Gàletìyà 1:1 - Mokpwe: Bakwery (New Testament)

¹ Ìmba Pàwolò ema nà hwèlì àpɔ̀rzìtòlò ndi na tilì ene kààtì, rzeketɛ hwatò wà hwènàmà ndi hwa no hvɔ̀rzì o lì hwɛ àpɔ̀rzìtòlò. Ndèŋgana na rza gbeyàna ndi lìkànèyà la hwatò. Ndi na hvɔ̀rzɔ̀hwì ndi na Yerzù Krirztò nà Lohwɛ̀ Tatɛ̀ ema à mà hvùmùlɛ̀ Yerzù Krirztò o kpelì.

Gàletìyà 1:1 Mawu Ofanana

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 5:19

Yerzù rzìi a alàhwɛ̀ hwàmbaki hwa wònyà Yudà nanù ema, “Nà è òhweyà è jɔ̀kɛ̀ nanù ema è Ŋmanà wà Lohwà à rza tanɛ lì gbeyà tɔ̀ eyà nà mɔ̀ ŋmìti, à gbeyà ndi mamɛ ema mɔ̀ à ɛni ema Tatɛ̀ wa eni a gbeyà. Tɔ̀ mamɛ ema Tatɛ̀ à gbeyà, è Ŋmanà wa eni mɔhvɛ à è gbeyà.

Hwègbèèlì 22:10

Nà mà mò ijòwa nanù ema, ‘Ìi Rzàŋgò mamɛ nà aŋgàmɛ̀nɛ̀yi lì gbeyà e?’ Rzàŋgò rzìi è nò alàhwɛ̀ nanù ema, ‘Tɛ̀mɛ̀nɛ̀ ò ŋmanyu, ò ɛndɛ ò kpèeyà ò mbòwà ndɛ̀ɛ̀ndɛ̀ yà Dàmàrzkɔ̀rzì. Aŋga ndi ò òhwàhwɛ̀lɛ̀ hweyà hwe arzɛ ema Lohwɛ̀ à mà ò rzekeya nanù ema ò gbeye.’

Hwègbèèlì 3:15

O eŋgànɛ̀lɛ̀ rzɔ inyɔ e ma gbeyà e mòtò ema a jànà hwatò lòŋgɛ la jɔ̀kɛ̀ à mà òŋwahwa ndi Lohwɛ̀ à mà mò hvùmùlɛ̀ ò kpelì. Irzɔ hwiti i ma ɛnɛnɛ hweŋge hweyà na mìirzɔ̀ ma arzu.

Hwègbèèlì 9:6

Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

Ròmànì 10:9

O wa ò purzɛlɛyi tɛ nanù ema Yerzù a hwèlì ndi Rzàŋgò, rzi ò lòkɛ̀ hvɛ nanù ema Lohwɛ̀ à mà mò hvùmùlɛ̀ ò kpelì, o ò rzùŋgàhwa.

Ròmànì 14:9

Lìtìŋga ndèŋgàtɛ̀ Krirztò à mà ŋwa, rzi a hvùmùwà, rzi a hwɛ ò lòŋgɛ, aŋga nanù mɔ̀ à hwɛ e Rzàŋgò ya hwatò ema hwà mà ŋwɛɛ na hwatò ema hwa hwèlì lòŋgɛ.

1 Kɔ̀rintìyà 1:1

Ìmba Pàwolò ndi nà e omelì inì ìtìta ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò ŋmèmba na ŋmanyàŋgò wa àrzu, Rzɔ̀rztenìrzì.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

Gàletìyà 1:15

Ndi tɔ̀ nɛ è mà hwɛ nanù, Lohwɛ̀ à mà lòma lì nò hvɔ̀rzɔ̀ ndèŋgàna nà è ŋyàahwà. À mà nò hwɛlɛ nà è ndèli yà eni ò lì mò gbèeyà.

Gàletìyà 1:17

Nà rzi ɛndɛ hvɛ tɔ̀ o Jèrurzalɛ̀mù lì ɛnɛ hvɛ tɔ̀ hwaŋga ema hwà mà loma lì hwɛ i àpɔ̀rzìtòlò ndeŋgànɛ̀lɛ̀ imba na e hwɛ mɔ̀kɔ. Ndi nà mà ɛndɛ ndi ŋgelì hvɔ̀kɔ o erzòokà ya Arèbìyà, rzìi na timba hvɛ o mbowà ndɛnɛ ya Dàmàrzkɔ̀rzì.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.

Tàyìtùrzì 1:3

È hvonda ema Lohwɛ̀ à mà ɛnɛ nanù ema e hvomɛ̀nɛ̀, à mà gbeyà hwatò ò lì hwiya ŋmɛ̀ndì mò eni. Lohwɛ̀ à mà no ŋgba moŋgo ŋmɛ̀ndì o màà mà ami, ndeŋgànɛlɛ nà hwèlì nà mò ohwa nà e wònja ema Lohwɛ̀ e Mòrzùŋgèlì hwa arzu a no ŋgbelì.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 2:8

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàmàyinà nanù ema, “È mòtò ema à hwèlì è wà worzo ndèŋgànɛ̀lɛ̀ à hwèlì è mòtò ema à hwèlì è wà lìrzùkù, mɔ̀ ema à mà ŋwa ndèŋgànɛ̀lɛ̀ à hwèlì ò lòŋgɛ hvɛ, mɔ̀ ndi à omi mono ŋmɛ̀ndì.