Ɛ̀hvìrzìyà 5:28 - Mokpwe: Bakwery (New Testament)

²⁸ Ò ene ŋgàna mɛnɛ, mèjòmɛ̀ me hwɛnì lì lìŋgàna ijòjìyɛ̀ ja awu nà omà ja alìŋgànɛ inyo ja awu. Tɔ̀ ima mòjòmɛ̀ ema mo lìŋgàni e jòjìyɛ̀ yà èni nanù ò ma a alìŋgànɛ̀yi mɔ̀ ŋmìti.

Ɛ̀hvìrzìyà 5:28 Mawu Ofanana

Matiyò 19:5

Lohwɛ̀ rzìi a òhwa nanù ema, ‘Ene ŋgàna ɔ̀ndeŋgàtɛ̀ ŋmanà wa munyanà a hwɛ̀mɛ̀ rzàŋgɛ na nyàŋgɛ rzìi a uŋma jòjìyɛ̀ wa eni rzìi hwahwàkɛ hwa alàtànɛ̀ ò lì hwɛ mòtò mɔ̀kɔ.’

Ɛ̀hvìrzìyà 5:25

Inyɔ mèjòmɛ̀ è lìŋgàne ìjòjìyɛ̀ ja anyu, ŋgànà hvɔ̀kɔ nà omà Krirztò à lìŋgàni lì arzàŋgànɛ là hwatò hwa Lohwà, rzìi a aŋgbɛ̀ lòŋgɛ là eni ò lì hwa ŋwèeyà.

Ɛ̀hvìrzìyà 5:29

O rzà ènje tɔ̀ mɔ̀kɔ hwà àrzu ema à kɔ̀wu è nyo yà èni. Ndi a e lìrzɛ̀ na lì e womba. Molemilemi nà omà Krirztò a gbeyàna la arzàŋganɛ la eni la hwatò hwa Lohwà.

Ɛ̀hvìrzìyà 5:31

Nà omà è tìlàhwì o kààtì yà Lohwà nanù ema, “Ène ŋgàna ɔ̀ndeŋgàtɛ̀ ŋmanà wa munyanà a hwɛ̀mɛ̀ rzàŋgɛ na nyàŋgɛ rzìi a uŋma jòjìyɛ̀ wa eni rzìi hwahwàkɛ hwa alàtànɛ̀ o lì hwɛ mòtò mɔ̀kɔ.”

Ɛ̀hvìrzìyà 5:33

O eŋgànɛ̀lɛ̀ rzɔ, tɔ̀ ima mòjòmɛ̀ à hwɛnì lì lìŋgàna e jòjìyɛ̀ yà èni nà omà a alìŋganɛ mɔ̀ ŋmìti, rzìi tɔ̀ ima jòjìyɛ̀ mɔ̀ hvɛ à hwɛnì lì ŋgbàà mòjòmɛ̀ mo eni èluhwe.

1 Pètrò 3:7

Mèjòmɛ̀ kòkò, ŋgànà hvɔ̀kɔ hvɛ mɛnɛ, inyɔ hvɛ e wowe hvonda na oma e lìyana ijòjìyɛ̀ ja anyu. È uŋmɛ̀lɛ̀ ijòjìyɛ̀ ja anyu èluhwe o hwèlìyelì hwe anyu, ijòjìyɛ̀ i rzi imbami lì uka inyɔ, ndi inyɔ na wɔ̀ e o luwa nyayi hvɔ̀kɔ ya lòŋgɛ. Lìŋgi lòŋgɛ lɔ̀ ndi lì hwèlì e ndèli ema Lohwɛ̀ à mà e ŋgbɛ. Inyɔ e rza hwa ohvi tɛ na oma inyɔ e àŋgàmɛ̀nɛ̀yi lì hwa ohva nanù oma Lohwɛ̀ a rza e hweyàna màkanɛ̀ ma anyu.