2 Tìmotì 4:8 - Mokpwe: Bakwery (New Testament)

⁸ O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

2 Tìmotì 4:8 Mawu Ofanana

Matiyò 24:36

“Tɔ̀ mòtò tɔ̀ mɔ̀kɔ a rza hwi wòŋgò wùnyà tɔ̀ e hvònda ema hwene hweyà hwe gbèyɛ̀nɛ. Tɔ̀ i aŋgèlì ema i hwèlì ò ŋmanyu ya Lohwà tɔ̀ e Ŋmanà hwa rza hwi. Tatɛ̀ mɔ̀ ŋmìti ndi à hwi e hvònda ema hwene hweyà hwe ò gbèyɛ̀nɛ.

Matiyò 7:22

O wòŋgò wùnyà wò hwèkàyìrzèlì rzayì-rzayì ja hwatò hwa ò nò jèeyà lì òhwà nanù ema, ‘Rzàŋgò, Rzàŋgò rzeke irzɔ i mà hwɛ lì òhweyà hwatò hweyà ema Lohwɛ̀ à mà jò òmane ema i hwa òhweyà nanù ema hwe ò gbèyɛ̀nɛ̀. Rzeke i mà gbeyàna lìinà la aŋgɔ̀ ò lì hvaya hwèlìŋgɛ̀ hwe wòhwe ò hwatò, na lì gbeyà hvɛ rzayi-rzayi ja hweyà hwe mànyakà e?’

Lukàrzɛ̀ 10:12

Nà è òhweyà ndi e jɔ̀kɛ̀ nanù ema, ò wùnyà wò hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa Rzòdòmì lì aka inyɔ.

Ròmànì 2:5

Ndi ò wa ò òhvi ŋmèma ema mò eti ndèŋgàna ò rza arza lì timbeya Lohwɛ̀, ò eŋgànɛ̀lɛ̀ ò a òmbɛlɛlɛ ndi ò wà witi ò è kɔ̀kìrzɛ̀ ya ama Lohwɛ̀. À è kɔ̀kìrzɛ̀ ò Wùnyà wò hwèkàyìrzèlì. O wòŋgò Wùnyà, Lohwɛ̀ a ò uŋmɛ̀lɛ̀ hwetàtò wa eni, ndèŋgànɛ̀lɛ̀ mɔ̀ à uŋmɛ̀lɛ̀ nanù ema hwèkàyìrzèlì hwe eni hwe hvòmɛ̀nɛ̀yi.

Ròmànì 8:23

Rzeketɛ ewèkèlì yiti mɛnɛ ndi e ɔnyɔ. Irzɔ hvɛ ema jò òhvi Èlìŋgɛ̀ ema Lohwɛ̀ à mà lòma lì jò ŋgba nàa jàhwèyà ja wòrzò, irzɔ hvɛ i hwèlì jò ɔnyɔ ò mèèmà me arzu. I ma ika mèèmà me arzu me arzɛ ò lì ambɛ̀lɛ̀ eŋge hvònda ema Lohwɛ̀ a ò jò gbèèyɛ̀ hwàanà hwa eni, ò lì jò rzòlòwà inyò ja arzu ja arzɛ ò ŋgɔkɔhwi rzi a jò ŋgba nyò hvènya.

1 Kɔ̀rintìyà 2:9

Èya èŋge ema e tìlahwì o kààtì ya wòtani nanù ema, “Tɔ̀ mòtò a rza ɛni, tɔ̀ mòtò a rzi hweyi, tɔ̀ mòtò a rzi lutelì hwenè hweyà Lohwɛ̀ à rzɛ̀ŋgɛnɛ hwaŋga hwatò ema hwà mò lìŋgàni.”

1 Kɔ̀rintìyà 3:13

Ndi o wùnyà wo hwèkayirzelì, mùùnya mo hvurzirzɛ e tumba èwòlò ema tɔ̀ ima mooŋgelì a gbèyi. Mòŋgo mùùnya mo uŋmɛ̀lɛ̀ ŋga èwòlò yà mòtò tɛ è hwɛnì wòlìtò.

1 Kɔ̀rintìyà 9:25

Tɔ̀ ima mohwaŋgelì ema a hwɛnì lì hwaŋga lìhwaŋgi, à àjùlɛ̀nɛ̀ mètàkà me arzɛ. Hwa wòŋgirzɛnɛ ndi nanù, o lì wɔ̀tìrzɛ̀hwɛ ekooto ya èluhwe ya mbonji ema e rza hwɛ natɛ̀ɛ na o mòlìkɛ̀, ndi irzɔ i gbeyà ndi èwòlò ema i lùwàna morzawelì mò mòlìkɛ̀.

2 Kɔ̀rintìyà 5:2

Jo arzarzowɛ nàŋgɛ o tenì ya lìni lìwondo, i keka ema eŋge ndawò ema e uwɛ̀lɛ̀lɛ̀yi o ŋmanyu yà lohwà e o jo rzɔŋgɛ ndi nàa lìhwatù lì kumɛnɛ mòtò.

