Ɛ̀hvìrzìyà 2:17 - Mokpwe: Bakwery (New Testament)

¹⁷ Krirztò à mà jà hvɛ ndì ò lì è ohwà inyɔ ema è rza enje wònyà Yudà Ŋmɛ̀ndì mò Gbamù mò ɛ̀yɔ̀lɛ̀, inyɔ ema è mà rzɔ̀lɛ̀nɛ̀ Lohwɛ̀. À mà ohweyà hvɛ wònyà Yudà nanù mɛnɛ, wɔ̀ ema hwa mà kombɛ̀nɛ̀ Lohwɛ̀.

Ɛ̀hvìrzìyà 2:17 Mawu Ofanana

Matiyò 10:13

È hwèlì tɛ ema, hwa e kàrzɛ tɛ, inyɛ ììkɔ̀mi ja anyu ja ɛ̀yɔ̀lɛ̀ ya ama Lohwɛ̀ e hwɛ na wɔ̀. Hwa rza e kàrzɛ hvɛ tɛ, inyɛ iikɔ̀mi ja anyu i e tìmbeyà.

Lukàrzɛ̀ 15:8

“È hwèlì tɛ ema mòlanà à òhvi lìyòmɛ̀ la kahvà ò lìya, rzìi kahvà hvɔ̀kɔ e wɔ̀ ò tenì ya ndawò yà èni, rzèkɛ òŋgò mòlanà à hwɛnì lì hvàalɛ etùlù, rzìi a wòteya hvɛ lì tutà è ndawò, ò lì ɔ̀ŋgɔ kɔ̀yi-kɔ̀yi natɛ̀ɛ à lùwà èŋge kahvà e?

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 2:39

Lini lì kàkɛ̀nɛ̀ lì hwèlì ndi è la anyu na hwàànà hwa anyu na hwaŋga hwatò ema hwa rzɔlɛnɛyi ema hwa rza enje wònyà Yudà. È hwèlì ndi nàa tɔ̀ ima mòtò ema Rzàŋgò ya arzu Lohwɛ̀ à mà hwɛlɛ ò lì hwɛ na mɔ̀.”

Ròmànì 10:14

Nɛ rzɔ wɔ̀ hwa tànɛyi lì mò hwɛlɛ nanù ema a hwa òŋgòwane, e hwèlì tɛ nanù ema wɔ̀ hwa rzi mò lòkɛ̀ e? Ndèŋgàna nɛ wɔ̀ hwa tànɛyi lì mò lòkɛ̀ e hwèlì tɛ nanù ema wɔ̀ hwa rzi òkanelì ŋmɛ̀ndì mò eni e? Ndeŋgànɛ̀lɛ̀ nɛ wɔ̀ hwa tànɛyi lì hweyà e hwèlì tɛ nanù ema tɔ̀ mòtò a rza hwa òhwèlì lì hvòmɛ̀nɛ̀ mònò ŋmɛ̀ndì e?

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

Ɛ̀hvìrzìyà 4:21

Nà hwi nanù ema e ma hweya hweyà hwe jɔ̀kɛ̀ lì hvomɛ̀nɛ̀ Krirztò. Nà oma e ma hwɛ mòtò mɔ̀kɔ na mɔ̀, hwà mà e ohweyà hweyà o lì mo hvomɛ̀nɛ̀.