Gàletìyà 1:6 - Mokpwe: Bakwery (New Testament)

⁶ Lohwɛ̀ à mà e hvɔ̀rzɔ̀ o lì hwɛ hwatò hwa eni o nyòla e ndèli ya ama Yerzù Krirztò. Ndi na tami o lì ɛnɛ nanù ema e akɛ̀lɛ̀yi o lì rzɔ̀rzɔ̀ Lohwɛ̀, ndèŋgàna e hwèlì e nɔ̀ŋgɔ hwehvɛhvɛ hwèyòkòlèlì ema inyɔ e ɔ̀ŋgɛ̀lɛ̀ nanù ema e hwèlì ndi ŋmɛ̀ndì mò gbamù.

Gàletìyà 1:6 Mawu Ofanana

Makòrzì 6:6

Yerzù a mà ònda nà hwètàmirzelì èhwanja hwanù hwatò hwa rzi hwɛnɛ lì lòkɛ̀. Yerzù rzìi a ɛ̀ndɛ ò màmbòwà ma rzàlì ema ma mà hwɛ lì kòmbɛ̀nɛ̀ aŋga ò lì òkòlɛ̀ hwatò.

Yòwanìrzɛ̀ 9:30

Oŋgò mòtò a hwa alàhwɛ̀ nanù ema, “Rzekɛ eyà ya hwètàmirzelì ene! È rza hwi òne a uwɛ̀lɛ̀lɛ̀yi ndi à nò wɔ̀wìrzɛ̀ ò ene ndima yà ami!

Hwègbèèlì 15:11

Jàyɛ̀! Irzɔ i lòkɛ̀ ndèŋgànɛ̀lɛ̀ i rzùŋgàhwi lì akeyà na e ndèli ya ama e Rzàŋgò ya arzu Yerzù nyayi hvɔ̀kɔ na òma wɔ̀ hvɛ hwa rzùŋgàhwi.”

Ròmànì 10:3

Hwa rza rzɔ̀ŋgìtɛ̀nɛ̀ nɛ Lohwɛ̀ a tɛ̀yìrzɛ̀ hwatò ehve-ehve na mɔ̀. Wɔ̀ hwa arza ndi e ya awu njiya aŋga nanù ò ma hwà mà tɛ̀mɛ̀ ehve-ehve ò wòrzò wò ama Lohwɛ̀. O èŋgànɛ̀lɛ̀ rzɔ hwa rzi arzìirzɛ̀ wɔ hwiti ò lì òŋgama e njiya ema Lohwɛ̀ à mà rzekeya aŋga nanù hwatò hwa hwɛ ehve-ehve.

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

Ròmànì 8:30

O èŋgànɛ̀lɛ̀ rzɔ, hwatò ema Lohwɛ̀ à mà màa lì hvɔ̀rzɔ̀ mɔ̀ à hwa hwɛlɛyi ò lì hwɛ hwatò hwa eni. Ndèŋgàna e wɔ̀ ema mɔ̀ à hwɛlɛ a òhwi nanù ema hwa emeyàlɛhwɛ ò wòrzò wò eni, à mà hwa ŋgba èluhwe ya eni.

1 Kɔ̀rintìyà 4:15

Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.

2 Kɔ̀rintìyà 11:4

Imba na ohwa ndi ene eyà nanù èhwanja mòtò a jelì tɛ rzi a e ohweyà ŋmɛ̀ndì ema mo rza enje ndi ŋmɛ̀ndì mo ama Yerzù Krirztò, ema irzɔ i hwèlì lì e ohweyà inyɔ e mo emeyà. Tɔ̀ e hwɛ ndi ema mɔ̀ à e ohwèlì tɛ ndi eyà ya lì hvomɛ̀nɛ̀ èlìŋgɛ̀ ema rzeketɛ yɔ ndi irzɔ je e ohweyà e emeyà. Tɔ̀ mòtò a e ohwèlì tɛ ŋmɛ̀ndì mò gbamù ema rzɛ̀kɛtɛ mo ndi irzɔ je e ohweyà, inyɔ e mo emeyà.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

Gàletìyà 1:11

Inyɛ̀ na e ohweyà wònyamòwè kòkò, nanù ema ŋmɛ̀ndì mò gbamù ema na ohwa mo rza uwɛ̀lɛ̀lɛ̀yi ndi na hwatò hwa hwènàmà.

Gàletìyà 1:15

Ndi tɔ̀ nɛ è mà hwɛ nanù, Lohwɛ̀ à mà lòma lì nò hvɔ̀rzɔ̀ ndèŋgàna nà è ŋyàahwà. À mà nò hwɛlɛ nà è ndèli yà eni ò lì mò gbèeyà.

Gàletìyà 1:7

O tɛ̀ɛ̀tɛ̀ɛ o rza enje mohvɛhvɛ ŋmɛ̀ndì mò gbamù. Ndi imba na ohwa ndi nanù èhwanja o hwèlì lòŋgo la hwatò ema hwa e emirzɛ. Hwa arza lì keka o lì tikowa Ŋmɛ̀ndì mò Gbamù mò ama Yerzù Krirztò.

