Ɛ̀hvìrzìyà 2:14 - Mokpwe: Bakwery (New Testament)

¹⁴ Krirztò mɔ̀ ŋmìti mɛnɛ, mɔ̀ ndi à hwèlì e mɔ̀ ema a jo janelì ɛ̀yɔ̀lɛ̀. A ma gbeyà hwatò hwa wònyà Yudà na hwaŋga hwatò ema hwa rza enje wònyà Yudà o lì hwɛ mòtò mɔ̀kɔ. È kpelì ya eni e ma ulɛ ɛ̀kɔ̀wù o ìtììtènì ja anyu. Èŋge ɛ̀kɔ̀wù e ma hwɛ ndi nàa erzù ema e ma jo kahwa.

Ɛ̀hvìrzìyà 2:14 Mawu Ofanana

Lukàrzɛ̀ 1:79

Mònò mòrzɔnji-rzɔnji mò igbèyi, mò ò uŋmɛ̀lɛ̀ hwaŋga hwatò ema hwa hwèlì ò jìtìtì, nà è wɔ̀ hvɛ ema hwa kòmbɛ̀nɛ̀ è kpelì, ŋmàye. Ndèŋgàna irzɔ jò ò lùwa lìhwiyè ema lì jò uŋmɛ̀lɛ̀ è njiya ema e jànà lòŋgɛ la ɛ̀yɔ̀lɛ̀.”

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Yòwanìrzɛ̀ 10:16

Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 11:52

Rzekɛtɛ ò wònyà Yudà mɛnɛ ndi ò lì rzàŋga hwatò hwa arzɛ hwa ama Lohwɛ̀ ema hwa wuhwèlì ò èki yɔ̀kɔ, aŋga nanù hwa hwɛ mòtò mɔ̀kɔ.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Ɛ̀hvìrzìyà 2:15

À mà gbeyà è mbenda yà wònyà Yudà è rza ohvi ŋginyà hvɛ. À mà gbèeyà ndi nanù, aŋga nanù, à rzàŋga wònyà Yudà nà hwaŋga ema hwa rza enje wònyà Yudà ò lì tìmba nàa mòtò mɔ̀kɔ mohvènya ema nà wɔ̀ hwa hwɛ ndi mòtò mɔ̀kɔ nà Krirztò. Ò èŋgànɛ̀lɛ rzɔ nà oma à gbèyi ene eyà nanù, mɔ̀ à mà jànà ɛ̀yɔ̀lɛ̀ ò ìtììtènì jà wònyà Yudà nà hwaŋga ema hwa rza enje wònyà Yudà.

Ɛ̀hvìrzìyà 2:17

Krirztò à mà jà hvɛ ndì ò lì è ohwà inyɔ ema è rza enje wònyà Yudà Ŋmɛ̀ndì mò Gbamù mò ɛ̀yɔ̀lɛ̀, inyɔ ema è mà rzɔ̀lɛ̀nɛ̀ Lohwɛ̀. À mà ohweyà hvɛ wònyà Yudà nanù mɛnɛ, wɔ̀ ema hwa mà kombɛ̀nɛ̀ Lohwɛ̀.

Ɛ̀hvìrzìyà 3:15

Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Ɛ̀hvìrzìyà 4:16

Krirztò à rzàŋga hwatò hwa eni ò èki yɔ̀kɔ nà oma ikɛŋgɛ jà è nyo i làta è nyo yà mòtò. Tɔ̀ ima ènàmà yà nyo è gbèyi tɛ èwòlò yà eni èwòlò, nanù oma è nyo yà arzɛ è oŋga nà lì eta. Nànù hvɛ ndi è hwèlì nà mòndeŋgè mò hwatò hwa ama Lohwɛ̀.

Kòlòrzìyà 1:20

Lohwɛ̀ à mà gbeyà ndi nanù, aŋga nanù hwèèmà hwe arzɛ hwe ò mò jèeyà ò rze yà eni ò lì akeyà nà Krirztò. Hwene hwèmà hwe hwèlì ndi è hweyɔ hwe anu rze yà mɔ̀nyɛ̀ nà è hwè ŋmanyu yà lohwà, ehwànja è ŋmanà wà eni à mà kòma màyija mà eni ò mbàrza. Ò nàŋgɛ nanù hwèèmà hwe arzɛ hwe tànɛyi lì hwɛ ò ɛ̀yɔ̀lɛ̀ nà Lohwɛ̀.

Kòlòrzìyà 2:20

È hwèlì ndi nàŋgɛ nanù, na oma Krirztò a ŋwelì inyɔ hvɛ e ŋwelì na mɔ̀. O eŋgànɛ̀lɛ̀ rzɔ, inyɔ e rza enje o rze ya e mbenda ya e rze ya mɔ̀nyɛ̀ hvɛ. Mamɛ rzɔ ndeŋgàtɛ inyɔ e hwèlì e oŋgama ndi iŋgi mbenda hvɛ o a ɛnɛ o ma e rze e hwèlì ye e kànèyà nanù mɛnɛ e?

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

Kòlòrzìyà 3:15

Krirztò à mà gbeyà inyɔ è à ohvanɛ ɛ̀yɔ̀lɛ̀ mɔ̀kɔ nà ɔ̀nɛyi. Ò eŋgànɛlɛ rzɔ eŋge ɛ̀yɔ̀lɛ̀ è hwɛni lì è timba ò hweyà hwe arzɛ ema è gbeyà. Inyɔ è àŋgàmɛ̀nɛ̀yi lì eka Lohwɛ̀ ò ihvonda jà arzɛ

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Hibrù 7:2

Abràhamù à mà mo ŋgbà lòŋgo lɔ̀kɔ la lìyomɛ la mamɛ ya arzɛ ema à mà uhwane o njùma. Jànda ja worzò ja lìna la Mɛlkirzɛdɛki o mbɔrzi ya Hibrù lì hwèlì ndi nanù ema, “È kiŋgɛ̀ ema e ma tɛ̀mɛ̀ ehve-ehve.” Jànda ema jo ùkirzɛ̀ ihwàkɛ i hwèlì ndi nanù ema, “È kiŋgɛ̀ ya Rzàlɛ̀mu.” Èma e hwèlì ndi, “È kiŋgɛ̀ ya ɛ̀yɔ̀lɛ̀.”