Ɛ̀hvìrzìyà 1:17 - Mokpwe: Bakwery (New Testament)

¹⁷ Ndèŋgànɛ̀lɛ̀ nà kanɛ̀ ndi nanù ema Lòohwà là ama Rzàŋgo yà arzu Yerzù Krirztò, Tatɛ̀ yà èluhwe, à è ŋgbe Èlìŋgɛ̀ yà Wòtani nà ò lì rzɔ̀ŋgìtɛ̀nɛ̀ iŋgi wùndɛ̀ jà hweyà ema hwe utamì aŋga nanù è hwe hwiya gbamù.

Ɛ̀hvìrzìyà 1:17 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 16:17

Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.

Matiyò 20:33

Hwà mà mò alàhwɛ̀ nanù ema, “Ìi Rzàŋgò, irzɔ ja arza ema ò gbèèye ema je ɛnɛ.”

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Lukàrzɛ̀ 12:12

Èhwanja èŋge hvònda Èlìŋgɛ̀ yà Wòtani yò òhweyà mamɛ ò hwɛnì lì òhwà.”

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Yòwanìrzɛ̀ 14:17

Oŋgò Mòòŋgòwànèlì ndi à hwèlì Èlìŋgɛ̀ ema e wurzirzɛ e jɔ̀kɛ̀ ya ama Lohwɛ̀. Hwatò hwa rze hwa rza tànɛyi lì mò emeyà, èhwanja wɔ̀ hwa rzìi mò ɛnɛ, ndèŋgànɛlɛ hvɛ hwa rza mò hwi. Ndi inyɔ e mò hwi, èhwanja a hwèlì na inyɔ, ndèŋgànɛ̀lɛ̀ hvɛ a ò hwɛ ò tenì ya anyu.

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 16:3

Wɔ̀ wò ò gbeyà ndi hwèŋge hweyà èhwanja, wɔ̀ hwa rzi hwi Tatɛ̀ tɔ̀ imba.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

Hwègbèèlì 6:10

Ndi Èlìŋgɛ̀ yà Wòtani e ma mò ŋgba nyayi tumba ya lìhwiyè ema mɔ̀ à mà òhwa tɛ eyà wɔ̀ hwa rzìi tànɛyi ò lì eŋgòwa.

Hwègbèèlì 7:2

Rzìtehvànɛ rzìi a alàhwɛ̀ wòlìya wò mbòwa nanù ema, “Wònyamòwè na hwa tààtɛ̀, e nò òkànèyà tɛ. Lòohwà la èluhwe lì ma wurzeya rzàŋgò wa arzu Abràhamù e hvònda ema à mà hwɛ ò erzòòkà ya Mèrzòpòtemìyà ndèŋgànà mɔ̀ à e ɛ̀ndɛ ò lì lìya ò e mbòwa ya Halànì.

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

Ròmànì 15:6

Àŋga nanù lì a àrzàŋgànɛ̀ lì anyu lì gbeyà e òhwa ndi eyà yɔ̀kɔ ò lì eka Lohwɛ̀, e Tatɛ̀ ya ama e Rzàŋgò ya arzu Yerzù Krirztò.

1 Kɔ̀rintìyà 12:8

Èlìŋgɛ̀ yà Wòtani e lìyɛlɛ mòtò mɔ̀kɔ o lì ohwa hweyà hwe lìhwiyè, èŋge èlìŋgɛ̀ yà wòtani mɛnɛ e lìyɛlɛ o hvɛhvɛ mòtò o lì okolɛ̀ hwatò na lìhwiyè.

1 Kɔ̀rintìyà 14:6

Ìi wònyàmòwe kòkò, imba nà è jɛlɛlɛ tɛ rzi na è ohwàna ihvɛhvɛ mbɔrzi, nɛ imba na tànɛyi lì è òŋgòwàna e? Ndi nà è janelì tɛ hwèwùlùwèlì, ema Lohwɛ̀ a no wuluhwèlì tɔ̀ lìhwiyè ema na ohvi, tɔ̀ lì ohwa la ŋmɛ̀ndì mo ama Lohwɛ̀, tɔ̀ hweyà ema na o e okolɛ̀, iŋgi tumba ja hweyà ndi i tànɛyi lì e òŋgòwàna.

1 Kɔ̀rintìyà 2:10

Ndi, Lohwɛ̀ à mà gbeyàna Èlìŋgɛ̀ yà Wòtani o lì jò uŋmɛ̀lɛ̀, hwènè hweyà hwe arzɛ. Èlìŋgɛ̀ ya ama Lohwà è arzìrzɛ̀ hweyà hwe arzɛ, ndèŋgàna e hwi hweyà hwe arzɛ, na ìwùndɛ̀ ja ama Lohwɛ̀ ema mòtò a rza tànɛyi lì rzɔ̀ŋgìtɛ̀nɛ̀.

