2 Tìmotì 4:1 - Mokpwe: Bakwery (New Testament)

¹ Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

2 Tìmotì 4:1 Mawu Ofanana

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Lukàrzɛ̀ 19:12

Yerzù rzìi à òhwa nanù ema, “Mòtò mɔ̀kɔ wà èluhwe à mà ɛ̀ndɛ èkòmè yɔ̀kɔ ema è mà rzɔ̀lɛ̀nɛ̀ hvòhvò, ò lì lìirzɛhwɛ kiŋgɛ̀, ndèŋgàna à è tìmba ò ndawò yà èni.

Lukàrzɛ̀ 19:15

“Ndi òŋgò mòtò wà èluhwe à mà lìirzɛhwɛ kiŋgɛ̀. À mà tìmbè ò ndawò yà èni, rzìi à òmeyà hwaŋga hwàgbèèlì hwa eni ŋmɛ̀ndì ema, hwa jè hwa mò òhweyà mamɛ tɔ̀ ima mɔ̀ à mà yàlɛ̀ ò ŋmanyu yà kahvà yà enì.

Lukàrzɛ̀ 23:42

Aŋgà ndi àyeŋgòwɛ̀lɛ̀lɛ̀ Yerzù, rzìi a mò òhweyà nanù ema, “Ìi Yerzù, ò rzì nò hvòŋgà ò ma uka tɛ ò lìkànèyà lì aŋgɔ̀.”

Hwègbèèlì 10:42

Rzìi mɔ̀ à jò kànèyà nanù ema, jò òhweyà hwatò lì hvòmɛ̀nɛ̀ ŋmɛ̀ndì mò gbamù, ndèŋgànà irzɔ i tɛmi mbòŋgi nanù ema mɔ̀ ndi à hwèlì e mɔ̀ ema Lohwɛ̀ à mà hvɔ̀rzè, ò lì kàyìrzɛ̀ hwatò ema hwa hwèlì lòŋgɛ na e wɔ̀ ema hwà mà ŋwɛ.

Hwègbèèlì 17:31

Èhwanja mɔ̀ à mà rzekeya wùnyà nanù ema mɔ̀ à ò kàyìrzɛ̀ e rze ya arzɛ na hwèkàyìrzèlèlì hwe ehve-ehve. A ma hvɔ̀rzɔ̀ e mòtò ema a kàyìrzɛ mòŋgò ŋmàŋgò. Ndeŋgànɛ̀lɛ̀ mɔ̀ à mà uŋmɛ̀lɛ̀ hwatò hwa arzɛ nanù ema òŋgò mòtò a lòŋgamɛnɛyi na òma à mà mò hvùmùlɛ̀ ò kpelì.”

Ròmànì 2:16

O èŋgànɛ̀lɛ̀ lì hvòmɛ̀nɛ̀ Ŋmɛ̀ndì mò gbamù ema imba na òhwa, nanù ndi e ò hwɛ̀ɛ ò wòŋgò Wùnyà ema Lohwɛ̀ a ò ŋgbàà Yerzù Krirztò e ŋginyà ò lì kàyìrzɛ̀ɛ hwatò, lì hvòmɛ̀nɛ̀ màlùtèyà ma ìwùndɛ̀ ja mèèmà me awu na mamɛ hwa gbeyà ò jututa.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

2 Tɛ̀rzàlonìyà 2:8

Èŋge hvonda ndi e mòtò wa wòhwe a o wuluwahwɛ. Mɔ̀ a hwèlì ndi mòtò ema Rzàŋgo Yerzù a o òŋwɛ na muulu mo e wàna ya eni, ndèŋgànɛlɛ a o mo hvàŋga na ŋmàye mo eni mo nyo ema mo mɔ̀tɛ̀lɛ̀ rzàyi-rzàyi e hvonda ema mɔ̀ à o jɛ̀ɛ̀.

1 Tìmotì 5:21

Nà o òhweyà ndi o worzo wo ama Lohwɛ̀, Yerzù Krirztò, na o worzo wo i aŋgèlì ema i hvɔ̀rzɔ̀wì, nanù ema e gbèeyà mamɛ ema e hwɛni lì gbeyà e rzi hwɛ ndando tɔ̀ lì timbana mòtò mburza.

