Ɛ̀hvìrzìyà 3:15 - Mokpwe: Bakwery (New Testament)

¹⁵ Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Ɛ̀hvìrzìyà 3:15 Mawu Ofanana

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Ɛ̀hvìrzìyà 1:10

Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 1:21

Krirztò à hwèlì aŋga, à kànèyà iŋginyà ja arzɛ nà hwàkànèlì hwa arzɛ. Lìinà là eni lì hwɛni ŋginyà lì aka mìinà mà hwàkànèlì hwa arzɛ ema hwa hwèlì ò naŋgɛ nà ò è hvonda ema è ò jɛ̀ɛ̀.

Ɛ̀hvìrzìyà 3:14

Lìtiŋga lìni ema nà rzùma màwɔ̀ŋgɔ̀ŋgɔ̀ mà ami ò rze ò worzo wò ama Tatɛ̀ ò lì è kanɛ̀lɛ̀lɛ̀.

Ɛ̀hvìrzìyà 3:16

Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Kòlòrzìyà 1:20

Lohwɛ̀ à mà gbeyà ndi nanù, aŋga nanù hwèèmà hwe arzɛ hwe ò mò jèeyà ò rze yà eni ò lì akeyà nà Krirztò. Hwene hwèmà hwe hwèlì ndi è hweyɔ hwe anu rze yà mɔ̀nyɛ̀ nà è hwè ŋmanyu yà lohwà, ehwànja è ŋmanà wà eni à mà kòma màyija mà eni ò mbàrza. Ò nàŋgɛ nanù hwèèmà hwe arzɛ hwe tànɛyi lì hwɛ ò ɛ̀yɔ̀lɛ̀ nà Lohwɛ̀.

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Hwèwulùwèlì 3:12

Hwàto ema hwa lìya lì aka hweyà hwe wòhwe, nà ò hwa ika ò lì hwɛ màwòndì ò è ndawò yà ama Lòohwà là ami ndèŋgànɛ̀lɛ̀ hwa rza ò anjiya ò tenì hvɛ. Nà ò tìla lìinà là ama Lòohwà là ami ò inyo jà awu, nà ò tìla lìinà là è mbowà ndɛnɛ yà ama Lòohwà là ami, è Jèrurzalɛ̀mù hvènya ema è uwɛlɛlɛyi ò ŋmanyù yà lohwà ò mà Lòohwà là ami. Nà ò tìla hvɛ lìinà là ami lì hvènya ò inyo jà awu.