Ɛ̀hvìrzìyà 4:25 - Mokpwe: Bakwery (New Testament)

²⁵ O èŋgànɛ̀lɛ̀ rzɔ e hwɛmɛ hweyà hwe lì kɔ̀. Ja àwòhwànɛ̀lɛ̀ e jɔ̀kɛ̀ mɔ̀kɔ na ɔ̀nɛyi, ehwànja i gbèyi ndi nàa hwatò ema hwa ahviyànɛ nyo hvɔ̀kɔ na Krirztò.

Ɛ̀hvìrzìyà 4:25 Mawu Ofanana

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Ròmànì 12:5

Ŋgàna hvɔ̀kɔ mɛnɛ, tɔ̀ nɛ irzɔ i kòki, i hwèlì ndi nyò hvɔ̀kɔ, ò lì ahvìyànɛ̀ na Krirztò, ndèŋgàna ja ahwiyanɛ mɔ̀kɔ na ɔ̀nɛyi nàa rzayi-rzayi ja hwènàmà ò nyò hvɔ̀kɔ.

1 Kɔ̀rintìyà 10:17

Kànatɛ o hwèlì ndi ehvòòto yɔ̀kɔ, tɔ̀ nɛ i koki, irzɔ hwa arzɛ ì hwèlì ndi nyo hvɔ̀kɔ èhwanja ikahwa ndi ehvòòto yɔ̀kɔ o lì làa.

2 Kɔ̀rintìyà 7:14

Nà ma hwɛnɛ kumba o lì ohweyà Tàyìtùrzì nanù ema, inyɔ e hwèlì ndi hwatò hwa gbamù. È rzi no òkirzɛ ìrzɔnì èhwanja e ma awuŋmɛ̀lɛ̀ nanù ema hweyà ema nà mà mo òhweyà hwe ma hwɛ ndi e jɔ̀kɛ̀, ŋgàna hvɔ̀kɔ hvɛ na hweyà hwe arzɛ hvɛ ema irzɔ i ma e ohweyà, hwe hwèlì ndi e jɔ̀kɛ̀.

Ɛ̀hvìrzìyà 4:15

I rza ò hwɛ nanù ndi i hwɛ ò lì ohwa è jɔ̀kɛ̀ nà lì à uŋmɛ̀lɛ̀nɛ è ndìŋgɛ mɔ̀kɔ nà ɔ̀nɛyi. Inyɛ̀ ì gbèyi nanù, aŋga nanù jò òŋga ò ì hvèyò ja arzɛ nà lì hwɛ nàa Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 4:22

Hwa mà è okolɛ̀ ò lì hwɛ̀mɛ̀ ɛ̀ɛ̀mɛ̀ yà worzo ema è mà lomè lì hwɛ̀nɛ̀. Ò eŋge hvonda mòŋgɛ mà anyu ma mà hwɛ wòhwe ehwànja è mà ohva ndi mèèmà mè lì gbèeyà hweyà hwe wòhwe mɛnɛ. Meŋge mèèmà ema è mà hwɛ̀nɛ̀ ò lì gbèeyà hweyà hwe wòhwe mè mà è eŋgìrzɛ̀.

Ɛ̀hvìrzìyà 4:31

È ulɛ̀ màlùtèyà mà wòhwe mà arzɛ ema mè è hwèlì ò mèèmà mè anyu, rzìi è hwɛmɛ lì ambirzɛnɛ nà hwètàtò hwe ŋginyà ema hwe hwèlì ò mèèmà mè anyu. È hwàà, motàŋgo, nà ɛkɔ̀ni ò mèèmà mè anyu. È rzi tɔ̀wɔ tɔ̀ lì ahwɛnyɛnɛ mɔ̀kɔ nà ɔ̀nɛyi, è rzi ahwɛ̀nɛ̀nɛ̀ wɔ̀ɔ̀ nà tɔ̀ ima mòtò.

Ɛ̀hvìrzìyà 5:30

Irzɔ ndi i hwèlì hwatò hwa e nyo yà èni.

