Ɛ̀hvìrzìyà 5:18 - Mokpwe: Bakwery (New Testament)

¹⁸ È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

Ɛ̀hvìrzìyà 5:18 Mawu Ofanana

Matiyò 23:25

“Mòjèmà na inyɔ Hwà-òkòlèlì hwa mbenda, nà Ihvàlìrzàyì, inyɔ hwatò hwa mèhvìlì! È rzàŋgirzɛ i mburzà ja mawònde na hwewòki, ndi i tenì ja awu jò òndi ndi na hwèèmà ema inyɔ e ma hvùmàne hwatò nà njɔ̀ŋgu.

Matiyò 24:49

Rzìi à wòteya lì anana hwanɛ̀ hwàgbèèlì na lì laana na lì nyɔ̀ɔnɔ hwatò hwa mbòma.

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 11:13

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”

Lukàrzɛ̀ 12:45

“È hwèlì tɛ ema òŋgò mògbèèlì à hwèlì ndi e mògbèèlì wa wòhwe rzìi a òhwa ò ŋmèma mò eni nanù ema, ‘Rzàŋgò wà èni wa èwòlò a ò kùwa mbɔ̀ ò lì jà.’ Rzìi à wòteyà ndi lì tiyà hwanɛ̀yi hwàgbèèlì, hwa wùnyànà nà hwalanà ema hwa hwèlì ò rze ya eni, rzìi a à làa mòlelì, a nyɔ mimba rzi a wòmà.

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Yòwanìrzɛ̀ 2:10

rzìi a mò òhweyà nanù ema, “Tɔ̀ ima mòtò a lòma ndi lì akɛlɛ hwàyɛ̀nì hwa eni mììmbà ma gbamù. Hwatò hwà mà nyɔ tɛ rzayi-rzayi, rzìi a wurzirzɛ e mɔ̀ ema mà rza lɔ̀. Ndi ò wa ò uti mììmbà ma gbamù natɛ̀ɛ na nàŋgɛ.”

Hwègbèèlì 11:24

Bànàbàrzì à mà hwɛ ndi mòtò wa gbamù, à mà ònda na Èlìŋgɛ̀ yà Wòtani, à mà imbama hvɛ ò lì lòkɛ̀. Ndèŋgànɛ̀lɛ̀ rzayì-rzayì ja hwatò hwà mà tikòwahwa ò lì lòkɛ̀ Rzàŋgò.

Ròmànì 13:13

Inyɛ̀ i hwɛnɛ hwɛ̀ɛ̀mɛ̀ hwe gbamù nàa hwatò ema hwa hwèlì ò ŋmàye. È rzi ɛndɛ ò indèma ema hwatò hwa nyɔ mimba rzi hwa wòma, i rzi hwɛnɛ nyìrzɛ̀ ya mòrzònje. È rzi gbeyà hweyà hwe ndɔ̀ki. È rzi tɔ̀wɔ ndèŋgànà e rzi hwɛnɛ inòna.

1 Kɔ̀rintìyà 11:21

Èhwanja tɔ̀ ima mòtò a làa ndi mòlelì mo eni, e rzi hwɛ lì ambɛ̀lɛ e mbunda ya eni. Ène eyà e gbeyà lòŋgo hwa woma rzìi hwanɛ̀yi hvɛ hwa lìya na e njàwò.

1 Kɔ̀rintìyà 5:11

È mòtò ema nà mà e tìleya nanù ema e rzi lata ŋmèmba na mɔ̀, a hwèlì ndi mòtò ema a ahwɛlɛ mɔ̀ ŋmìti e mòlòkèlì ndi à hwèlì ndɔ̀ki, njɔ̀ŋgu, a kànɛ̀lɛ̀lɛ̀ lòohwà là mòlàŋgà, a hwèlì mèhvìlì, a nyɔ mìimbà a woma tɔ̀ a hwèlì ndi ŋmìhwɛ̀. O rzi keka hvɛ tɔ̀ lì lìya o rze o lì làa tɔ̀ mòlelì na ene nyayi ya mòtò.

1 Kɔ̀rintìyà 6:10

Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

1 Tɛ̀rzàlonìyà 5:7

Wùùwù ndi hwatò hwa nàŋga, ndèŋgànɛ̀lɛ̀ hwatò hvɛ ema hwa wòmà mììmba, wùùwù ndi hwa nyɔ̀ɔ̀ mììmba rzìi mà hwa womìrzɛ.

Tàyìtùrzì 1:6

Mòtìmbèlì wa ŋmèmba a àŋgàmɛ̀nɛ̀ ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòjòmɛ̀ mò jòjìyɛ̀ mɔ̀kɔ, ndèŋgànɛ̀lɛ̀ hwàanà hwa eni hwa àŋgàmɛ̀nɛ̀yi lì lòkɛ̀ Yerzù Krirztò. Hwa àŋgàmɛ̀nɛ̀yi lì ohva hwègbèèlì hwe gbamù aŋga nanù tɔ̀ mòtò a rza tànɛ lì hwa hwɛlɛ nanù ema hwa hwèlì maniya tɔ̀ hwa hwèlì bùlubùlu.