2 Tìmotì 1:10

Nàŋgɛ Lohwɛ̀ à mà jò ùŋmɛ̀lɛ è ndèli yà eni ò hwèjèelì hwe ama Yerzù Krirztò è mòrzùŋgèlì hwa arzu. Mɔ̀ à mà tìtòwà è ŋginyà yà è kpelì, ndèŋgàna à mà gbeyàna ŋmɛ̀ndì mò gbamù ò lì jò uŋmɛ̀lɛ̀ lòŋgɛ là gbìndèyà.

2 Tìmotì 2:14

O hwɛ ndi o lì ɔ̀ŋgɛ̀lɛ̀nɛ hwaŋga hwatò ema hwa lòkɛ̀ hwene hweyà, o hwa kòkòwɛ̀lɛ̀ o worzo hwa ama Lohwɛ̀ nanù ema, hwa rza akanjɛnɛ mɔ̀kɔ na ɔ̀nɛyi lì hvomɛ̀nɛ̀ eyà ya Lohwà. Ène nyayi ya hvenda e rza oŋgowàna, ndi e hvàŋga lìlòkɛ̀ la hwaŋga ema hwa e òkànèyà.

2 Tìmotì 4:18

Rzàŋgo, à ò nò rzùŋgà lòŋgɛ là ami ò tɔ̀ ima lìtumba là wòhwe ema lì ò nò urzuweyà, à ò nò timba gbamù ò Lìkànèyà là eni là è ŋmanyu yà Lohwà. Èluhwe yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

1 Pètrò 1:7

Lìtìŋga la manù màkèkìrzɛnɛ lì hwèlì ndi o lì e kèkirzɛ lìlòkɛ̀ la anyu o lì uŋmɛ̀lɛ̀ nanù ema lìlòkɛ̀ la anyu lì imbami na e jɔ̀kɛ̀. È gòòlù e tanɛ e hwɛ wòhwe ndi tɔ̀ nanù hwa e rzɛ̀lɛ̀ o mùnya o lì e rzàŋgìrzɛ, hwa tanɛ tɛ lì gbeyà gòòlù nanù, eŋge ŋgànà e hwèlì ndi nanù ema hwa àŋgàmɛ̀nɛ̀ lì e kèkirzɛ̀ lìlòkɛ̀ la anyu aŋga nanù lìlòkɛ̀ la anyu lì imbama ehwànja lìlòkɛ̀ la anyu lì akayi e gòòlù. È hwèlì tɛ nanù ema lìlòkɛ̀ la anyu lì akayi màkèkìrzɛ̀nɛ̀ aŋga nanù Lohwɛ̀ a e eka, mɔ̀ à e ŋgba ŋginyà na èluhwe e hvonda ema Yerzù Krirztò a o àwùlùhwɛlɛlɛ̀ hwatò hwa arzɛ hwa e rze ya mɔ̀nyɛ̀.

1 Pètrò 4:5

Ndi wɔ̀ hwa o tɛ̀mɛ̀ o hwèkayirzelì o worzo wo ama Lohwɛ̀ ema mɔ̀ à ambɛlɛlɛ o lì kàyìrzɛ̀ tɔ̀ ima mòtò. Mɔ̀ a kàyìrzɛ hwaŋga ema hwa hwèlì lòŋgɛ na e wɔ̀ ema hwà mà ŋwɛɛ.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

2 Pètrò 1:11

O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.

2 Pètrò 1:17

Irzɔ i ma ukeya aŋga na oma à mà hwɛ lì ŋgbààhwà èluhwe na ŋmàye na Lohwɛ̀ e Tatɛ̀. Lìlo lì ma uwɛ̀lɛ̀lɛ̀yi o ŋmanyu ema Lohwà ema lì Kàrzàmi lì ma mo òhweyà nanù ema, “È Ŋmanà wa ami wa munyanà wa ndìŋgɛ ya màlìŋgo òno ema a no òkirzɛ̀ imba mɔ̀nyɛ̀ŋgì.”

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.