Ɛ̀hvìrzìyà 4:32 - Mokpwe: Bakwery (New Testament)

³² Inyɔ è àwùŋmɛ̀lɛ̀nɛ̀ mɔ̀kɔ nà ɔ̀nɛyi èènjì ndèŋgana è àwòhvànɛ mèèmà mè ììlì. È àlàkìrzɛ̀nɛ̀ mɔ̀kɔ nà ɔ̀nɛyi nà oma Lohwɛ̀ à mà è làkìrzɛ̀ lì akeyà nà Krirztò.

Ɛ̀hvìrzìyà 4:32 Mawu Ofanana

Matiyò 6:12

“Ò jò làkìrzɛ̀ wòhwe wò arzu, nà òma irzɔ̀hvɛ i làkìrzɛ̀ tɔ̀ ima mòtò ema à jò gbeyànì wòhwe.

Makòrzì 11:25

Ò tɛmì tɛ ò màkanɛ̀, rzìi e hwɛ nanù ema, ò òhvanì mòtò hwètàtò ò ŋmèma, ò mò làkìrzɛ̀. Àŋga nanù Tatɛ̀ wa àŋgɔ wà ŋmanyu yà lohwà mɔ̀ hvɛ à ò làkìrzɛ̀ è me àŋgɔ wòhwe.”

Lukàrzɛ̀ 1:78

Ènè eyà yò ò gbèyɛ̀nɛ̀ èhwanja, Lohwɛ̀ a mà jò uŋmɛ̀lɛ̀ ììlì nà ŋmèma mò eni mò gbamù. Inì ììlì ì hwèlì ndi nàa mòrzɔnji-rzɔnji mò igbèyi ema mò uhwɛlɛlɛ ò ŋmanyu yà Lohwà, ema mò jò jàneya lì òŋgìrzɛ̀.

Lukàrzɛ̀ 11:4

O jò làkìrzɛ̀ wòhwe wò arzu, nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe, O rzì emeyà nanù ema, ì kpèeyà ò màkèkìrzɛ̀nɛ̀.’”

Lukàrzɛ̀ 17:4

À ò tònanì tɛ lìrzàmba la ŋgèlì ò wùnyà, rzìi a ò jèeya hvɛ lìzàmba la ŋgèlì ò lì ò atɛ̀kɛ̀ nanù èma, ‘Nà ma àyèŋgòwɛ̀,’ ò àŋgàmɛ̀nɛ̀ lì mò làkìrzɛ.”

Lukàrzɛ̀ 6:35

Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Lukàrzɛ̀ 6:37

“È rzi kàyìrzɛ̀ hwahvɛhvɛ hwatò, ndèŋga Lohwɛ̀ à rza ò kàyìrzɛ̀ wa hvɛ. È rzi òhwa hweyà hwe wòhwe lì hvòmɛ̀nɛ̀ hwahvɛhvɛ hwatò, Lohwɛ̀ mɔ̀ hvɛ à rza òhwa wòhwe lì è teŋgɛ̀nɛ̀. È àlàkìrzɛ̀nɛ̀, aŋga ndi Lohwɛ̀ mɔ̀ hvɛ a è làkìrzɛ̀.

Hwègbèèlì 28:2

Hwatò hwa èŋge èki ema i ma uŋmànɛlɛ hwà mà jò òŋgòwànà. Yùulùlì e ma inyàmɛnɛ rzìi e mbuwà yɔhvɛ e ma wòteya lì yɔ̀ɔ ò èŋgànɛ̀lɛ̀ hwà mà jò kòteya mùùnya ò rzàawà ya ŋmànja nanù ema ja atòwɛ rzìi hwa jò kàrzɛ.

Ròmànì 12:10

Inyɛ̀ tɔ̀ ima mòtò a lìŋgàne ŋmanyàŋgò wa eni na ŋmèma mò eni mò arzɛ. Inyɛ̀ tɔ̀ ima mòtò a ŋgbe ŋmanyàŋgò wa eni èluhwe lì aka mamɛ ema a aŋgbɛ mɔ̀ ŋmìti.

1 Kɔ̀rintìyà 13:4

È mòtò ema a uŋmɛ̀lɛ̀ hwatò e ndìŋgɛ, a ohvi lì àjùlɛ̀, a enji, a rza ohvi inona, a rza ayèkirzɛ.

2 Kɔ̀rintìyà 2:10

Tɔ̀ ima mòtò ema e làkìrzɛ̀, imba hvɛ nà mà mo làkìrzɛ̀. Eyà ema e gbèyi na làkìrzɛ̀ na e làkìrzɛ̀ ndi o nyòla anyu, Krirztò ndi à gbèyi ndèŋgànɛlɛ a hwi nanù ema nà mà e làkìrzɛ̀.

2 Kɔ̀rintìyà 2:7

O èŋgànɛ̀lɛ̀ rzɔ e mo làkìrzɛ̀ na lì mo ètìrzɛ̀ ŋmèma nàŋgɛ. Àŋga nanù e ndùtù ema a o hwɛnɛ e rza o mo lìteya.

2 Kɔ̀rintìyà 6:6

Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.

Ɛ̀hvìrzìyà 5:1

Ɛ̀ɛmɛ̀ ya anyu e hwɛni ndi lì hwɛ nàa e ya ama Lohwɛ̀ èhwanja e hwèlì ndi hwàanà hwa eni ema mɔ̀ à lìŋgàni rzayi-rzayi.

Jèmìrzì 5:11

Nà oma e hwi, hwaŋga hwatò ema hwa hwi o lì àjùlɛ̀ irzɔ i hwa hwɛlɛ ndi nanù ema hwa hwèlì ndi hwatò ema hwa nàmìrzɛ̀hwɛ̀yi. Inyɔ e ma hweyà lì hvomɛ̀nɛ̀ lì àjùlɛ̀ la ama Jɔ̀bi e hvonda ema à mà luwe mètàkà, ndèŋgànɛ̀lɛ̀ e ma ɛnɛ nàa oma Lohwɛ̀ à mà mo gbèeyà gbaamù o lìrzùkù. È Rzàŋgo e ohvi ŋmèma mo gbamù ndèŋgànɛlɛ e ondi na ììlì.

2 Pètrò 1:7

O ŋmanyu ya lì gbeyà hweyà ema Lohwɛ̀ a arza, inyɔ hwatò hwa ama Krirztò inyɛ e ndìŋgɛ e hwɛ o ìtììtènì ja anyu. O ŋmanyu ya e ndìŋgɛ o ìtììtènì ja anyu ja hwatò hwa ama Krirztò, e lìŋgàne tɔ̀ ima mòtò.

1 Yòwanìrzɛ̀ 1:9

Ndì i purzɛlɛyi tɛ wòhwe wo arzu, mɔ̀ à ondìrzɛ̀ lì kàkɛ̀nɛ̀ la eni ndèŋgànɛ̀lɛ̀ a lì gbeyà o ŋgànà ema e hvomɛ̀nɛ̀yi. Mɔ̀ a o jo làkìrzɛ̀ wòhwe wo arzu, ndèŋgànɛ̀lɛ̀ a jo rzorza wòhwe wo arzu wo arzɛ.

1 Yòwanìrzɛ̀ 2:12

Inyɔ ema è hwèlì nàa hwàanà hwa ami, nà è tìleya ehwànja Lohwɛ̀ à mà è làkìrzɛ̀ wòhwe wò anyu ò lìinà là ama Yerzù Krirztò.