Ɛ̀hvìrzìyà 4:17 - Mokpwe: Bakwery (New Testament)

¹⁷ O lìinà la ama Rzàŋgo, na e kòkòwɛ̀lɛ̀ kɔ̀yi-kɔ̀yi nanù ema e rzi lìya lòŋgɛ nàa hwatò ema hwa rza hwiyɛ̀ɛ Lohwɛ̀. Hweya ema hwa lùtèyà hwe hwèlì ndi hweyà ema hwe rza hwɛnɛ wòlìto ndeŋgànɛ̀lɛ̀ hwene hweyà hwe rza tànɛyi lì hwa oŋgowàna.

Ɛ̀hvìrzìyà 4:17 Mawu Ofanana

Lukàrzɛ̀ 16:28

Nà òhvì wònyanyàŋgò wà amì hwata. Inyɛ̀ mɔ̀ à ɛ̀ndɛ̀ a hwa kòkòwɛ̀lɛ̀, aŋga nanù, wɔ̀ hvɛ hwa rzi ɛ̀ndɛ lì jà lì kpèeyà ò enè èki ya mòrziyò.’

Hwègbèèlì 14:15

“Mamɛ ndèŋgàtɛ è gbeyà nanù e? Irzɔ hvɛ ì hwèlì ndi hwatò hwa hwènàmà nà òma è hwèlì. Irzɔ ì mà jà anu ò lì è òhweyà ŋmɛ̀ndì mò gbamù mò ama Yerzù, aŋga nanù è hwɛ̀mɛ̀ hwenè hweyà ema hwe hwèlì ŋgundu, aŋga nanù è òŋgama Lohwɛ̀ là lòŋgɛ ema mɔ̀ ndi à hwèki è ŋmanyu nà è rze nà ŋmàànjà nà hwèèmà hwe arzɛ ema hwe hwèlì ò tènì yà awu.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Hwègbèèlì 2:40

Pètrò à mà hwa kòkòwɛ̀lɛ̀ na lì hwa òhweyà ihvɛhvɛ nyayi na nyayi ja hweyà. A ma hwa atɛkɛ nanù ema, “Tɔ̀ ima mòtò arzùŋgɛ̀ lòŋgɛ la eni. È rza enje tɛ nanù Lohwɛ̀ a e kɔ̀kìrzɛ̀ ŋgàna hvɔ̀kɔ na òma a ò kɔ̀kìrzɛ̀ ene nyɔ̀ŋgɔ̀nì ya wòhwe.”

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Ròmànì 1:21

Tɔ̀ nɛ wɔ̀ hwa hwi nanù ema Lohwɛ̀ à hwèlì, ndi hwa rza mò kàrzɛ̀nɛ̀ nà èluhwe nàa Lohwɛ̀, ndèŋgàna hwa rza mò eka. Ndi tɔ̀ nanù màlùtèyà mà awu mà wòteyà ndi ò lì lùteyà hweyà hwe ŋgundu. Ndèŋgànà màlùtèyà mà awu mà òndi nà jìtìtì.

1 Kɔ̀rintìyà 1:12

Nà ohwa ndi nanù èhwanja, lòŋgò là anyù è hwèlì è ohwà naŋgɛ̀ nanù ema, “Nà hwèlì ndi mɔ̀nɔ̀ŋgèlì wà hwèyòkòwèlì hwe amà Pàwolò.” Hwanɛ̀yì wɔ̀ hvɛ̀ hwa hwèlì hwa ohwà nanù ema, “Nà oŋgama ndì hwèyòkòwèlì wà ama Apòlòrzì.” Tɔ̀ “Nà oŋgamà ndi hwèyòkòwèlì hwe ama Pètrò,” tɔ̀ “Nà oŋgamà ndi hwèyòkòwèlì hwe ama Krirztò.”

1 Kɔ̀rintìyà 15:50

I wònyàmowe, mamɛ ema na e ohweyà e hwèlì ndi nanù ema, yòma ema e wèkahwì ema ya ohvi nyo na màyija, e rza tanɛ lì lùwa hweyà hwe lìkànèyà la ama Lohwɛ̀. I nyo ema jo ò hwɛ natɛ̀ɛ nà ò mòlìkɛ̀ i rza o lùwa hweyà ema hwe o hwɛ natɛ̀ɛ na o mòlìkɛ̀.

2 Kɔ̀rintìyà 9:6

È rzi hvoŋga o lì hwiya nanù ema, tɔ̀ njɛnɛ ema a oni ndi teŋyi a o rzaŋga hvɛ ndi teŋyi, ndèŋgàna òŋgo hvɛ ema a oni hvèyi, mɔ̀ hvɛ à ò rzaŋga hvɛ ndi hvèyi.