Kòlòrzìyà 3:8

Ndi ò nàŋgɛ inyɔ è hwɛni lì hwɛmɛ ò lì gbeyà hweyà nàa, hwètàtò, lì hwɛ̀nɛ̀ lìndɛ̀nɛ̀, è kɔ̀ɔ̀wù, ò lì hvàŋga lìinà là mòtò, nà ò lì hwɛnɛ wànà yà wòhwe.

Kòlòrzìyà 3:9

È rza àkɔ̀ɔ̀wɛ̀lɛ̀lɛ̀ hweyà mɔ̀kɔ nà ɔ̀nɛ̀yi. È rzi gbeyà hwene hweyà nà oma è mà hwɛ nanù ema inyɔ è mà hwɛmɛ ò lì gbeyà hweyà hwe wòhwe.

1 Tìmotì 1:10

È mbenda ya ama Lohwɛ̀ e hwèlì ndi o hwatò hwa morzonje, o wunyanà ema hwa juwa hwahvɛhvɛ wunyanà na o hwalana hvɛ ema wɔ̀ hvɛ hwa juwa hwahvɛhvɛ hwalana. O hwatò ema hwa hvùma hwahvɛhvɛ hwatò ò lì hwa àhwirzɛ̀ nàa hwàkòmì, o hwatò ema hwa kɔɔ hweyà, na o hwatò hvɛ ema hwa aàtɛ hweyi ja mòlàŋga o hwèkayirzelì, na hwatò hvɛ hwa gbèeyà hweyà ema hwa rza enje o ŋmɛ̀ŋgɛ o lì ohwa mamɛ hwèyòkòlèlì hwe jɔ̀kɛ̀ hwe ohwa.

1 Tìmotì 4:2

Hwàŋga hwatò ema hwa okolɛ hwene hweyà hwa o gbeyà ndi nàa wɔ̀ hwa okolɛ ndi na e jɔ̀kɛ̀, ndi o jɔ̀kɛ̀ hwa o kɔ ndi hweyà. Wɔ̀ hwa okolɛ tɛ eyà ema e rza enje gbamù, hwa uŋmɛ̀lɛ̀ ndi nanù ema hwa rza hwi mamɛ ema e hvomɛ̀nɛ̀ tɔ̀ e yɔ ema e rza hvomɛ̀nɛ̀.

Tàyìtùrzì 1:12

Mòòhwèlì mɔ̀kɔ wa èlìŋgɛ̀ wa kowàa o èkomè ya Krɛ̀tɛ à mà ohwa nanù ema, “Hwàto hwa Krɛ̀tɛ hwa kɔɔ hweyà ihvonda ja arzɛ. Wɔ̀ hwa hwèlì wɔ̀ɔ̀ na ɛkɔ̀ni, hwa hwèlì ndi hwatò hwa rziŋga ema hwa ondi na njɔ̀ŋgu.”

Tàyìtùrzì 1:2

Aŋga nanù, hwatò hwa ama Krirztò hwa ò luwa lìhvìta là lì luwa lòŋgɛ la gbìndèyà. Ndèŋgana Lohwɛ̀ à è wèka è rze, a mà kàkɛ̀nɛ̀ nanù ema, hwatò hwa eni hwa o hwɛ na mɔ̀ natɛ̀ɛ nà ò gbìndèyà. Mɔ̀ a rza kɔ̀ hweyà.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.

Jèmìrzì 1:21

O eŋgànɛ̀lɛ̀ rzɔ, inyɔ e hwɛmɛ hweyà hwe arzɛ hwe mbindo na hweyà hwe arzɛ hwe wòhwe ema e gbeyà. Nà lì arzìirzɛ lì arzɛ inyɔ ye emeyà eyà ema Lohwɛ̀ à mà onɛ o mèèmà me anyu. Èŋge eyà ndi Lohwɛ̀ a gbeyàna o lì e rzùŋgànà mòŋgɛ ma anyu.

1 Pètrò 2:1

O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.