Ɛ̀hvìrzìyà 5:30 - Mokpwe: Bakwery (New Testament)

³⁰ Irzɔ ndi i hwèlì hwatò hwa e nyo yà èni.

Ɛ̀hvìrzìyà 5:30 Mawu Ofanana

Ròmànì 12:5

Ŋgàna hvɔ̀kɔ mɛnɛ, tɔ̀ nɛ irzɔ i kòki, i hwèlì ndi nyò hvɔ̀kɔ, ò lì ahvìyànɛ̀ na Krirztò, ndèŋgàna ja ahwiyanɛ mɔ̀kɔ na ɔ̀nɛyi nàa rzayi-rzayi ja hwènàmà ò nyò hvɔ̀kɔ.

1 Kɔ̀rintìyà 6:15

È hwi nanù ema i nyo ja anyu i hwèlì ndi hwèhvàrzù hwe hwènàmà ema hwe gbèyi è nyo yà ama Krirztò. Nà tànɛyi lì wowa èhvàrzù ya ènàmà ya nyo yà ama Krirztò rzìi nà è lata na e hwe èhvàrzù yà ènàmà ya nyo ya ama e molanà wà àkpàlà e? È rzà tanɛ̀ lì hwɛ nanù.

Ɛ̀hvìrzìyà 1:23

Lì arzàŋganɛ la hwatò hwa Lohwɛ̀ lì hwèlì ndi è nyo yà ama Krirztò. Liŋgi lì arzàŋganɛ là hwatò hwa Lohwɛ̀ ndi lì hwèlì lì ondìrzɛ̀ la ama Krirztò ndeŋga Krirztò à ondìrzɛ̀ hweyà hwe arzɛ ò tɔ̀ ima èki ema hwe hwèlì.

Ɛ̀hvìrzìyà 5:29

O rzà ènje tɔ̀ mɔ̀kɔ hwà àrzu ema à kɔ̀wu è nyo yà èni. Ndi a e lìrzɛ̀ na lì e womba. Molemilemi nà omà Krirztò a gbeyàna la arzàŋganɛ la eni la hwatò hwa Lohwà.

Kòlòrzìyà 2:19

Èŋge tumba mòtò a rzɔ̀njɛlɛ lì lòkɛ̀ Krirztò ema mɔ̀ ndi à hwèlì e mòtìmbèlì wa hwàlòkèlì. Nà oma mòòhvò mo kànèyà e nyàmà nyo ya arzɛ, ŋgànà hvɔ̀kɔ hvɛ ndi Krirztò a mɔ̀ hvɛ a kànèyà hwatò hwa arzɛ ema hwa mo lòkɛ̀ aŋga nanù hwa hwɛ ndi mòtò mɔ̀kɔ. Nà oma mèrzìrza me arzàŋgànɛ o lì lata matìŋgà mà e nyo ya mòtò o lì hwɛ mòtò mɔ̀kɔ, nanù hvɛ ndi Krirztò a rzàŋga hwatò ema hwa mo lòkɛ̀ o lì hwɛ mòtò mɔ̀kɔ o rze ya eni. Ndeŋgana eŋge ŋgindi e oŋga ndi nà oma Lohwɛ̀ a arza.