Ɛ̀hvìrzìyà 1:7 - Mokpwe: Bakwery (New Testament)

⁷ Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 1:7 Mawu Ofanana

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Matiyò 26:28

Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì ja hwatò. Manù màyija mà hwèlì ndi màyija mà hweyi hvènya, nanù ema Lohwɛ̀ à hwa làkìrzɛ̀ wòhwe wò awu.

Matiyò 6:12

“Ò jò làkìrzɛ̀ wòhwe wò arzu, nà òma irzɔ̀hvɛ i làkìrzɛ̀ tɔ̀ ima mòtò ema à jò gbeyànì wòhwe.

Makòrzì 14:24

Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì jà hwatò. Manù màyija mà hwèlì ndi màyija mà hweyi hvènya.

Lukàrzɛ̀ 1:77

O ò gbeyà hwatò hwa aŋgɔ̀ ò lì hwiyà ema, Lohwɛ̀ ama hwa òŋgìrzɛ̀ èhwanja à mà làkìrzɛ̀ wòhwe wò awu.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Yòwanìrzɛ̀ 20:23

Tɔ̀ ima mòtò ema e làkìrzɛ̀yi wòhwe wò eni, wò làkìrzɛ̀hwɛ̀, e rza hwa làkìrzɛ̀ tɛ, hwa rza làkìrzɛ̀hwɛ̀.”

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Ròmànì 2:4

Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

Ròmànì 3:24

È ndèli ya ama Lohwɛ̀ e ma gbeyà Lohwɛ̀ ò lì wòwa hwatò nàa hwatò ema hwa emàyilɛ̀hwɛ̀yi ò wòrzò wò eni. A ma ŋgbàà e ndèli ya eni ò ŋgundu. A ma gbeyà nanù lì akeyà na Yerzù Krirztò mɔ̀ ema à mà rzuŋga hwatò ema hwa mò lòkɛ̀yì.

Ròmànì 3:25

Lohwɛ̀ à mà ŋgbà Yerzù nàa jàhwèyà ò lì e ŋwèeyà. Ndèŋgana hwatò hwa ò làkìrzɛ̀hwɛ̀ èhwanja hwa mò lòkɛ̀yì. Lohwɛ̀ à mà gbeyà ndi nanù ò lì uŋmɛ̀lɛ̀ hwatò hwa arzɛ kɔ̀yi-kɔ̀yi nanù ema, a gbeyà hweyà ŋgàna ema e hvòmɛ̀nɛ̀. O e hvònda kòhwa Lohwɛ̀ à mà àjùlɛ̀ na hwatò, a rzi kɔ̀kìrzɛ̀ hwatò ema hwa gbeyà wòhwe.

Ròmànì 9:23

Ndeŋgàna Lohwɛ̀ à mà arza hvɛ ò lì wuluhwa èluhwe ya eni ndɛnɛ, ò hwatò ema mɔ̀ à mà uŋmɛ̀lɛ̀ ŋmèma mò eni mò gbamù. A ma màa lì wòŋgirzɛnɛ hwaŋga hwatò ò lì luwa èluhwe ya eni.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Ɛ̀hvìrzìyà 1:14

Ène Èlìŋgɛ̀ yà Wòtani yɔ ndi e jo uŋmɛ̀lɛ̀ nanù ema i luwa hwèèmà ema Lohwɛ̀ à mà jo kàkɛ̀nɛ nanù ema i luwa. Irzɔ jo ò luwa hwene hwema e hvonda ema Lohwɛ̀ à ò jo rzolohwɛ irzɔ hwatò hwa eni o èki ema i kakahwi. Ène eyà e o gbèeyà hwatò wo ò eka Lohwɛ̀ o nyòla e ŋginyà ya eni ndɛnɛ.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 1:6

À jò gbèyi ema i hwɛ hwàànà wà eni aŋga nanù irzɔ i mò eka ò hweyà hwe gbamù ema à mà gbeyɛ. À jò ŋgbèlì è ndèli yà eni ndɛnɛ ò ŋgundu. Irzɔ i lù eŋge ndèli ehwànja ì hwèlì ndi mɔ̀kɔ nà è ŋmanà wà eni wà munyanà ema mɔ̀ à lìŋgàni rzayi-rzayi.

Ɛ̀hvìrzìyà 1:8

A jo ŋgbelì ene ndèli ya arzɛ, rzìi a jo ŋgbelì hvɛ lìhwiyè rzayi-rzayi na lì jo gbèeyà o lì rzɔ̀ŋgìtɛ̀nɛ̀ hweyà rzayi-rzayi.