Gàletìyà 3:17

Eyà ema nà hwèlì nà ohwa nà jɔ̀kɛ̀ è hwèlì ndi nanù ema, Lohwɛ̀ à mà gbeyà yòòmbò nà Abràhamù rzìi à ohwa ama à hwɛni lì ondìrzɛ̀ lìŋgi lì kàkɛ̀nɛ. Ò mburza hwègbe hwenìì nà rzàyiyàwò jà mèya ɔ̀ndi Lohwɛ̀ à mà ŋgbe Morzè è mbenda. Iŋgi mbenda ì rza tànɛyi ì gba è hweyi ò lì titowa mamɛ ema Lohwɛ̀ à mà kàkɛ̀nɛ̀ nanù ema à gbeyà.

Gàletìyà 5:3

Nà e kòkòwɛ̀lɛ̀ hvɛ ŋgèlì hvɔ̀kɔ nanù ema, tɔ̀ ima mòtò ema aŋgbɛ mɔ̀ ŋmìti nanù ema a endahwe aŋga nanù Lohwɛ̀ a mo emeyà, a àŋgàmɛ̀nɛ̀yi lì ika imbenda ya arzɛ.

Ɛ̀hvìrzìyà 1:22

Lohwɛ̀ à mà ika hweyà hwe arzɛ ò rze yà lìkànèyà là ama Krirztò. À mò ŋgbèlì hvɛ wònjà ò lì kànèyà hweyà hwe arzɛ, ndèŋgàna mɔ̀ ndi à hwèlì mòòhvò mò lì arzàŋganɛ là hwatò hwa Lohwà.

Ɛ̀hvìrzìyà 4:22

Hwa mà è okolɛ̀ ò lì hwɛ̀mɛ̀ ɛ̀ɛ̀mɛ̀ yà worzo ema è mà lomè lì hwɛ̀nɛ̀. Ò eŋge hvonda mòŋgɛ mà anyu ma mà hwɛ wòhwe ehwànja è mà ohva ndi mèèmà mè lì gbèeyà hweyà hwe wòhwe mɛnɛ. Meŋge mèèmà ema è mà hwɛ̀nɛ̀ ò lì gbèeyà hweyà hwe wòhwe mè mà è eŋgìrzɛ̀.

Kòlòrzìyà 2:18

È rzi keka o lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì arzìirzɛ. Ndeŋgànɛ̀lɛ̀ e rzi keka lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì kànɛ i aŋgèlì nàa oma mɔ̀ à ji kànɛ. Inyɔ e gbèyi tɛ nanù e wɔ̀lɛnɛ jàhwèyà ema Lohwɛ̀ a ohwi nanù ema a e ŋgba. Tɔ̀ njɛnɛ ema a okòlɛ nanù, a ohwa ndi nanù ema a ɛni jɛ̀nɛ̀ni. Èŋge tumba mòtò e ohvi ndi kumba ya ŋgundu na hweyà hwe wòhwe ema hwe wurza o ŋmèma mo eni, a rza ohvi tɔ̀ lìtiŋga o lì uŋmɛ̀lɛ̀.

Kòlòrzìyà 2:4

Nà e ohweyà ene eyà aŋga nanù, tɔ mòtò tɔ̀ mɔ̀kɔ a rzi keka o lì e lukɛlɛ na mbùnakɛ̀ ya mòlaŋgà ema e o lùtèyà nanù ema eyà ema mɔ̀ à e ohweyà e hwèlì ndi e jɔ̀kɛ̀.

1 Tɛ̀rzàlonìyà 4:6

O ene eyà rzɔ, tɔ̀ mòtò a rza àŋgàmɛ̀nɛ̀ o lì tònana ŋmanyàŋgò wa eni tɔ̀ o lì mo wowàna yòoma ya eni. I ma loma lì e ohweyà hwene hweyà, ndèŋgànɛ̀lɛ̀ i ma e kòkòwɛ̀lɛ̀ towotowo nanù ema Lohwɛ̀ a kɔ̀kìrzɛ̀ hwatò ema hwa gbeyà nanù.

1 Tìmotì 5:21

Nà o òhweyà ndi o worzo wo ama Lohwɛ̀, Yerzù Krirztò, na o worzo wo i aŋgèlì ema i hvɔ̀rzɔ̀wì, nanù ema e gbèeyà mamɛ ema e hwɛni lì gbeyà e rzi hwɛ ndando tɔ̀ lì timbana mòtò mburza.

1 Tìmotì 6:13

O worzo wo ama Lohwɛ̀, mɔ̀ ema a ŋgbàà lòŋgɛ o hwema hwe arzɛ, ndèŋgàna o worzo wo ama Yerzù Krirztò mɔ̀ ema à mà ohwa e jɔ̀kɛ̀ o worzo wo ama Pòntìyùrzì Pìlatò, na e ohweyà nanù ema,

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

1 Pètrò 1:18

Inyɔ e hwi nanù ema Lohwɛ̀ à mà e kɔ̀tɔ̀ o tenì ya hwɛ̀ɛ̀mɛ̀ hwe wòhwe. Hwɛ̀ɛ̀mɛ̀ hwe wowe ema inyɔ e ma rzaŋgohwane imbamba ja anyu, rzeketɛ hwema nàa gòòlù tɔ̀ rzìlìhwà ema hwe hvaŋgeya.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.