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

2 Kɔ̀rintìyà 12:1

Nà hwɛ ndi o lì kumba lìya la ami o kòkò nanù mɛnɛ. Tɔ̀ nɛ eŋge e rza oŋgòwànà. Nà hwɛni ndi lì ɛndɛ o worzo ò lì ohwà jɛ̀nɛ̀nì nà mà ɛnɛ, na hweyà ema Rzàŋgo à ma no uŋmɛ̀lɛ̀.

Ɛ̀hvìrzìyà 1:3

Inyɛ̀ je eke Lohwɛ̀. Mɔ̀ ndi à hwèlì Lòohwà la ama Rzàŋgo wa arzu Yerzù Krirztò na Tatɛ̀ ya eni. Lohwɛ̀ ndi à hwèlì e mɔ̀ ema à mà jo nàmìrzɛ̀ na menàmirzelì me arzɛ ema me uwɛ̀lɛ̀lɛ̀yi o ŋmanyu yà lohwà. A gbèyi ndi nanù èhwanja irzɔ ima hwɛ ndi mɔ̀kɔ na Krirztò.

Ɛ̀hvìrzìyà 3:5

Ò mòlòmɛ̀ Lohwɛ̀ à rzi wùluhweyà hwatò hwa hwènàmà hwene hweyà ema tɔ̀ naŋgɛ tɔ̀ mòtò tɔ̀ mɔ̀kɔ à rza rzɔ̀ŋgìtɛ̀nɛ̀. Ndi ò naŋgɛ à mà gbeyàna è Èlìŋgɛ̀ yà eni ò lì uŋmɛ̀lɛ̀ hwà-òhwèlì hwa hwèlìŋgɛ̀ nà i àpɔ̀rzìtòlò ema hwa gbèeyà Lohwɛ̀ hwene hweyà.

Ɛ̀hvìrzìyà 4:13

Ène e o hwɛ natɛ̀ɛ na e hvonda ema irzɔ hwa arzɛ jo ò hwɛ mòtò mɔ̀kɔ ndèŋgàna na oma i lòkɛ̀ è Ŋmanà wà munyanà wa ama Lohwɛ̀ jo ò mo hwiya. I hwèlì tɛ nanù, e jo gbeyà jo ò hwɛ hwatò ema hwà mà oŋwɛ o ma i ma hwɛ nàa Krirztò ema a mo òŋwɛ.

Hvìlipìyà 3:15

O eŋgànɛlɛ rzɔ, inyɛ irzɔ hwa arzɛ ema i ma màa lì òŋgeyà o lìlòkɛ̀, inyɛ ja alɛ̀mbɛ̀nɛ ndi ene nyayi ya màlùtèyà o hwene hweyà. Ndi e hwèlì tɛ nanù ema inyɔ e ohvi tɛ ma hvɛhvɛ màlùtèyà o lì hvomɛ̀nɛ̀ hwene hweyà, aŋga nanù Lohwɛ̀ a o e oŋgòhwànà o lì hwe rzɔ̀ŋgìtɛ̀nɛ̀ gbamù.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Jèmìrzì 2:1

Wònyànyàŋgo wa ami kòkò. Inyɔ nàa hwàlòkèlì hwa ama Rzàŋgo wa arzu Yerzù Krirztò, e Rzàŋgo ema èluhwe ya eni e kàrzàmi, inyɔ e rza àŋgàmɛ̀nɛ̀yi lì ɛnɛ tɔ̀ ima mòtò rzìi e mo wowa o a ɛnɛ oma a ohvi wòlìto tɔ̀ a rza ohvi wòlìto.

2 Pètrò 1:3

È ŋginyà yà ama Lohwɛ̀ yà ŋmanyu è mà jò ŋgbàà hwèèmà hwe arzɛ ema jà arza ò lòŋgɛ, ndèŋgànɛ̀lɛ̀ è mà jò timba ò lì gbeyà nà oma Lohwɛ̀ à arza. Ène eyà è gbèyɛ̀nɛ̀ ndi nanù ehwànja i mò hwi, à mà gbeyàna è ŋginyà nà ŋmèma mò gbamù, ò lì jò hvɔ̀rzɔ̀ ò lì hwɛ hwatò hwa eni.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

Hwèwulùwèlì 7:12

Hwa mà hwɛ lì ohwa nanù ema, “Inyɛ̀ wò lìya nanù! Mònàmɛ̀, lì ekàhwà, lìhwiyè, jèka, èluhwe, màyìmbì nà ŋginyà inyɛ hwe hwɛ nà Lòohwà la arzu natɛ̀ɛ nà ò gbìndèyà! Inyɛ̀ wò lìya nanù.”