Ɛ̀hvìrzìyà 5:24 - Mokpwe: Bakwery (New Testament)

²⁴ Ò èŋgànɛ̀lɛ̀ rzɔ i jòjiyɛ̀ i hwɛnì lì hweyàna mèjòmɛ̀ me awu o hweyà hwe arzɛ, ŋgànà hvɔ̀kɔ nà omà lì arzàŋgànɛ la hwatò hwa Lohwà lì hweyàna Krirztò.

Ɛ̀hvìrzìyà 5:24 Mawu Ofanana

Lukàrzɛ̀ 10:17

Mènì Lìrzàmba me hwà-òkòwèlì nà hwàhwàkɛ̀ ema Yerzù a mà òme hwa mà mò tìmbeya. Hwa mà mò òhweyà nà mɔ̀nyɛ̀ŋgì nanù ema, “Rzàŋgò e! Tɔ̀ hwèlìŋgɛ̀ hwe wòhwe hwe mà jò arzìrzɛ̀ nà òmà imà tuhwe lìinà la aŋgɔ̀.”

Ɛ̀hvìrzìyà 5:23

Mòjòmɛ̀ mo hwɛnì è wònjà yà hwèkànèlì oma jòjìyɛ̀ wà èni, ŋgànà hvɔ̀kɔ nà omà Krirztò a hwɛnì è wònjà yà hwèkànèlì o lì arzàŋgànɛ la hwatò hwa Lohwà hwa àrzɛ̀. Ndèŋgànà lɔ̀ ndi lì hwèlì nàa e nyo ya eni ndèŋgàna mɔ̀ ndi à hwèlì lì oŋgirzɛ la lìŋgi la arzàŋgànɛ la hwatò hwa Lohwà.

Ɛ̀hvìrzìyà 5:25

Inyɔ mèjòmɛ̀ è lìŋgàne ìjòjìyɛ̀ ja anyu, ŋgànà hvɔ̀kɔ nà omà Krirztò à lìŋgàni lì arzàŋgànɛ là hwatò hwa Lohwà, rzìi a aŋgbɛ̀ lòŋgɛ là eni ò lì hwa ŋwèeyà.

Ɛ̀hvìrzìyà 5:33

O eŋgànɛ̀lɛ̀ rzɔ, tɔ̀ ima mòjòmɛ̀ à hwɛnì lì lìŋgàna e jòjìyɛ̀ yà èni nà omà a alìŋganɛ mɔ̀ ŋmìti, rzìi tɔ̀ ima jòjìyɛ̀ mɔ̀ hvɛ à hwɛnì lì ŋgbàà mòjòmɛ̀ mo eni èluhwe.

Kòlòrzìyà 3:20

Inyɔ hwàànà, è hweyànè irzàŋgo nà inyàŋgo jà anyu ò tenì yà ima eyà ema è gbeyà. Nànù ndi è Rzàŋgo è arza nanù ema è gbèyè.

Kòlòrzìyà 3:22

Inyɔ hwàkòmì, è hweyàne è wɔ̀ ema hwa è hwɛni ò ihvonda jà arzɛ. È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè èke. Ndi è hwa gbèeyà èwòlò nà ŋmèma mɔ̀kɔ ehwànja è Rzàŋgo ndi inyɔ è ŋgba èluhwe.

Tàyìtùrzì 2:7

O hweyà hwe arzɛ ema o gbeyà o hwa o uŋmɛ̀lɛ̀ hwèmbànèlì hwe gbamù. O okolɛ tɛ, eyà ema o okolɛ e àŋgàmɛ̀nɛ̀yi ndi lì hwɛ e jɔ̀kɛ̀, ndèŋgànɛ̀lɛ̀ o àŋgàmɛ̀nɛ̀yi ndi lì hwɛ mòtò ema a oŋgama hweyà gbamù.

Tàyìtùrzì 2:9

O òkolɛ hwàkòmì o lì hweyàna irzàŋgo ja awu ja èwòlò ò tɔ̀ ima eyà. Hwa gbeeye ndi mamɛ ema e lìŋgìrzɛ̀ irzàŋgo ja awu ja èwòlò, hwa rzi taa hvenda na irzàŋgo ja awu ja èwòlò.