Gàletìyà 2:14

Nà oma nà mà ɛnɛ nanù ema wɔ̀ hwa rza gbeyà nà oma ŋmɛ̀ndì mò gbamù mò òhwa nanù ema hwa gbeye, nà mà ohweyà Pètrò o worzo wo awu nanù ema, “Tɔ nɛ o hwèlì ndì mòtò wa wònyà Yudà, o ma hwɛmɛ ɛ̀ɛ̀mɛ̀ ya wònyà Yudà o gbeyà ndi hweyà nàŋgɛ nàa mòtò ema a rza enje wònyà Yudà. Nɛ rzɔ o tànɛyi lì nyàkìrzɛ̀ hwatò ema hwa rza enje wònyà Yudà o lì nɔ̀ŋgɔ ɛ̀ɛ̀mɛ̀ ya wònyà Yudà.”

Gàletìyà 2:2

Nà mà ɛndɛ ndi èhwanja Lohwɛ̀ à mà nò wuluhweyà nanù ema nà ɛndɛ aŋga. Nà oma nà mà hwɛ aŋga, ì mà tàneyà wùndɛ̀ nà hwàtìmbèlì hwa ŋmèmba, nà mà hwa telɛlɛ ŋmɛ̀ndì mò gbamù ema nà mà ohweyà hwaŋga ema hwa rza enje wònyà Yudà. Nà mà gbeyà ndi nanù ò lì oka wɔ̀ŋgɔ̀ nanù ema èwòlò ema nà mà gbèyi nà è yɔ̀ ema nà hwèlì nà gbeyà è rzi hwɛ ŋgundu.

Gàletìyà 2:5

Ndi èhwanja ì ma arza lì e kombɛlɛlɛ è jɔ̀kɛ̀ ema è hwèlì ò Ŋmɛ̀ndì mò Gbamù, ì rzi hwa ŋgbe tɔ̀ hvonda tɔ̀ hvɔ̀kɔ.

Gàletìyà 2:7

Ndi tɔ̀ nanù, wɔ̀ hwa mà ayembɛ nanù ema Lohwɛ̀ à nò ŋgbelì èwòlò ya lì ohweyà hwatò ema hwa rza enje wònyà Yudà, Ŋmɛ̀ndì mò Gbamù. Ŋgàna hvɔ̀kɔ na oma Pètrò hvɛ à mà ohve èwòlò ya lì ohweyà wònyà Yudà Ŋmɛ̀ndì mò Gbamù.

Gàletìyà 5:14

Inyɔ e gbeyà ndi nanù èhwanja hwa lati tɛ imbenda ja arzɛ eyà ema jo òhwa e hwèlì ndi nanù ema, “O lìŋgàne ohvɛhvɛ mòtò na oma wa alìŋgànɛ o wà witi.”

Gàletìyà 5:4

Tɔ̀ ima mɔ̀kɔ wa anyu ema a ɔ̀ŋgɛ̀lɛ̀ nanù ema a hwɛni lì atàkìrzɛ̀ o lì ika e mbenda aŋga nanù Lohwɛ̀ a mo emeyà, à mà màa lì awulɛ mɔ̀ ŋmìti o ma Krirztò. Ndèŋgànɛ̀lɛ̀ à mà awulɛ mɔ̀ ŋmìti o e ndèli ya ama Lohwɛ̀.

2 Tɛ̀rzàlonìyà 2:14

Lohwɛ̀ à mà è hvɔ̀rzɔ̀ ò lì luwa mòrzùŋgèlì ò lì akeyà nà Ŋmɛ̀ndì mò Gbamù ema ì mà è ohweyà. Mɔ̀ à mà gbeyà ndi nanù, aŋga nanù inyɔ hvɛ è ò hwɛ ò rze yà èluhwe yà ama Rzàŋgo wà arzu Yerzù Krirztò.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

2 Tìmotì 1:9

Lohwɛ̀ à mà jò rzùŋga ndèŋgànɛlɛ à mà jò hwɛlɛ ò lì hwɛ hwatò hwa eni. Mɔ̀ à gbèyi nanù rzeketɛ ò nyòla eyà ema ì gbèyi, ndi à gbèyi ndi nanù lì hvomɛ̀nɛ̀ hwètɛ̀yirzèlèlì à mà tɛ̀yirzɛ̀ ndèŋgàna hwèwòtelì hwe ene rze. À mà jò ŋgba è ndèli yà eni nà oma à jò òmelì Yerzù Krirztò anu rze.

2 Tìmotì 2:1

Ìi Tìmòtì kòkò, e ndèli ema Yerzù Krirztò a o ŋgbelì e hwɛ ndi nanù mɛnɛ o lì o ètìrzɛ̀.

1 Pètrò 1:15

Ndi, inyɔ e hwɛ wòtani o mamɛ ya arzɛ ema e gbèeyà, nàa oma Lohwɛ̀ ema a e hwɛlɛyi a hwèlì wòtani.

2 Pètrò 1:3

È ŋginyà yà ama Lohwɛ̀ yà ŋmanyu è mà jò ŋgbàà hwèèmà hwe arzɛ ema jà arza ò lòŋgɛ, ndèŋgànɛ̀lɛ̀ è mà jò timba ò lì gbeyà nà oma Lohwɛ̀ à arza. Ène eyà è gbèyɛ̀nɛ̀ ndi nanù ehwànja i mò hwi, à mà gbeyàna è ŋginyà nà ŋmèma mò gbamù, ò lì jò hvɔ̀rzɔ̀ ò lì hwɛ hwatò hwa eni.

Hwèwulùwèlì 22:21

Inyɛ̀ è ndèli yà ama è Rzàŋgo Yerzù è hwɛ nà hwatò hwa arzɛ.