Ɛ̀hvìrzìyà 3:20 - Mokpwe: Bakwery (New Testament)

²⁰ Lohwɛ̀ à hwɛni ŋginyà ò lì gbeyà hweyà hwe ndɛnɛ ema hwe akayi hweyà ema è mò ijòwa. À gbèeyà hweyà lì aka tɔ̀ mamɛ ema irzɔ i lùtèyà nanù ema à tànɛyi lì gbeyà. À gbeyàna è ŋginyà yà èni ema è hwèlì ò tenì yà arzu ò lì gbeyà hwene hweyà.

Ɛ̀hvìrzìyà 3:20 Mawu Ofanana

Matiyò 3:9

È rzi ɔ̀ŋgɛlɛ hvɛ̀ èma è tànɛyi lì hwaŋga hwèkɔ̀kìrzèlì hwe ama Lohwɛ̀ ò lì àwòhwànɛ̀lɛ̀ inyɔ hwiti nanù ema, è hwèlì ndi hwàànà hwa ama Abràhamù. Ndi nà è òhwèyà ema Lohwɛ̀ à tanɛ̀yi lì gbèya na manù màŋyàyi ò lì mà gbèya ema mà hwɛ hwàànà hwa ama Abràhamù.

Yòwanìrzɛ̀ 10:10

È ŋmìhwɛ̀ a jà ndì ò lì ìhwa, na lì òŋwa na ò lì hvàŋga. Ndi imba na jɛlɛlɛ ndi ema hwa luwe lòŋgɛ, rzi hwa lì lùwa jɔ̀ɔ̀jɔ̀.”

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

Ròmànì 4:21

A ma lòkɛ̀ na e tɛ̀ɛ̀tɛ̀ɛ nanù ema Lohwɛ̀ a gbeyà mamɛ à mà kàkɛ̀nɛ̀.

1 Kɔ̀rintìyà 2:9

Èya èŋge ema e tìlahwì o kààtì ya wòtani nanù ema, “Tɔ̀ mòtò a rza ɛni, tɔ̀ mòtò a rzi hweyi, tɔ̀ mòtò a rzi lutelì hwenè hweyà Lohwɛ̀ à rzɛ̀ŋgɛnɛ hwaŋga hwatò ema hwà mò lìŋgàni.”

2 Kɔ̀rintìyà 9:8

Lohwɛ̀ a e ŋgba hwèèmà hwe arzɛ ema e arza, aŋga nanù oma inyɔ e ma ohva hwèèmà hwe arzɛ ema ya arza, oma inyɔ hvɛ e ma oŋgòwànà hwahvɛhvɛ hwatò. Ène ye e gbeyà nanù ema e gbèeyà hwatò hweyà hwe rzayi-rzayi hwe gbamù.

Ɛ̀hvìrzìyà 1:19

Nà kanɛ̀ hvɛ nanù ema, è hwiya è ŋginyà yà eni ndɛnɛ ema è olò lì aka hweyà hwe arzɛ, ndèŋgànà eŋge ŋginyà ndi è jò oŋgòhwànà irzɔ ema ì mò lòkɛ̀yì. Ène ŋginyà ndɛnɛ,

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.

Hibrù 11:19

Abràhamù a mà lòkɛ̀ nanù ema Lohwɛ̀ a hwɛni ŋginyà o lì hvùmùlɛ̀ tɔ̀ mòtò ema à mà ŋwɛɛ. O eŋgànɛ̀lɛ̀ irzɔ i tanɛ jo òhwa nanù ema Abràhamù à mà timba ndi lì luwa Irzàkì o mburza hwèhvùmùwèlì hwe e kpelì hwe ama Irzàkì.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

Jèmìrzì 4:12

Lohwɛ̀ ndi à ŋgbàà e mbenda, ndèŋgànɛ̀lɛ̀ mɔ̀ ŋmìti hvɛ ndi à kàyìrzɛ̀. Mɔ̀ ŋmìti ndi à tànɛyi lì rzùŋga mòŋgɛ ma hwatò ndèŋgana mɔ̀ ŋmìti ndi à tànɛyi lì ma hvàŋga. Ndi njɛ̀nɛ o wa o ɔ̀ŋgɛ̀lɛ nanù ema o hwèlì o lì kàyìrzɛ̀ hwatò e?

2 Pètrò 1:11

O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.