Ɛ̀hvìrzìyà 6:23 - Mokpwe: Bakwery (New Testament)

²³ Inyɛ̀ ɛ̀yɔ̀lɛ̀ yà ama Lohwɛ̀ è Tatɛ̀ yà arzu nà Rzàŋgo wà arzu Yerzù Krirztò è hwɛ nà inyɔ hwàlòkèlì. Wɔ̀ hwa ò è gbèeyà ò lì lìŋgana mɔ̀kɔ nà ɔ̀nɛyi nanù mɛnɛ nà ò lì lòkɛ̀ hvɛ Krirztò nanù mɛnɛ.

Ɛ̀hvìrzìyà 6:23 Mawu Ofanana

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 15:33

Inyɛ̀ Lòohwà la arzu la ɛ̀yɔ̀lɛ̀ lì hwɛ na inyɔ hwa arzɛ. Inyɛ̀ wò lìya nanù.

1 Kɔ̀rintìyà 1:3

Inyɛ̀ è ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu nà Rzàŋgo Yerzù Krirztò, è hwɛ nà inyɔ.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Gàletìyà 6:16

Ò nàŋgɛ rzɔ, inyɛ ɛ̀yɔ̀lɛ̀ nà ììlì jà ama Lohwɛ̀ ì hwɛ nà hwaŋga hwatò hwa arzɛ ema hwa nɔ̀ŋgɔ hwène hwèyòkòlèlì. Hwàŋga hwatò ndi hwa hwèlì hwatò ema hwa hvɔ̀rzɔ̀hwì nà Lohwɛ̀.

Ɛ̀hvìrzìyà 6:24

Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.

1 Tɛ̀rzàlonìyà 5:8

Ndi kànàtɛ̀ irzɔ i hwèlì ndi hwatò hwa ŋmerze, inyɛ ja alɛ̀mbɛ. Inyɛ̀ lìlòkɛ̀ ema i hwɛnelì Yerzù na e ndìŋgɛ ema i hwɛnelì hwahvɛhvɛ hwatò, inyɛ hwe hwɛ ndi nàa lìwɔti la hwɛ̀ɛkɛ̀ ema mòtò a wɔ̀ti o nyo ya eni o lì iŋga e ŋgeŋge ya eni o e hvonda ya njuma. Lìhvìtà ema e hwɛni o nyòla hwèrzùŋgèlì ema e o luwɛ, inyɛ hwe hwɛ ndi nàa mòtò a wɔ̀ti tàmba ema hwa gbeyànì hwɛ̀ɛkɛ̀.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

2 Tɛ̀rzàlonìyà 3:16

Inyɛ̀ Rzàŋgo Yerzù mɔ̀ ŋmìti ema a jo ŋgbàà ɛ̀yɔ̀lɛ̀, a e ŋgbe ɛ̀yɔ̀lɛ̀ o ihvonda ja arzɛ na o injiya ja arzɛ. Ndèŋgànɛlɛ irzɔ i kànɛ nanù ema inyɛ mɔ̀ à hwɛ na inyɔ hwa arzɛ.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

1 Tìmotì 5:8

Tɔ̀ ima molokelì ema a rza woŋgohwa e mbiya ya eni, rzɛhvɔ̀ni hwàŋgà hwa lìtumba ema hwa mo kombɛnɛ, e uŋmɛ̀lɛ̀ nanù ema mɔ̀ à rza lòkɛ̀ Krirztò na e jɔ̀kɛ̀. Èŋge ŋgàna e hwèlì ndi nanù ema, mɔ̀ à gbeyà wòhwe lì aka e mòtò ema a rza lòkɛ̀yi Krirztò.

1 Pètrò 5:14

Tɔ̀ ima mɔ̀kɔ wa anyu arzàŋgànɛ̀lɛ̀ ɔ̀nɛyi o lì uŋmɛ̀lɛ̀ e ndìŋgɛ. Inyɛ̀ ɛ̀yɔ̀lɛ̀ e hwɛ na inyɔ hwatò hwa arzɛ hwa ama Krirztò.

3 Yòwanìrzɛ̀ 1:14

Nà àhvìtɛ̀ ò lì è ɛnɛ ŋmanà mbɔ̀ aŋga nanù jò ò à ɛ̀nɛ̀nɛ̀ worzo nà worzo rzi ì kòowà.

Hwèwulùwèlì 1:4

Imba Yòwanìrzɛ̀, nà tìlèlì mììtèlì lìrzàmba ema mè hwèlì ò erzòòkà yà Èrzìyà. Inyɛ̀ è ndèli nà ɛ̀yɔ̀lɛ̀ yà ama Lohwɛ̀, è hwɛ nà inyɔ. Lohwɛ̀ ema à hwèlì, ema à mà hwɛ, nà è mɔ̀ ema à ò hwɛ̀ɛ̀, ndèŋgànɛ̀lɛ̀ hwèlìŋgɛ̀ lìrzàmba hwa è omèlì è ndèli nà ɛ̀yɔ̀lɛ̀. Hweŋge hwèlìŋgɛ̀ hwe hwèlì ò worzo wò è konda yà lìkànèyà yà è ŋmanyu yà lohwà.