Ɛ̀hvìrzìyà 4:14 - Mokpwe: Bakwery (New Testament)

¹⁴ O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Ɛ̀hvìrzìyà 4:14 Mawu Ofanana

Matiyò 11:7

È hvònda ema hwà-òkòwèlì hwa ama Yòwanìrzɛ̀ hwà mà hwɛ lì timba, Yerzù rzìi a wòteyà lì òhweyà è ŋgìndì lì hvòmɛ̀nɛ̀ Yòwanìrzɛ̀. À ma hwa ijòwa nanù ema, “È hvònda ema e ma anjiye lì ɛndɛ lì ùŋmanɛ̀lɛ̀ Yòwanìrzɛ̀ ò mòrzànjɛ̀, mamɛ inyɔ e mà ɔ̀ŋgɛ̀lɛ̀ nanù ema è ma ɛnɛ e? È mà ɛnɛ ndi yàlì ema è mbɛ̀hvɛ̀nì e nyìŋgìrzɛ̀nɛ̀ e?

Matiyò 24:11

Rzayì-rzayì ja hwà-òhwèlì hwa hwèlìŋgɛ̀ hwa mòlàŋgà hwa ò wurza na lì lukɛlɛ rzayì-rzayì ja hwatò ò lì hwa nɔ̀ŋgɔ̀.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Hwègbèèlì 23:21

Ndi ò rzi hwa òkànèyà ehwànja ò hwèlì lì aka mènìmenì me hwatò ema hwa ò utàmà ò lì ambɛlɛlɛ lì mò òŋwa. Hwà mà aàtɛ hweyi nanù ema hwa rza laa tɔ̀ lì nyɔ tɔ̀ yòma natɛ̀ɛ hwa òŋwa Pàwolò. Hwà mà màa lì wòŋgirzɛnɛ ò lì òkànèyà mamɛ ò wa ò òhwa.”

1 Kɔ̀rintìyà 12:2

Inyɔ e hwi ema e hvonda inyɔ e ma hwɛ ema e rzi hwiyɛ Lohwà, e ma eŋgìrzɛ̀hwɛ̀ o molawo, o lì kànɛ̀lɛlɛ hwèrzìrzà ema hwe rza tɔ̀ɔ.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 3:19

Èhwanja mamɛ ema hwatò hwa ene rze hwa ɛnɛ na lìhwiyè, e hwèlì ndi èèti, o worzò wa ama Lohwɛ̀. I hwi ema, e tìlahwì o kààtì ya Lohwà nanù ema, “Lohwɛ̀ a gbeyàna ŋgbaaŋgo wo hwatò hwa ŋgbaaŋgo ò lì lɛ̀mbɛ meyano me awu.”

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

Gàletìyà 3:1

Bɔ̀ɔ, inyɔ hwatò hwa èèti hwa Gàletìyà! Njɛnɛ à è jɔ̀ki nanù e? È rza ɔ̀ŋgɛ̀lɛ̀ nà oma nà ma e wuluhweyà nanù ema Yerzù Krirztò à mà ŋwa ndi ò mbarza ò nyòla à anyu e?

Ɛ̀hvìrzìyà 6:11

È akpatɛ rzɔ nà hwèèmà hwe arzɛ hwe njuma è mà Lohwɛ̀ à è ŋgbèlì, aŋga nanù è tànɛyi lì teŋgɛ̀nɛ̀yi Mòkarzɛ̀ meyànò mè eni.

1 Tìmotì 3:6

A rza àŋgàmɛ̀nɛ̀yi ndi lì hwɛ mòtò ema a rzi ku mbɔ, o lì lòkɛ̀ Krirztò, ene e tànɛyi lì mo gbeyà ema, ayèkirzɛ, o lì kpa, na o lì luwa kɔ̀kìrzɛ̀ molemilemi na oma Mòkarzɛ̀ à mà kpe rzìi a luwa kɔ̀kìrzɛ̀.

2 Tìmotì 1:15

Ò hwiye oma hwatò hwa arzɛ hwa ama Krirztò hwa mà nò rzɔ̀rzɔ̀ ò erzòòkà yà Èrzìyà. Hvìjɛ̀lùrzì nà Hɛ̀mòjɛ̀nìrzì wɔ̀ hvɛ hwa mà hwɛ ò mòndèŋgè mò hwatò ema hwa mà nò rzɔ̀rzɔ̀.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

2 Tìmotì 4:3

È hvonda e o jà ema hwatò hwa rza òkànèyà hwèyòkòlèlì hwe jɔ̀kɛ̀, ndi wɔ̀ hwa o gbeyà ndi mamɛ mèèmà me awu me hwa ohweyà o lì gbeyà. Ndèŋgana wɔ̀ hwa o lìŋgàna ndi o lì òkànèyà hwà-òkòlèlì ema hwa o wo òkolɛ mamɛ ema wɔ̀ hwa lìŋgàni lì hweyà.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

Jèmìrzì 1:6

Ndi inyɔ e kànɛ tɛ rzìi e a akowana Lohwɛ̀, inyɛ e lòkɛ̀ nanù ema a e ŋgba mamɛ ema e mo arzana, e rzi hwɛ inyɔ lì tàmà. È mòtò ema a tàmà, a hwèlì ndi nàa hwemunɛ hwe ŋmànja ema e mbɛ̀hvɛ̀nì e uŋgɛlɛ èki ya arzɛ.

Jèmìrzì 3:4

Tɔ̀ e wowe hvɛ embànelì na mèelì me ŋmànja ema me hwèlì o ŋmànja. Tɔ̀ nɛ mèelì me ŋmànja me olo rzàyi-rzàyi, e mbɛ̀hvɛ̀nì ya ŋginyà ndi e me ɛ̀ndɛ̀nɛ̀. È mòtò ema a luka meŋge mèelì me ŋmànja a gbeyàna ndi hwàanà hwewambo ò lì ɛndɛnɛ mèelì me ŋmànja o tɔ̀ ima èki ema mɔ̀ àrza nanù ema mèelì me ŋmànja me ɛndɛ.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.

1 Yòwanìrzɛ̀ 2:26

Imba nà è tìleya ndi hwene hweyà ò lì hvomɛ̀nɛ̀ hwaŋga hwatò ema hwa arza lì è lùkɛ̀lɛ̀.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

Judɛ 1:12

Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.