Ɛ̀hvìrzìyà 4:15 - Mokpwe: Bakwery (New Testament)

¹⁵ I rza ò hwɛ nanù ndi i hwɛ ò lì ohwa è jɔ̀kɛ̀ nà lì à uŋmɛ̀lɛ̀nɛ è ndìŋgɛ mɔ̀kɔ nà ɔ̀nɛyi. Inyɛ̀ ì gbèyi nanù, aŋga nanù jò òŋga ò ì hvèyò ja arzɛ nà lì hwɛ nàa Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 4:15 Mawu Ofanana

Yòwanìrzɛ̀ 1:47

Nà òma Yerzù à mà ɛnɛ Nàtànìyɛ̀lì à jà rzìi à òhwa lì mò hvòmɛ̀nɛ̀ nanù ema, “Ɔ̀ŋgɔ tɛ, è timɛtìmɛ yà ŋmanà wà mùnyanà hwa Irzàyɛ̀lì ònò mòtò ema à rza òhvɛ̀yi tɔ̀ njɔ̀mi!”

Ròmànì 12:9

Tɔ̀ ima mòtò a hwɛni lì hwɛnɛ e ndìŋgɛ na hwatò na e jɔ̀kɛ̀. È kɔ̀ mamɛ ema e hwèlì wòhwe. È akakumɛnɛ ò lì gbeyà mamɛ ema e hwèlì gbamù.

1 Kɔ̀rintìyà 11:3

Nà arza ema e rzɔ̀ŋgìtɛ̀nɛ̀ nanù ema, Krirztò a hwèlì ndi moòhvo mo kànèyà tɔ̀ ima mòtò hwa mùnyanà. È mùnyanà mɔhvɛ a hwèlì ndi moòhvo mo ama e jòjìyɛ̀ ya eni. Lohwà mɔhvɛ ndi à hwèlì moòhvo mo ama Krirztò.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

2 Kɔ̀rintìyà 8:8

Nà rza e kànèyà ndi ema e gbeye ndi nanù. Ndi na oma na ɛnɛ hwatò ema hwa lòkɛ̀ hwa oŋgòhwànà hwanɛ̀yi hwatò, na arza nanù ema inyɔ hvɛ e awuŋmɛ̀lɛ̀ na oma e lìŋgàni hwanɛ̀yi hwatò.

Ɛ̀hvìrzìyà 1:22

Lohwɛ̀ à mà ika hweyà hwe arzɛ ò rze yà lìkànèyà là ama Krirztò. À mò ŋgbèlì hvɛ wònjà ò lì kànèyà hweyà hwe arzɛ, ndèŋgàna mɔ̀ ndi à hwèlì mòòhvò mò lì arzàŋganɛ là hwatò hwa Lohwà.

Ɛ̀hvìrzìyà 1:4

Ndèŋgànà Lohwɛ̀ à è wèka è rze, à mà màà lì jò hvɔ̀rzɔ̀ ò lì hwɛ hwatò wà eni mòndèŋge nà Yerzù Krirztò. À gbèyi ndi nanù, aŋga nanù irzɔ ì hwɛ wòtani ema ì rza ohva màtònà ò worzò wò ama Lohwɛ̀. Nà oma Lohwɛ̀ à jò lìŋgàni,

Ɛ̀hvìrzìyà 2:21

Mɔ̀ ndi à gbèyi ema e ndawò e tɛ̀mɛ̀. Mɔ̀ ndi à e nyàlirzɛ̀ o lì uka e ndawò ya wòtani ya ama Rzàŋgo.

Ɛ̀hvìrzìyà 4:25

O èŋgànɛ̀lɛ̀ rzɔ e hwɛmɛ hweyà hwe lì kɔ̀. Ja àwòhwànɛ̀lɛ̀ e jɔ̀kɛ̀ mɔ̀kɔ na ɔ̀nɛyi, ehwànja i gbèyi ndi nàa hwatò ema hwa ahviyànɛ nyo hvɔ̀kɔ na Krirztò.

Ɛ̀hvìrzìyà 5:23

Mòjòmɛ̀ mo hwɛnì è wònjà yà hwèkànèlì oma jòjìyɛ̀ wà èni, ŋgànà hvɔ̀kɔ nà omà Krirztò a hwɛnì è wònjà yà hwèkànèlì o lì arzàŋgànɛ la hwatò hwa Lohwà hwa àrzɛ̀. Ndèŋgànà lɔ̀ ndi lì hwèlì nàa e nyo ya eni ndèŋgàna mɔ̀ ndi à hwèlì lì oŋgirzɛ la lìŋgi la arzàŋgànɛ la hwatò hwa Lohwà.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 2:2

È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

1 Yòwanìrzɛ̀ 3:18

Inyɔ ema e hwèlì nàa hwàanà hwa ami, inyɛ i rza alìŋgànɛ ndi na e mbɔrzi ya wàna mɛnɛ, ndi ja alìŋgànɛ o jɔ̀kɛ̀ na o hwegbèèlì.