Ɛ̀hvìrzìyà 1:13 - Mokpwe: Bakwery (New Testament)

¹³ Inyɔ hvɛ è mà hweyà ŋmɛ̀ndì mò jɔ̀kɛ̀. Mòŋgo ŋmɛ̀ndì mò jɔ̀kɛ̀ mɔ̀ ndi mò hwèlì Ŋmɛ̀ndì mò Gbamù ema mò è jànelì lì kɔ̀tɔ̀wɔ̀. Inyɔ è lòkɛ̀ Yerzù ndèŋgànà è ma hwɛ ndi mòtò mɔ̀kɔ nà mɔ̀. Ène eyà è mà gbeyà Lohwɛ̀ à mà è ŋgbà Èlìŋgɛ̀ yà Wòtani ema à mà ohwe nanù ema à ŋgba hwatò hwa eni. Èŋge Èlìŋgɛ̀ yà Wòtani è hwèlì ndi nàa embànèlì ema è uŋmɛ̀lɛ̀ nanù ema inyɔ è hwèlì ndi hwatò hwa ama Lohwɛ̀.

Ɛ̀hvìrzìyà 1:13 Mawu Ofanana

Lukàrzɛ̀ 11:13

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”

Lukàrzɛ̀ 24:49

Nà è òmeyà mamɛ ema Tatɛ̀ wà ami à mà kàkɛ̀nɛ̀. Inyɔ è lìyà ò ène mbòwà, è ambɛ̀lɛ̀ natɛ̀ɛ yò òndìrzɛ̀hwɛ̀ nà è ŋginyà e uhweyà ò ŋmanyu yà lohwà.”

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Yòwanìrzɛ̀ 3:33

Tɔ̀ ima mɔ̀ ema a emeyà mamɛ ema a òhwi, nanù ò ma a emelì na ŋmèma mò eni mò arzɛ ema Lohwɛ̀ a hwèlì ndi Lohwɛ̀ na e jɔ̀kɛ̀.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Hwègbèèlì 1:4

Ò wùnyà wɔ̀kɔ ema hwa mà arzàŋgànɛ, ò hwèlèèlì hwe awu nà mɔ̀, rzìi à hwa kòkòhwɛ̀lɛ̀ kɔ̀yi-kɔ̀yi nanù ema, “È rzi keka lì anjiya anù mbòwà ya Jèrurzalɛ̀mù, ndi e ambɛ̀lɛ̀ natɛ̀ɛ è lùwa jàhwèyà ema Tatɛ̀ wa ami à mà è kàkɛ̀nɛ̀. Iŋgi jàhwèyà ndi nà mà lòme lì è òhwèyà.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

Ròmànì 1:16

Imba nà rza òka ìrzɔnì ò lì òhwa Ŋmɛ̀ndì mò Gbamù, èhwanja mɔ̀ ndi mò hwèlì màyìmbì mà ama Lohwɛ̀ ema mò mà jànà lì rzùŋgàhwa ò hwatò hwa arzɛ ema hwa mò lòkɛ̀ lìwòteyà ò hwaŋga hwatò ema hwa hwèlì wònyà Yudà nà hwaŋga ema hwa rza enje wònyà Yudà.

Ròmànì 4:11

Hwa mà mò endà ò mburza hvònda ema Lohwɛ̀ à mà màa lì mò emeyà. Nà òma hwa mà mò endè, eŋge è mà hwɛ ndi ɛ̀mɛ̀nɛ̀nì, ò lì òndìrzɛ̀ nanù ema, à mà emeyàlɛhwɛ ò wòrzò wò ama Lohwɛ̀ nàa mòtò ema à tɛmì ehve-ehve èhwanja à mà lòkɛ̀ Lohwɛ̀. Tɔ̀ nɛ è hvònda ema à mà emeyàlɛhwɛ ema à tɛmì ehve-ehve òma à rza endàhwi. Èŋge eyà è mà hwɛ ndi nanù aŋga nanù Abràhamù mɔ̀ ndi à hwɛ è tatɛ̀ yà hwaŋga hwatò hwa arzɛ ema hwa rza endàhwɛ̀, ema hwa emeyàlɛhwɛ nàa hwatò ema hwa tɛmì ehve-ehve èhwanja hwa lòkɛ̀ Lohwɛ̀.

Ròmànì 6:17

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ.

2 Kɔ̀rintìyà 1:22

Lohwɛ̀ à mà jo ika embànèlì ya eni o lì uŋmɛ̀lɛ̀ nanù ema i hwèlì ndi hwatò hwa eni. A ika hvɛ Èlìŋgɛ̀ yà Wòtani o mèèmà me arzu, o lì uŋmɛ̀lɛ̀ ema i lùwa mamɛ ya arzɛ ema a jo kàkɛ̀nɛ̀yi.

2 Kɔ̀rintìyà 6:7

Ŋmɛ̀ndì ema jo òhwa, mo hwèlì ndi ŋmɛ̀ndì mo jɔ̀kɛ̀, ndèŋgànɛlɛ e ŋginyà ya ama Lohwɛ̀ yɔ ndi i gbeyàna o lì mo òhwa. Nà oma i gbeyà hweyà hwe gbamù, e ma gbeyà hwatò hwa rza ohvi tɔ̀ eyà ya wòhwe o lì jo rzambana.

