Ɛ̀hvìrzìyà 4:31 - Mokpwe: Bakwery (New Testament)

³¹ È ulɛ̀ màlùtèyà mà wòhwe mà arzɛ ema mè è hwèlì ò mèèmà mè anyu, rzìi è hwɛmɛ lì ambirzɛnɛ nà hwètàtò hwe ŋginyà ema hwe hwèlì ò mèèmà mè anyu. È hwàà, motàŋgo, nà ɛkɔ̀ni ò mèèmà mè anyu. È rzi tɔ̀wɔ tɔ̀ lì ahwɛnyɛnɛ mɔ̀kɔ nà ɔ̀nɛyi, è rzi ahwɛ̀nɛ̀nɛ̀ wɔ̀ɔ̀ nà tɔ̀ ima mòtò.

Ɛ̀hvìrzìyà 4:31 Mawu Ofanana

Hwègbèèlì 21:30

È mbòwà ndɛnɛ ya arzɛ e ma kanjeya rzìi hwatò hwa uhweyà ò hwèhvàrzù hwe arzɛ ò lì arzàŋganɛ. Hwa hvɔ̀ɔ̀tɔ̀ Pàwolò rzìi hwa mò wurzana ò tenì ya e ndawò yà Lohwà. Lìwòkimɛnɛ mawòhvà mà e ndawò yà Lohwà ma mà hvendàhwà.

Ròmànì 3:14

Jòòhwì ja mòjèmà na e me wòhwe ndi i wurza ò i wàna ja awu.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 5:8

O èŋgànɛ̀lɛ̀ rzɔ ya anjàwòlɛ̀ o ene ndèma, rzeketɛ na lìwu la mbarzi lì hvènya, na ehwindi ya mbolowa. Ɛ̀ɛmɛ̀ ya arzu ihvonda ja arzɛ e hwɛnì ndi lì hwɛ nàa hwatò hwa ama Lohwɛ̀, ene ŋgàna e hwèlì ndi ema i rza gbeyà hweyà hwe wòhwe ndèŋgàna i rza ohva hvɛ ɛkɔ̀ni. Irzɔ i hwɛnì lì hwɛnɛ hwɛ̀ɛ̀mɛ̀ hwe hvènya, o lì oŋgamà Krirztò na ŋmèma mɔ̀kɔ, i hwɛnì hvɛ lì ohwa e jɔ̀kɛ̀.

2 Kɔ̀rintìyà 12:20

Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

Gàletìyà 5:20

O lì gbèeyà màhvɛ̀hvɛ̀ mohwà, lìyemba, ɛ̀kɔ̀wù, mòtaŋgo, ìnona, hwètàtò, lì aneya la hwèhvolò, o lì hwɛ la hwehvehva, lì akàhwànɛ̀,

Ɛ̀hvìrzìyà 4:22

Hwa mà è okolɛ̀ ò lì hwɛ̀mɛ̀ ɛ̀ɛ̀mɛ̀ yà worzo ema è mà lomè lì hwɛ̀nɛ̀. Ò eŋge hvonda mòŋgɛ mà anyu ma mà hwɛ wòhwe ehwànja è mà ohva ndi mèèmà mè lì gbèeyà hweyà hwe wòhwe mɛnɛ. Meŋge mèèmà ema è mà hwɛ̀nɛ̀ ò lì gbèeyà hweyà hwe wòhwe mè mà è eŋgìrzɛ̀.

Ɛ̀hvìrzìyà 4:25

O èŋgànɛ̀lɛ̀ rzɔ e hwɛmɛ hweyà hwe lì kɔ̀. Ja àwòhwànɛ̀lɛ̀ e jɔ̀kɛ̀ mɔ̀kɔ na ɔ̀nɛyi, ehwànja i gbèyi ndi nàa hwatò ema hwa ahviyànɛ nyo hvɔ̀kɔ na Krirztò.

Ɛ̀hvìrzìyà 4:26

È tàtì tɛ e rzìi emeyà nanù ema hwetato hwe anyu hwe e lìyɛlɛ o wòhwe. È rzi lìyana hwetàtò wùùnya hwa arzɛ.

Kòlòrzìyà 3:19

Inyɔ mèjòmɛ̀ è lìŋgàne ìjòjìyɛ̀ jà anyu, ndeŋgànɛlɛ è rza jì tàkirzɛ̀ ò ŋgundu.

Kòlòrzìyà 3:8

Ndi ò nàŋgɛ inyɔ è hwɛni lì hwɛmɛ ò lì gbeyà hweyà nàa, hwètàtò, lì hwɛ̀nɛ̀ lìndɛ̀nɛ̀, è kɔ̀ɔ̀wù, ò lì hvàŋga lìinà là mòtò, nà ò lì hwɛnɛ wànà yà wòhwe.

