Ɛ̀hvìrzìyà 6:17 - Mokpwe: Bakwery (New Testament)

¹⁷ È ɛndɛ tɛ o lì ana njuma, inyɔ e hwiye nanù ema e ma luwa lì oŋgirzɛ o màà mà ama Lohwɛ̀ o eŋgànɛ̀lɛ̀ rzɔ tɔ̀ mòtò a rza tànɛyi a e gbeyà tɔ̀ eyà. È o hwɛ ndi nàa e ŋmanelì wa njuma ema a wɔti e tamba ya hwɛ̀ɛkɛ̀. Ndèŋgàna e ɛndɛ tɛ, e àŋgàmɛ̀nɛ̀ lì ohva e rzɔ̀lɔ̀ ema Èlìŋgɛ̀ yà Wòtani e ma e ŋgbɛ. Èŋge rzɔ̀lɔ̀ e gbèyi ndi nàa eyà ya ama Lohwà.

Ɛ̀hvìrzìyà 6:17 Mawu Ofanana

Matiyò 4:4

Ndi Yerzù à mà mò alàhwɛ̀ nanù ema, “È tìlàhwì ò è kààtì yà Lohwà nanù ema, ‘Rzèketɛ èhvòòtò mɛnɛ ndi mòtò à làa ò lì hwɛ lòŋgɛ. Ndi tɔ̀ ima mbɔrzi ema Lohwɛ̀ à òhwi yɔ̀ ndi è gbèya è mòtò wà hwènàmà à hwɛ lòŋgɛ.’”

Matiyò 4:7

Yerzù à mò àlàhwɛ̀ nanù ema, “Ndi è tìlahwì ò Kààtì yà Lohwà hvɛ nanù ema, ‘Ò rza kèkirzɛ̀ Rzàŋgò Lòohwà là aŋgɔ̀.’”

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

1 Tɛ̀rzàlonìyà 5:8

Ndi kànàtɛ̀ irzɔ i hwèlì ndi hwatò hwa ŋmerze, inyɛ ja alɛ̀mbɛ. Inyɛ̀ lìlòkɛ̀ ema i hwɛnelì Yerzù na e ndìŋgɛ ema i hwɛnelì hwahvɛhvɛ hwatò, inyɛ hwe hwɛ ndi nàa lìwɔti la hwɛ̀ɛkɛ̀ ema mòtò a wɔ̀ti o nyo ya eni o lì iŋga e ŋgeŋge ya eni o e hvonda ya njuma. Lìhvìtà ema e hwɛni o nyòla hwèrzùŋgèlì ema e o luwɛ, inyɛ hwe hwɛ ndi nàa mòtò a wɔ̀ti tàmba ema hwa gbeyànì hwɛ̀ɛkɛ̀.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

Hibrù 6:5

Hwanu hwatò ema hwà mà kèkɛ̀ wotɛ̀lu wo eyà ya Lohwà ndèŋgànɛ̀lɛ̀ hwà mà ɛnɛ màyìmbi ema mo o hwɛ e hvonda ema Lohwɛ̀ a o kànèyà.

Hwèwulùwèlì 1:16

O lìya la eni la momɛ̀, à mà tɛtɛ rzombe lìrzamba. Rzɔ̀lɔ̀ ema e ma eeya rzayi-rzayi o hwèhvàrzù hwe-ahwakɛ yɔ̀hvɛ e ma wurza o wàna ya eni. Wòrzo wa eni wɔ̀ hvɛ wo ma hvànya na ŋginyà nàa igbèyi ja kɔ̀rzi ya ŋmerze.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 19:15

Rzɔ̀lɔ̀ ema e eeya rzayi-rzayi ema à mà gbeyàne o lì anana hwatò hwa hwèkòmè hwe e rze ya mɔ̀nyɛ̀ e ma wurza o tenì ya e wàna ya eni. Mɔ̀ ŋmìti a o hwa kànèyà na màa emà mà eti. Mɔ̀ ŋmìti a o yàaya hwehvùma ema hwa nyuka o lì gbeyà mìimba, o lì uŋmɛ̀lɛ̀ hwètàtò hwe ndɛnɛ hwe ama Lohwɛ̀ lì kàrzàmi.

Hwèwulùwèlì 2:16

Ò eŋgànɛlɛ rzɔ è ayèŋgowɛ̀ ò wòhwe wò anyu, è rzi ayèŋgowɛ̀ tɛ ò wòhwe wò anyu, rzìi nà ò ahwèŋgɛ̀ ò lì jà lì anana hwaŋga hwatò. Nà ò gbeyàna è rzɔ̀lɔ̀, ema è uwɛlɛlɛ ò tenì yà è wàna yà ami ò lì anàna hwaŋga hwatò.