Gàletìyà 1:8 - Mokpwe: Bakwery (New Testament)

⁸ Ndi na e ohweyà nanù ema, tɔ̀ e hwɛ ndi nanù ema irzɔ tɔ̀ aŋgèlì ndi e uwɛ̀lɛ̀lɛ̀yi o ŋmanyu ya Lohwà rzi a e ohweyà ŋmɛ̀ndì mò gbamù ema mo tikowahwi nanù oma e mɔ̀ ema je e ohweyà mo jɔ̀kɔ̀wè.

Gàletìyà 1:8 Mawu Ofanana

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Makòrzì 14:71

Rzi Pètrò à wòteyà lì ajèmɛ mɔ̀ ŋmìti, nà lì ààtɛ̀ nanù ema, “Nà rza hwi ònò mòtò ema è òhwa lì hvòmɛ̀nɛ̀.”

Hwègbèèlì 23:14

Rzìi wɔ hwa ɛndɛ ò ma ipìlìrzì ndɛnɛ na hwàmbaki hwa mbòwa rzìi hwa òhwa nanù ema, “Irzɔ i ma aàtɛ hwèyi ya ŋginyà nanù ema, i rza laa tɔ̀ yòma natɛ̀ɛ jò òŋwa Pàwolò.

Ròmànì 16:17

Ìi wònyamòwè kòkò, nà è kòkòwɛ̀lɛ̀ nanù ema, è aŋgòhweya hwaŋga hwatò ema hwa jànà yùnànelì ò ìtììtènì ja anyu nà lì eŋgìrzɛ̀ hvɛ hwahvɛhvɛ hwatò. Wɔ̀ hwa teŋgɛ̀nɛ̀yi hwèyòkòlèlì ema è ma luwɛ. È rzi keka lì hwa òŋgama.

Ròmànì 9:3

ò wònyànyàŋgò hwa ami, hwa màyija. O nyòla awu, ò mà nà àhvìtɛ̀ nanù ema, Lohwɛ̀ à mà nò ŋgba mòjèmà, na lì nò akakòwɛ ò ma Krirztò.

1 Kɔ̀rintìyà 12:3

O èŋgànɛ̀lɛ̀ rzɔ na arza ema e rzɔ̀ŋgìtɛ̀nɛ̀ nanù ema, tɔ̀ mòtò tɔ̀ mɔ̀kɔ ema a ondi na Èlìŋgɛ̀ ya ama Lohwɛ̀, a rza tanɛ lì ohwa nanù ema, “Yerzù a jemahwi” Rzi tɔ̀ mɔ̀kɔ a rza tanɛ a ohwa nanù ema “Yerzù a hwèlì ndi Rzàŋgo” ema rzeketɛ Èlìŋgɛ̀ yà Wòtani ndi è mò òŋgòwani.

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

Gàletìyà 1:9

Ima màa lì e ohweyà hvɔni, ndeŋgànɛ̀lɛ̀ nàŋgɛ na hwata hvɛ o lì e ohweyà nanù ema, mòtò a jelì tɛ lì e ohweyà mohvɛhvɛ ŋmɛ̀ndì mò gbamù ema mo tiko na e mɔ̀ ema e ma emeyà, èwoma e hwɛ na oŋgo mòtò.

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.

Tàyìtùrzì 3:10

O kòkòhwɛ̀lɛ̀ tɔ̀ njɛnɛ ema à jànà lùwànje o ìtììtènì ja hwàlòkèlì, a rza o hweyàni tɛ ò mò kòkòhwɛ̀lɛ̀ e ŋgelì ema e ùkirzɛ̀ ihwàkɛ o mburza nanù, a rza o hweyàni hvɛ tɛ, o rzi hwɛnɛ hvɛ tɔ̀ eyà o lì gbeyà na mɔ̀.

2 Pètrò 2:14

Èwòlò ya awu ya arzɛ e hwèlì ndi o lì gbeyà mòrzònje na tɔ̀ ima mòlana ema hwa ɛni. È nyɔ̀ŋgi ya awu ya lì gbeyà wòhwe e rza tànɛ lì kuwa. Wɔ̀ hwa lukɛlɛ hwatò ema lìlòkɛ̀ la awu lì rza imbamɛ rzìi hwa hwà gbeyà hwa unda o wòhwe. È nyɔ̀ŋgi e hwèlì o mèèmà me awu. Hwa hwèlì ndi o rze ya mòjèmà mo ama Lohwɛ̀.