Gàletìyà 3:14

Krirztò à mà gbeyà ndi nanù ò lì arza nanù ema mònàmɛ̀ ema Lohwɛ̀ à mà kàkɛ̀nɛ̀ Abràhamù mò ŋgbahwe hvɛ hwaŋga ema hwa rza enje wònyà Yudà. Èŋge è ma gbeyà ema lìlòkɛ̀ ema ì mò lòkɛ̀ lì mà gbeyà ema irzɔhvɛ ì lùwe Èlìŋgɛ̀ yà Wòtani ema à mà kàkɛ̀nɛ̀ nanù ema à jò ŋgba.

Ɛ̀hvìrzìyà 4:21

Nà hwi nanù ema e ma hweya hweyà hwe jɔ̀kɛ̀ lì hvomɛ̀nɛ̀ Krirztò. Nà oma e ma hwɛ mòtò mɔ̀kɔ na mɔ̀, hwà mà e ohweyà hweyà o lì mo hvomɛ̀nɛ̀.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

1 Tɛ̀rzàlonìyà 2:13

O hwèlì hvɛ lì hvɛhvɛ lìtiŋgà ema lì gbèyi i ŋgbàa Lohwɛ̀ jèka ihvonda ja àrzɛ. È hvonda ema i ma e jàneyà Ŋmɛ̀ndì mo ama Lohwɛ̀, e ma mo hweyà, rzìi e ma mo imànɛlɛ. Inyɔ e rzi mo imànɛlɛ ndi nàa ŋmɛ̀ndì ema mo uwɛ̀lɛ̀lɛ̀yi na mòtò wà hwènàmà ndi e ma mo emeyà ndi nàa Ŋmɛ̀ndì ema mo uwɛ̀lɛ̀lɛ̀yì o ma Lohwɛ̀ ema o jɔ̀kɛ̀ nanù ndi e hwèlì. Ndeŋgànɛ̀lɛ̀ eŋge mbɔrzi ndi Lohwɛ̀ a gbeyàna o ìtììtènì ja anyu o lì oŋgowàna inyɔ ema e lòkɛ̀.

2 Tìmotì 2:15

O gbeye èwòlò ya aŋgɔ̀ na ŋginyà, aŋga nanù Lohwɛ̀ a ɛnɛ nanù ema o rza enje mògbèèlì ema a oka ìrzɔnì o lì gbeyà èwòlò ya eni. Ndèŋgànɛ̀lɛ̀ o hwɛni ndi lì hwɛ mòtò ema a okolɛ ŋmɛ̀ndì mò ama Lohwɛ̀ mò gbamù nà è jɔ̀kɛ̀.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

2 Tìmotì 3:15

Ndeŋgana o hwi ema lìwòteyà o hwàna o ma hwiya mamɛ eyà ya Lohwà e hwèlì. Ène eyà ya Lohwà yɔ ndi e o ŋgbelì lìhwiyè o lì hwiya nanù ema Lohwɛ̀ à mà o rzùŋga èhwanja o lòkɛ̀ Yerzù Krirztò.

Tàyìtùrzì 2:11

Lohwɛ̀ à mà oma e ndèli ya eni o ìtììtènì ja arzu, na oma à mà gbèye e njiya ema hwatò hwa arzɛ hwa tanɛyi lì luwa lì oŋgìrzɛ̀.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Jèmìrzì 1:18

Lohwɛ̀ à mà kàkɛ̀nɛ̀ nanù ema a jo ŋgba lòŋgɛ lì hvènya, e hvonda ema à mà jo ŋgbe eyà ya eni ya jɔ̀kɛ̀. A ma gbeyà ndi nanù, aŋga nanù o ìtììtènì ja ewèkelì ya eni ya arzɛ irzɔ i hwɛ ndi nàa e mbota ya eni ya worzo ema e mo ŋgbààhwà nàa làhweyà.

Jèmìrzì 1:21

O eŋgànɛ̀lɛ̀ rzɔ, inyɔ e hwɛmɛ hweyà hwe arzɛ hwe mbindo na hweyà hwe arzɛ hwe wòhwe ema e gbeyà. Nà lì arzìirzɛ lì arzɛ inyɔ ye emeyà eyà ema Lohwɛ̀ à mà onɛ o mèèmà me anyu. Èŋge eyà ndi Lohwɛ̀ a gbeyàna o lì e rzùŋgànà mòŋgɛ ma anyu.

1 Pètrò 2:10

O hvonda hvɔ̀kɔ, inyɔ e rzi hwɛ tɔ̀ hwatò hwa ama Lohwɛ̀, ndi o naŋgɛ e ma timba ndi hwatò hwa eni. O hvonda hvɔ̀kɔ ììlì ja ama Lohwɛ̀ i rzi e uke, ndi o naŋgɛ inyɔ e ma luwa ììlì ja eni.

Hwèwulùwèlì 7:2

Rzìi na ɛnɛ èhvɛhvɛ aŋgèlì ema e uwɛ̀lɛ̀lɛ̀yi o ehvàrzu ema igbèyi ji uwɛ̀lɛ̀lɛ̀yi, e ma ohva lì àyɛ̀kɛ̀nɛ̀ la Lòohwà la lòŋgɛ. Aŋga ndi eŋge aŋgèlì na lìlo lì kàrzàmi ya a hwɛlɛ iŋgi aŋgèlì ja aniyɛ ema i ŋgbàahwì màyìmbì o lì hvàŋga e rze na ŋmàànja,