Ɛ̀hvìrzìyà 3:21 - Mokpwe: Bakwery (New Testament)

²¹ Inyɛ̀ èluhwe è hwɛ nà Lohwɛ̀, èhwanja ò hweyà hwe ndɛnɛ ema à hwèlì lì gbèeyà. Hwene hweyà hwe ɛnɛ̀hwɛ̀ ò lì arzàŋganɛ là hwatò hwa Lohwà ndèŋgana hwe ɛnɛ̀hwɛ̀ ò hweyà ema Krirztò à gbèeyà. Èluhwe è hwɛ nà mɔ̀ ò ì hvonda jà arzɛ, ò gbìndèyà nà ò gbìndèyà. Inyɛ̀ wò lìya nanù.

Ɛ̀hvìrzìyà 3:21 Mawu Ofanana

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Ròmànì 11:36

Lohwɛ̀ ndi à wèkì hwèèmà hwe arzɛ. Mɔ̀ ndi à gbèyi ndèŋgànà hweŋge hwèèmà hwe arzɛ hwe hwèlì lòŋgɛ. Ndèŋgànɛ̀lɛ̀ mɔ̀ ndi à hwɛni hweŋge hwèèmà hwe arzɛ. Èluhwe è hwɛ nà Lohwɛ̀ ò gbìndèyà nà ò gbìndèyà. Inyɛ̀ wò lìya nanù.

Ròmànì 16:27

Lohwɛ̀ mɔ̀ ŋmìti mɛnɛ ndi à hwɛni lìhwiyè la arzɛ. Inyɛ̀ i mò ŋgbe èluhwe èhwanja eyà ema Yerzù Krirztò à mà gbeyɛ, ò gbìndèyà na ò gbìndèyà. Inyɛ̀ wò lìya nanù.

Gàletìyà 1:5

Èluhwe è hwɛ nà Lohwɛ̀ ò gbìndèyà nà ò gbìndèyà! Inyɛ̀ wò lìya nanù.

Ɛ̀hvìrzìyà 1:6

À jò gbèyi ema i hwɛ hwàànà wà eni aŋga nanù irzɔ i mò eka ò hweyà hwe gbamù ema à mà gbeyɛ. À jò ŋgbèlì è ndèli yà eni ndɛnɛ ò ŋgundu. Irzɔ i lù eŋge ndèli ehwànja ì hwèlì ndi mɔ̀kɔ nà è ŋmanà wà eni wà munyanà ema mɔ̀ à lìŋgàni rzayi-rzayi.

Ɛ̀hvìrzìyà 2:7

Lohwɛ̀ à mà jo gbèeyà ene eyà ya gbamù, o lì jo uŋmɛ̀lɛ̀ ŋmèma mo eni mo gbamù lì akeyà nà Yerzù Krirztò. Aŋga nanù o hvonda ema e o jɛ̀ɛ̀, hwatò wo ɛnɛ nɛ e ndèli ya eni ya ehwàŋgì e àkàyi hweyà hwe arzɛ.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Hvìlipìyà 2:11

Hwàto hwa arzɛ hwa o ohwa nanù ema Yerzù Krirztò ndi à hwèlì e Rzàŋgo. Aŋga nanù Lohwɛ̀ ema a hwèlì e Tatɛ̀ a o luwa èluhwe.

Hvìlipìyà 4:20

Èluhwe è hwɛ nà Lòohwà là arzu, Tatɛ̀ hwa arzu natɛ̀ɛ nà ò gbìndèyà. Inyɛ̀ wò lìya nanù.

2 Tìmotì 4:18

Rzàŋgo, à ò nò rzùŋgà lòŋgɛ là ami ò tɔ̀ ima lìtumba là wòhwe ema lì ò nò urzuweyà, à ò nò timba gbamù ò Lìkànèyà là eni là è ŋmanyu yà Lohwà. Èluhwe yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

1 Pètrò 2:5

Inyɔ e jèe e hwɛ ndi nàa màŋyàyi ema mà hwèlì lòŋgɛ ema Lohwɛ̀ a gbeyàna o lì oŋga e ndawò ya eni ya èlìŋgɛ̀. Ndeŋgànɛlɛ o tenì ya eŋge ndawò ɔndi inyɔ e o mo gbèeyà. È o hwɛ ndi pìlìrzì ja wòtani, ema e o mo ŋgbɛ màhwèyà ma wòtani ema mɔ̀ à o emeyà lì akeyà na Yerzù Krirztò.

1 Pètrò 5:11

Iŋginyà ja arzɛ ì hwèlì ndi è jà eni natɛ̀ɛ nà ò gbìndèyà. Inyɛ̀ wò lìya nanù.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.