Hvìlipìyà 3:11

Nà àhvìtɛ̀ nanù ema hwene hweyà hwe arzɛ hwe o gbèyɛ̀nɛ aŋga nanù Lohwɛ̀ a o no hvùmùlɛ o mburza ya e kpelì ya ami.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

1 Tɛ̀rzàlonìyà 5:4

Ndi ìi wònyàmòwe kòkò, inyɔ hwitɛ-hwitɛ è rza enje ndi hwatò hwa wòhwe nàa hwatò ema hwa èlelì ò jìtìtì. Ò eŋgànɛlɛ rzɔ, wùùnya ema è Rzàŋgo è ò jɛ̀ɛ̀ à rza è uŋmànɛlɛ hvàkàlà nà oma è ŋmìhwɛ̀ à jà hvàkàlà.

2 Tɛ̀rzàlonìyà 2:8

Èŋge hvonda ndi e mòtò wa wòhwe a o wuluwahwɛ. Mɔ̀ a hwèlì ndi mòtò ema Rzàŋgo Yerzù a o òŋwɛ na muulu mo e wàna ya eni, ndèŋgànɛlɛ a o mo hvàŋga na ŋmàye mo eni mo nyo ema mo mɔ̀tɛ̀lɛ̀ rzàyi-rzàyi e hvonda ema mɔ̀ à o jɛ̀ɛ̀.

1 Tìmotì 6:19

Hwatò hwa gbèyi tɛ nanù, e gbeyà ndi o a ɛnɛ oma hwa uti ndi mònàmɛ̀ mo awu o ŋmanyu yà lohwà. Ène e hwɛ ndi nàa mɔ̀nɔ̀ŋgɔ̀ ema mo eti, o lì ètìrzɛ̀ kɔ̀yi-kɔ̀yi hweyà ema hwe o jɛ̀ɛ̀ o worzo. Àŋga nanù wɔ̀ hwa o luwa lòŋgɛ la jɔ̀kɛ̀ la kɔ̀yi-kɔ̀yi.

2 Tìmotì 1:10

Nàŋgɛ Lohwɛ̀ à mà jò ùŋmɛ̀lɛ è ndèli yà eni ò hwèjèelì hwe ama Yerzù Krirztò è mòrzùŋgèlì hwa arzu. Mɔ̀ à mà tìtòwà è ŋginyà yà è kpelì, ndèŋgàna à mà gbeyàna ŋmɛ̀ndì mò gbamù ò lì jò uŋmɛ̀lɛ̀ lòŋgɛ là gbìndèyà.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Tìmotì 2:5

Èhvɛhvɛ nyàyi ya lì gbèeyà Krirztò, e hwèlì ndi nàa mòtò ema a hwaŋga lìhwaŋgi na hwahvɛhvɛ hwatò, mɔ̀ à rza tànɛyi a luwa ekòotò e rzi hwɛ nanù ema mɔ̀ à ikayi imbenda ja lìhwaŋgi.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 12:11

È hvonda ema i kɔ̀kìrzɛ̀hwɛ̀, e hwèlì ndi e hvonda ema i hweyà mòrziyò ndèŋgànɛ̀lɛ̀ hvɛ i rza ohva mɔ̀nyɛ̀ŋgì. Ndi o mburzà hvonda, hwaŋga ema hwà mà kɔ̀kìrzɛ̀hwɛ̀, hwa lùwa etàŋgì ema e hwèlì ndi lòŋgɛ la ɛ̀yɔ̀lɛ̀ na e laa ehve-ehve.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 19:11

Nà ma ɛnɛ e ŋmanyu yà lohwà e lìhvohwèlì. Rzìi na ɔŋgɔ rzìi na ɛnɛ wɔ̀rzi ema e tana, e mòtò ema à mà e lìya o ŋmanyu à mà hwɛ̀lɛ̀hwɛ̀ ndi Èhve-ehve na Jɔ̀kɛ̀. Mɔ̀ a kàyìrzɛ hwatò ŋgànà ema e hvomɛ̀nɛ̀yi ndèŋgànɛ̀lɛ̀ a anana hwàkɔ̀yèlì.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 22:20

È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.

Hwèwulùwèlì 4:10

È hvonda ema hwe mà hwɛ lì emba, eŋge mbàŋgɛ yà hwàmbaki nà hwànìi hwa mà kpa ò worzo wò ama è mɔ̀ ema à lìyayi ò konda yà lìkànèyà, ema à hwèlì ò lòŋgɛ ò gbìndèyà nà ò gbìndèyà. Wɔ̀ hwa mà hwɛ lì mò ŋgba èluhwe, rzìi hwa hvimba hwèkòòtò hwe awu ò rze, ò worzo wò è konda yà lìkànèyà rzìi hwa à emba nanù ema,

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.