Ɛ̀hvìrzìyà 6:9 - Mokpwe: Bakwery (New Testament)

⁹ Inyɔ hwatò ema è ohvi hwàkòmì è ɔŋgeya hwàkòmì hwa anyu gbamù. È rzìi hwa kàkɛ̀nɛ̀ nanù ema hwa ò taka. È hwiye nanù ema inyɔ nà wɔ̀ hwa arzɛ è hwèlì ndi ò rze yà è mbenda. È mɔ̀ ema mɔ̀ mɛnɛ ndi à hwèlì ò ŋmanyu yà Lohwà, ndèŋgàna mɔ̀ à rza tìmbana tɔ̀ mòtò mburzà.

Ɛ̀hvìrzìyà 6:9 Mawu Ofanana

Matiyò 22:10

O èŋgànɛ̀lɛ̀ rzɔ, hwaŋga hwàgbèèlì hwà mà ɛ̀ndɛ ò ma njiyà mà arzɛ, hwa rzaŋga hwatò hwa arzɛ, e wɔ̀ hwa gbamù, tɔ̀ e wɔ̀ hwa wòhwe. Nàtɛ̀ɛ e ndawò ya ndèma e ma ònda.

Matiyò 22:8

Eŋge kiŋgɛ rzi e òhweyà hwàgbèèlì hwe eni nanù ema, ‘È ndèma ya lìhwa e ma wòŋgirzɛnɛ, ndi hwaŋga hwatò ema nà mà yòwɛ hwa rzi kanɛ̀ ò lì ùkeya ò e ndèma ya ami.

Matiyò 24:48

Ndi òŋgò mògbèèlì a hwèlì tɛ wa wòhwe, rzìi a òhwanɛ̀lɛ ò ŋmèma mò eni nanù ema, ‘Rzàŋgò wa ami wa èwòlò a ò indeya ndèŋgànà a e timba.’

Matiyò 24:51

È rzaŋgò wa eni wa èwòlò e mò kɔ̀kìrzɛ̀ hwekɔkirzelì hwe ŋginyà. A mò kɔ̀kìrzɛ̀ na òma mɔ̀ a kɔ̀kìrzɛ̀ hwatò hwa mèhvìlì ò èki ema a ò eeya na lì kɔ̀kɔ mehvehve.”

Matiyò 7:12

O èŋgànɛ̀lɛ̀ rzɔ, ò gbèeyà hwahvɛhvɛ hwatò nà òma ò àrza nanù ema wɔ̀ hvɛ hwa ò gbèeyà. Nanù ndi è mbenda yà ama Lohwɛ̀ nà hwà-òhwèlì hwa hwèlìŋgɛ̀ yò òkòlɛ nà è jɔ̀kɛ̀.”

Lukàrzɛ̀ 6:31

Ò gbèeyà hwahvɛhvɛ hwatò nà òmà ò àrza nanù ema wɔ̀ hvɛ hwa ò gbèeyà.

Yòwanìrzɛ̀ 13:13

Inyɔ e nò hwɛlɛ Mòòkòlèlì, na Rzàŋgò, ndèŋgàna e hvòmɛ̀nɛ̀yi, èhwanja nanù ndi imba na hwèlì.

Hwègbèèlì 10:34

Pètrò rzìi a wòteyà lì òhwa nanù ema, “Nà ma ayembɛ na e jɔ̀kɛ̀ naŋgɛ nanù ema, Lohwɛ̀ a rza uŋmɛ̀lɛ̀ ndandò.

Ròmànì 2:11

È hwi nanù ema Lohwɛ̀ a rza gbeyà ndandò.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

1 Kɔ̀rintìyà 7:22

O ma hwɛ tɛ mòkòmì ndèŋgàna Lohwɛ̀ a o hwɛlɛ, o naŋgɛ nanù e Rzàŋgo Yerzù à mà o rzòlohwà. Ndèŋgànɛ̀lɛ̀ hvɛ o ma hwɛ tɛ wònjà lìrzako ema Rzàŋgo à mà o hvɔ̀rzè, o naŋgɛ̀ nanù, o ma tìmba ndi e mokome wà ama Krirztò.

Kòlòrzìyà 3:25

Lohwɛ̀ à ò kɔ̀kìrzɛ̀ tɔ̀ ima mòtò ema à gbèyi wòhwe ò wòhwe ema oŋgo mòtò à gbèyi. Lohwɛ̀ à kàyìrzɛ tɔ̀ ima mòtò nyayi hvɔ̀kɔ, à rza ò tìmbanà tɔ̀ mòtò mburzà.

Kòlòrzìyà 4:1

Inyɔ hwatò ema e hwɛ̀ni hwàkòmì, e ohve hwàkòmì hwa anyu nà oma Lohwɛ̀ a àrzeyà, ndèŋgànɛlɛ e hwa ohve gbamù. È hwiye nanù ema inyɔ hvɛ e hwɛni mòtò o ŋmanyu yà lohwà ema inyɔ hvɛ e hwèlì o rze ya eni.

Jèmìrzì 2:13

Èhwànja Lohwɛ̀ a rza o uŋmɛ̀lɛ̀ ììlì ja eni e hwèlì tɛ nanù ema mɔ̀ à o kàyìrzɛ e mòtò ema mɔ̀ à rza uŋmɛ̀lɛ̀ ohvɛhvɛ ììlì. Ndi e mòtò ema a hwɛnelì hwahvɛhvɛ hwatò ììlì, mɔ̀ à rza o òka wɔ̀ŋgɔ̀ o wùnyà ema Lohwɛ̀ a o mo kàyìrzɛ.

Jèmìrzì 2:8

Inyɔ yo ò gbeyà ndi eyà ya gbamù e hwèlì tɛ nanù ema e ikayi e mbenda ya lìkànèyà ema e hwèlì o tenì ya e kààti ya Lohwà ema e ohwa nanù ema, “O lìŋgàne ŋmànyɔ̀ŋgɔ̀ wa aŋgɔ̀ na oma o alìŋgànɛ̀yi o wà witi.”

Jèmìrzì 5:4

Ɔŋgɔ tɛ, e rzi rzàhwèlì hwatò ò èwòlò ema hwa e gbèelì o wàŋga ya anyu. E hwèlì ndi o lì hwa lukɛlɛ, ene eyà e ma gbeyà hwaŋga hwatò ema e rzi rzàhwèlì luuwa la awu lì hweyàhwì na Tatɛ̀ Lòohwà là Ngiŋya.