2 Tìmotì 4:3 - Mokpwe: Bakwery (New Testament)

³ È hvonda e o jà ema hwatò hwa rza òkànèyà hwèyòkòlèlì hwe jɔ̀kɛ̀, ndi wɔ̀ hwa o gbeyà ndi mamɛ mèèmà me awu me hwa ohweyà o lì gbeyà. Ndèŋgana wɔ̀ hwa o lìŋgàna ndi o lì òkànèyà hwà-òkòlèlì ema hwa o wo òkolɛ mamɛ ema wɔ̀ hwa lìŋgàni lì hweyà.

2 Tìmotì 4:3 Mawu Ofanana

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 6:26

Mòjèmà mò hwɛ nà inyɔ ema hwatò hwa arzɛ hwa è ekà. Nànù ndi ì mbamba ja awu ja kòhwà ì mà eka hwà-òhwèlì hwa hwèlìŋgɛ̀ hwa mèlàŋgà.

Yòwanìrzɛ̀ 8:45

Ndi èhwanja na òhwa e jɔ̀kɛ̀, inyɔ e rza nò lòkɛ̀!

Hwègbèèlì 17:21

Èhwanja i wònja ja arzɛ ja e mbòwa ndɛnɛ ya Atɛ̀nrzì na hwàyɛ̀nì hwa hwatò ema hwà mà lìya aŋga, hwà mà lìŋgàna ò lì akɛlɛ e hvònda ya awu ya arzɛ ò lì òhwa na ò lì òkànèyà màlùtèyà ma hvènya.

1 Kɔ̀rintìyà 2:1

Wònyamòwè è hvònda ema nà mà e jèeyà, ò lì e ùkirzɛ̀lɛ̀lɛ̀ ŋmɛ̀ndì mò Wòtani mo ama Lohwɛ̀, na rzì e ohwane tɔ̀ mbɔrzi e mà e mà imbama tɔ̀ lìhwìyè hvɛ ema lì mà karzama.

1 Kɔ̀rintìyà 2:4

Nà oma nà mà hwɛ lì e okolɛ̀, na lì ohweyà Ŋmɛ̀ndì mò Gbamù, ŋmɛ̀ndì nà mà hwɛ lì e ohweyà, mo rzi ohve tɔ̀ mbɔrzi ya lìhwiyè lì ndɛnɛ. Ndi na oma nà mà hwɛ lì e ohweyà Ŋmɛ̀ndì mò Gbamù, hweyà ema nà mà hwɛ lì ohwa, hwe uŋmɛ̀lɛ̀ ema e ŋginyà ya Èlìŋgɛ̀ yà Wòtani ema hwɛ na imba.

Gàletìyà 4:16

Èhwanja na e ohweyà e jɔ̀kɛ̀ lì hvomɛ̀nɛ̀ ŋmɛ̀ndì mò gbamù o eŋgànɛ̀lɛ̀ nàŋgɛ nanù nà mà timba ndi e mɔ̀kɔ̀yèlì hwa anyu e?

1 Tìmotì 1:10

È mbenda ya ama Lohwɛ̀ e hwèlì ndi o hwatò hwa morzonje, o wunyanà ema hwa juwa hwahvɛhvɛ wunyanà na o hwalana hvɛ ema wɔ̀ hvɛ hwa juwa hwahvɛhvɛ hwalana. O hwatò ema hwa hvùma hwahvɛhvɛ hwatò ò lì hwa àhwirzɛ̀ nàa hwàkòmì, o hwatò ema hwa kɔɔ hweyà, na o hwatò hvɛ ema hwa aàtɛ hweyi ja mòlàŋga o hwèkayirzelì, na hwatò hvɛ hwa gbèeyà hweyà ema hwa rza enje o ŋmɛ̀ŋgɛ o lì ohwa mamɛ hwèyòkòlèlì hwe jɔ̀kɛ̀ hwe ohwa.

2 Tìmotì 1:13

Ò lɛmbɛ nà ŋginyà è mbɔrzi yà jɔ̀kɛ̀ ema nà mà màa lì okòlɛ̀. È hwɛ ndi nàa ɛ̀mɛ̀nɛ̀nì ema ò àŋgàmɛ̀nɛyi lì nɔ̀ŋgɔ. Ò lòkɛ̀ Yerzù Krirztò ndèŋgàna ò lìŋgàne hvɛ hwahvɛhvɛ hwatò nà oma ò hwèlì mɔ̀kɔ nà Yerzù Krirztò.

Judɛ 1:18

Hwa mà è ohweyà nanù ema, “Ò mèènyà mè lìrzukù ema mè ò jɛ̀ɛ̀, hwatò ema hwa è yɔ̀ɔ̀yeyà hwa ò jà, wɔ̀ ema hwa oŋgàma ndi hweyàrzèlì hwe awu hwe è nyàma nyo ema hwe rza enje hwetɛirzelelì hwe ama Lohwɛ̀.”