1 Tìmotì 3:11

Tɔ̀ hwàalanà hwa hwànu wunyanà, wɔ̀ hvɛ hwa àŋgàmɛ̀nɛ̀yi lì hwɛnɛ ɛ̀ɛ̀mɛ̀ ya gbamù. Wɔ̀ hwa rza hwɛni lì hwɛ hwalana ema hwa inda hwatò, hwa hwɛ hvɛ lì alɛ̀mbɛnɛ, hwa hwɛ hvɛ ndi hwalana ema hwatò wa hwɛni lì lòkɛ̀ tɔ̀ mamɛ ema hwa gbeyà.

1 Tìmotì 3:3

Ène nyayi ya mòtò, a rza hwɛni lì hwɛ mòtò wa mboma, tɔ̀ mòtò ema a jànà mòhvùŋgu. Ndi a hwɛni ndi lì hwɛ mòto ema a hwèlì ŋmɛ̀ɛ na mòtò ema a rza tɔ̀wɔ mòtaŋgo, a rza hwɛni lì hwɛ mòtò ema a lìŋgàni wolì.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.

2 Tìmotì 2:23

O rzɔnjɛ̀lɛ̀ e mbɔrzi ya hvenda ya èèti ema e rza oŋgowàna tɔ̀ mòtò tɔ̀ eyà. O hwi nanù ema e hvenda ndi e jànà mòtaŋgo.

2 Tìmotì 3:3

O ò hwɛ hvɛ hwatò ema hwa rza uŋmɛ̀lɛ̀ hwahvɛhvɛ hwatò e ndìŋgɛ, o ò hwɛ hvɛ hwatò ema hwa rza ohvɛ mèèmà me ìilì, hwatò hvɛ ema hwa kɔɔyeya hwahvɛhvɛ hwatò hweyà, hwatò hvɛ ema hwa rza o hwiyɛ lì a ohvɛlɛ la awu, hwatò hvɛ ema hwa hwèlì kayɛ na hwatò hvɛ ema hwa rza lìŋgànɛ hweyà hwe gbamù.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

Tàyìtùrzì 2:3

Ŋgànà hvɔ̀kɔ hvɛ mɛnɛ, o òkolɛ hwàwululu hwa hwalanà o lì gbeyà hweyà nyayi ema e ŋgbàà Lohwɛ̀ èluhwe o tɔ̀ mamɛ ema wɔ̀ hwa gbeyà. O hwa ohweyà nanù ema hwa rzi keka lì inda tɔ̀ mòtò, hwa rzi aŋgbɛ wɔ hwiti o lì nyɔ mimba emà mà hwa wòmirzɛ̀. Ndi o hwa ohweyà nanù ema hwa okòlɛ̀ hwatò hweyà ema hwe hvomɛ̀nɛ̀.

Jèmìrzì 1:19

Wònyànyàŋgo hwa ami kòkò, e ɔ̀ŋgɛ̀lɛ̀ hwene hweyà. Tɔ̀ ima mòtò a àŋgàmɛ̀nɛ̀yi lì wàmirzɛ o lì okànèyà mamɛ ema ohvɛhvɛ mòtò a ohwa, tɔ̀ mòtò a rza àŋgàmɛ̀nɛ̀ lì wàmirzɛ o lì ohwa tɔ̀ eyà, tɔ̀ mòtò a rza àŋgàmɛ̀nɛ̀ lì wàmirzɛ o lì tààtà.

Jèmìrzì 3:14

Ndi e ohvi tɛ inona ja wòhwe o tenì ya mèèmà me anyu, ndèŋgànɛlɛ e lùteyà ndi o inyɔ hwiti, e rzi gbeyàna lìhwiyè ema e hwɛni o lì gbeyà wòhwe o lì teŋgɛ̀nɛ̀ hwèyòkòlèlì hwe jɔ̀kɛ̀ o lì àyekìrzɛ.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

1 Pètrò 2:1

O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.

1 Yòwanìrzɛ̀ 3:15

Tɔ̀ njɛnɛ ema à rzìŋgɛ̀yi ŋmanyàŋgò wà eni à hwèlì ndi mòòŋwèlì, ndèŋgànɛlɛ è hwi nanù ema tɔ̀ mòòŋwèlì tɔ̀ mɔ̀kɔ à rza ò hwɛnɛ lòŋgɛ là gbìndèyà ò tenì yà eni.

Hwèwulùwèlì 12:10

Àŋga ndi na a hweyà lìlo lì kàrzàmi o ŋmanyu yà lohwà lì ohwa nanù ema, “O naŋgɛ, lìrzùŋgàhwa la ama Lohwɛ̀ lì ma jà. Lohwɛ̀ à mà ùŋmɛlɛ màyìmbì ma eni o lì kànèyà nàa kìŋgɛ. È Krirztò ya eni e ma àwùŋmɛlɛ màyìmbì ma eni nàŋgɛ. Èhwànja e mɔ̀ ema à mà hwɛ lì ohwa o worzo wo ama Lohwɛ̀ ŋmerze na wuu, nanù ema wònyànyàŋgo hwa arzu hwa gbeyà wòhwe, hwà mà mo hvimba o e rze ya mɔ̀nyɛ̀. A ma hwɛ lì hwa hwɛ̀lɛ ŋmerze na wuu o ŋgundu o worzo wo ama Lohwɛ̀.