Ɛ̀hvìrzìyà 2:4

Ndi Lohwɛ̀ ema a ondi na ììlì, na lì jo hwɛneya hvɛ ndìŋgɛ ndɛɛnɛ̀,

Ɛ̀hvìrzìyà 2:7

Lohwɛ̀ à mà jo gbèeyà ene eyà ya gbamù, o lì jo uŋmɛ̀lɛ̀ ŋmèma mo eni mo gbamù lì akeyà nà Yerzù Krirztò. Aŋga nanù o hvonda ema e o jɛ̀ɛ̀, hwatò wo ɛnɛ nɛ e ndèli ya eni ya ehwàŋgì e àkàyi hweyà hwe arzɛ.

Ɛ̀hvìrzìyà 3:16

Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Hvìlipìyà 4:19

O tenì ya mònàmɛ̀ mo eni mondɛnɛ, Lòohwà la ami a e ŋgba tɔ̀ mamɛ ema inyɔ e endelì, lì akeyà na Yerzù Krirztò.

Kòlòrzìyà 1:14

Lohwɛ̀ à mà jò làkìrzɛ̀ wòhwe wò arzu nà oma à mà jò kɔ̀te nà màyija ema è Ŋmanà wà eni à mà kòme ò mbarzà.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 2:13

Ò mòlòmɛ̀ inyɔ è mà hwɛ ndi nàa ò à ɛnɛ ema è mà ŋwa, ehwànja è mà hwɛ lì unda è mbenda yà ama Lohwɛ̀. Ndèŋgàna ò eŋge hvonda, ema Krirztò à è ulɛ̀ ɛ̀ɛ̀mɛ̀ ya anyu yà wòhwe ò nyo. Ndi ò nàŋgɛ Lohwɛ̀ à mà è ŋgba lòŋgɛ lì hvènya nàa oma à mà jò hvùmùlɛ̀ nà Krirztò. À mà jò làkìrzɛ wòhwe wò arzu wò arzɛ.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

1 Tìmotì 2:6

A ma ŋgbaà lòŋgɛ la eni o lì ŋwèeyà hwatò hwa arzɛ. Èŋge kpelì ema à mà ŋwèeyà hwatò hwa arzɛ, e ma uŋmɛ̀lɛ̀ o e hvonda ya jɔ̀kɛ̀ nanù ema Lohwɛ̀ a arza nanù ema tɔ̀ ima mòtò a rzuŋgahwe.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Tàyìtùrzì 3:6

Lohwɛ̀ à mà akɛ̀lɛ̀nɛ̀ lì jò ŋgbàà Èlìŋgɛ̀ yà Wòtani lì akeyà na Yerzù Krirztò e Mòrzùŋgèlì hwa arzu.

Hibrù 9:22

Ò jɔ̀kɛ̀, o lì hvomɛ̀nɛ̀ e mbenda ya ama Morzè, tɔ̀ ima yòma ema e ma hvahvahwa màyija yɔ ndi hwatò hwà mà wowe nanù ema e hwèlì wòtani. Ène ŋgàna e hwèlì ndi nanù ema wòhwe wo rza ohvi tɔ̀ lì làkìrzɛ̀ natɛ̀ɛ màyija ma komahwa o rze.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

1 Yòwanìrzɛ̀ 2:12

Inyɔ ema è hwèlì nàa hwàanà hwa ami, nà è tìleya ehwànja Lohwɛ̀ à mà è làkìrzɛ̀ wòhwe wò anyu ò lìinà là ama Yerzù Krirztò.

1 Yòwanìrzɛ̀ 2:2

Krirztò ŋmìti à mà hwɛ ndi nàa jàhwèyà ema Lohwɛ̀ à mà gbeyàne o lì jo kɔ̀tɔ̀ o wòhwe ema i ma gbeye. A ma gbeyà ndi nanù aŋga nanù irzɔ i luwa lì làkìrzɛnɛ. Rzeketɛ o wòhwe wo arzu mɛnɛ ndi o wòhwe wo hwatò hwa arzɛ hwa ene rze.

1 Yòwanìrzɛ̀ 4:10

Nànù ndi è ndìŋgɛ yà jɔ̀kɛ̀ è hwèlì, è rza enje ndi nanù ema ì mà lìŋgàna Lohwɛ̀, ndi è hwèlì ndi nanù ema à mà jò lìŋgàna rzìi à jò òmeya è Ŋmanà wà eni wà Mùnyanà nàa jàhwèyà ò lì jò kɔ̀tɔ̀ ò nyòla wòhwe ema irzɔ ì mà gbèèyɛ̀.

Hwèwulùwèlì 14:4

Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.