Gàletìyà 2:1 - Mokpwe: Bakwery (New Testament)

¹ Ò mburza yà lìyome là meya nà meni, nà mà timba ò Jèrurzalɛ̀mù nà Bànàbàrzì, Tàyìtùrzì hvɛ à mà hwɛ ò mondeŋge nà imba.

Gàletìyà 2:1 Mawu Ofanana

Hwègbèèlì 11:25

Bànàbàrzì rzìi a ɛ̀ndɛ ò Tàrzùrzì ò lì arza Rzàwòlò.

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 12:25

Nà òma Bànàbàrzì na Rzàwòlò hwà mà kulɛ èwòlò ya awu ò Jèrurzalɛ̀mù, wɔ̀ hwà mà tìmba. Hwà mà tìmbana hvɛ Yòwanìrzɛ̀ ema lìnɛyi lìnà la eni hvɛ lì hwèlì ndi Màkòrzì.

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:12

Hwa mà kpɛ̀ Bànàbàrzì lìinà nanù ema mɔ̀ ndi à hwèlì lòòhwà ema hwa hwɛlɛ nanù ema Rzɛ̀yùrzì rzìi hwa hwɛlɛ Pàwolò nanù ema mɔ̀ ndi à hwèlì lòòhwà ema hwa hwɛlɛ nanù ema Hɛ̀mɛ̀rzì èhwanja mɔ̀ ndi à mà hwɛ e mòòhwèlì wa awu.

Hwègbèèlì 15:25

Irzɔ i ma lìya ò lì chakumɛlɛ hwenè hweyà, ò èŋgànɛ̀lɛ̀ irzɔ i ma kaka nanù ema, irzɔ je e hvɔ̀rzèyà ŋgurzu ja hwatò ema je e òmeya. Wɔ hwa ɛndɛ na Pàwolò na Bànàbàrzì ema irzɔ i lìŋgàni rzayi-rzayi.

1 Kɔ̀rintìyà 9:6

Ŋga Bànàbàrzì na ìmba mɛnɛ ndi i hwɛnì lì gbeyà hwèwòlò ema hwe hwɛnì lì jo tembɛ e?

2 Kɔ̀rintìyà 2:13

Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.

2 Kɔ̀rintìyà 8:16

Nà èki Lohwɛ̀ nanù ema a ŋgbelì Tàyìtùrzì ŋmèma mo lì e òŋgòwàna, na oma a no ŋgbelì imba hvɛ.

2 Kɔ̀rintìyà 8:23

Tàyìtùrzì, à mà no oŋgama i hvonda ja arzɛ o lì gbeyà èwòlò ya lì e òŋgòwàna. Hwanɛ̀yi wònyànyàŋgo wa arzu hwa Krirztò, ema hwa ɛ̀ndɛ na Tàyìtùrzì, hwa hwèlì ndi hwatò ema ŋmèmba mo mà omɛ o lìnà la awu, ndèŋgànɛlɛ tɔ̀ ima ekì ema hwa ɛndɛ, na hweyà hvɛ ema hwa gbeyà, hwe jàneyà Krirztò èluhwe.

Gàletìyà 1:18

Meya meyawo me ma aka, ndèŋgàna na e ɛndɛ o mbowà ndɛnɛ ya Jèrurzalɛ̀mù o lì ɛnɛ Pètrò. Nà ma lìya na mɔ̀ lìyomɛ la mèenyà na meta.

Gàletìyà 2:13

Ène eyà à mà gbeyà ema loŋgo là hwàlòkèlì hwa ama Krirztò hwa wònyà Yudà, wɔ̀ hvɛ hwa mà wòteyà lì timbeya ò mburza. Tɔ Bànàbàrzì mɔ̀ hvɛ ŋmìti à mà hwa nɔ̀ŋgɔ ò lì gbeyà lìŋgi lùùrze.

Gàletìyà 2:3

Tɔ Tàyìtùrzì ema à mà hwɛ ndi mòtò wa èkòmè ya Grìki ema à mà hwɛ na imba, hwa rzi mo nyàkìrzɛ̀ nanù ema à hwɛni lì endàhwà,

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

Tàyìtùrzì 1:4

Ò wà Tàyìtùrzì ndi nà tìlèlì ene kààtì. Ò hwèlì ndi nàa è ŋmanà wà ami wà jɔ̀kɛ̀ ò lìlòkɛ̀ ema irzɔ hwa arzɛ jo ohvi. È ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ nà Yerzù Krirztò è Mòrzùŋgèlì hwa arzu è hwɛ nà ò wà.