 1:16

A ma no wuluhweyà è Ŋmanà wà eni, aŋga nanù imba na ohweyà hwaŋga hwatò ema hwa rza enje wònyà Yudà ŋmɛ̀ndì mò gbamù mo ama oŋgo ŋmanà wa eni. Nà oma à mà gbeye nanù, na rzi ɛndɛ o lì ùŋmànɛ̀lɛ̀ tɔ̀ mòtò tɔ̀ mɔ̀kɔ wa hwènàmà o lì no òkolɛ mamɛ ema na hwɛni lì gbeyà.

Gàletìyà 1:6

Lohwɛ̀ à mà e hvɔ̀rzɔ̀ o lì hwɛ hwatò hwa eni o nyòla e ndèli ya ama Yerzù Krirztò. Ndi na tami o lì ɛnɛ nanù ema e akɛ̀lɛ̀yi o lì rzɔ̀rzɔ̀ Lohwɛ̀, ndèŋgàna e hwèlì e nɔ̀ŋgɔ hwehvɛhvɛ hwèyòkòlèlì ema inyɔ e ɔ̀ŋgɛ̀lɛ̀ nanù ema e hwèlì ndi ŋmɛ̀ndì mò gbamù.

Gàletìyà 2:6

Ndeŋga hvɛ hwatò ema hwa mà hwɛ aŋga nàa hwatimbelì hwa ŋmèmba hwa rzi ohve hvɛ tɔ̀ eyà ò lì lata ò ŋmanyu yà mamɛ ema imba nà okolɛ. Tɔ̀ nɛ wɔ̀ hwa mà hwɛ ndi hwàtìmbèlì è rzi hwɛnɛ tɔ̀ eyà yà lì nò gbeyàna èhwanja hwatò hwa arzɛ hwa hwèlì ndi nyayi hvɔ̀kɔ ò worzo wò ama Lohwɛ̀.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Gàletìyà 5:7

O hwewotelì inyɔ e ma hwɛ lì gbeyà hweyà gbamù. Njɛnɛ rzɔ a e tiko mèèmà nanù ema e rza oŋgama e jɔ̀kɛ̀ ema e hwèlì o tenì ya ŋmɛ̀ndì mò gbamù e?

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

Hvìlipìyà 2:29

O eŋgànɛlɛ rzɔ, e mo kàrzɛ na màlìŋgo ehwànja e lòkɛ̀yì e Rzàŋgo na oma mɔ̀ ŋmìti a mo lòkɛ̀yi. È mo ŋgbe èluhwe na oma e ŋgbàà hwatò.

1 Tɛ̀rzàlonìyà 3:5

Litiŋga lìiŋgi ema lì ma gbeyà ɔndèŋgàtɛ̀ nà mà oma Tìmòtì. Nà oma na rzi tanɛ hvɛ lì alɛ̀mbɛ nà mà mo òma o lì jà lì arzirzɛ nɛ lìlòkɛ̀ la anyu lì hwèlì. Nà ma gbeyà ndi ene eyà nanù ehwànja, nà mà oka wɔ̀ŋgɔ̀ nanù ema, e mɔ̀ ema a gbèeyà hwatò hwa unda o tenì ya màkèkìrzɛ̀nɛ̀, a tanɛ lì e gbèeyà inyɔ e unda o tenì ya màkèkìrzɛ̀nɛ̀. Ndeŋgànɛ̀lɛ̀ o nanù ema èwòlò ya arzɛ ya ŋginyà ema irzɔ i ma gbèèyɛ̀, e tanɛ e ma timba ndi èwòlò ya ŋgundu.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.